ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਸਾਰਾ ਅਲੀ ਖਾਨ ਉਨ੍ਹਾਂ ਮਸ਼ਹੂਰ ਸਟਾਰ ਕਿਡਜ਼ ਦੀ ਲਿਸਟ ‘ਚ ਗਿਣੀ ਜਾਂਦੀ ਹੈ, ਜਿਨ੍ਹਾਂ ਨੇ ਬਹੁਤ ਘੱਟ ਸਮੇਂ ‘ਚ ਇੰਡਸਟਰੀ ‘ਚ ਆਪਣੀ ਵੱਖਰੀ ਪਛਾਣ ਬਣਾਈ। ਸਾਰਾ ਨੇ ਆਪਣੇ ਕਰੀਅਰ ‘ਚ ਹੁਣ ਤੱਕ ਕਈ ਫਿਲਮਾਂ ‘ਚ ਕੰਮ ਕੀਤਾ ਹੈ। ਉਸ ਦੀ ਅਦਾਕਾਰੀ ਨੂੰ ਵੀ ਦਰਸ਼ਕਾਂ ਨੇ ਸਰਾਹਿਆ ਹੈ। ਇਸ ਦੇ ਨਾਲ ਹੀ ਸਾਰਾ ਆਪਣੇ ਅਨੋਖੇ ਅੰਦਾਜ਼ ਨੂੰ ਲੈ ਕੇ ਹਮੇਸ਼ਾ ਸੁਰਖੀਆਂ ‘ਚ ਰਹਿੰਦੀ ਹੈ। ਸਾਰਾ ਅਲੀ ਖਾਨ ਆਪਣੇ ਦੋਸਤਾਂ ਨਾਲ ਮਾਲਦੀਵ ਘੁੰਮਣ ਗਈ ਸੀ, ਉਸ ਨੇ ਆਪਣੇ ਮਾਲਦੀਵ ਵਕੇਸ਼ਨ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਹੈ, ਜੋ ਲਗਾਤਾਰ ਵਾਇਰਲ ਹੋ ਰਹੀ ਹੈ।
ਸਾਰਾ ਅਲੀ ਖਾਨ ਘੁੰਮਣ ਦੀ ਬੇਹੱਦ ਸ਼ੌਕੀਨ ਹੈ। ਇਸ ਗੱਲ ਅੰਦਾਜ਼ਾ ਇਸ ਗੱਲ ਤੋਂ ਹੀ ਲਾਇਆ ਜਾ ਸਕਦਾ ਹੈ ਕਿ ਉਹ ਜਿਸ ਵੀ ਲੋਕੇਸ਼ਨ ‘ਤੇ ਆਪਣੀ ਫ਼ਿਲਮ ਦੀ ਸ਼ੂਟਿੰਗ ਕਰਦੀ ਹੈ, ਉਸ ਥਾਂ ਨੂੰ ਐਕਸਪਲੋਰ ਕਰਨਾ ਨਹੀਂ ਭੁੱਲਦੀ। ਹਾਲ ਹੀ ਵਿੱਚ ਮੱਧ ਪ੍ਰਦੇਸ਼ ਦੇ ਇੰਦੌਰ ਵਿਖੇ ਸ਼ੂਟਿੰਗ ਦੇ ਦੌਰਾਨ ਸਾਰਾ ਅਲੀ ਖਾਨ ਉਜੈਨ ਦੇ ਪ੍ਰਸਿੱਧ ਮਹਾਕਾਲ ਮੰਦਰ ਵਿੱਚ ਆਪਣੀ ਮਾਂ ਨਾਲ ਨਤਮਸਤਕ ਹੋਣ ਪੁੱਜੀ। ਇਸ ਤੋਂ ਬਾਅਦ ਉਸ ਨੂੰ ਭਗਵਾਨ ਗਣੇਸ਼ ਦੇ ਮੰਦਰ ਵਿੱਚ ਸਪਾਟ ਕੀਤਾ ਗਿਆ। ਹਾਲ ਹੀ ਵਿੱਚ ਸਾਰਾ ਅਲੀ ਖਾਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਆਪਣੀ ਮਾਲਦੀਵ ਵਕੇਸ਼ਨਸ ਦੀ ਵੀਡੀਓ ਸ਼ੇਅਰ ਕੀਤੀ ਹੈ।
ਇਸ ਵੀਡੀਓ ਦੇ ਵਿੱਚ ਸਾਰਾ ਆਪਣੇ ਦੋਸਤਾਂ ਨਾਲ ਮਸਤੀ ਕਰਦੀ ਹੋਈ ਵਿਖਾਈ ਦੇ ਰਹੀ ਹੈ। ਇੰਸਟਾਗ੍ਰਾਮ ਉੱਤੇ ਵੀਡੀਓ ਸ਼ੇਅਰ ਕਰਦੇ ਹੋਏ ਸਾਰਾ ਨੇ ਲਿਖਿਆ, ‘ਮੇਰੇ ਵਾਲਾਂ ‘ਚ ਇਹ ਹਵਾਵਾਂ, ਸਨਕਿਸਡ ਚਿਹਰਾ ਖਿੱਲਰੇ ਵਾਲ, ਸੋਚਿਆ ਕਿਉਂ ਨਾਂ ਇਸ ਵੀਡੀਓ ਨੂੰ ਸ਼ੇਅਰ ਕੀਤਾ ਜਾਵੇ। ਸਾਰਾ ਦਿਨ ਸਿਰਫ ਮਜ਼ੇਦਾਰ – ਕੋਈ ਫਿਕਰ ਨਹੀਂ, ਸੂਰਜ ਚੜ੍ਹਨਾ ਤੇ ਸੂਰਜ ਡੁੱਬਣਾ, ਹਰ ਪਾਸੇ ਸ਼ਾਨਦਾਰ ਵਾਈਬਸ। ਸਾਰਾ ਨੇ ਇਹ ਵੀਡੀਓ ਆਪਣੀ ਮਾਲਦੀਵ ਵਕੇਸ਼ਨ ਨੂੰ ਮਿਸ ਕਰਦੇ ਹੋਏ ਪਾਈ ਹੈ। ਇਸ ਵੀਡੀਓ ਦੇ ਵਿੱਚ ਸਾਰਾ ਬਿਕਨੀ ਪਾ ਕੇ ਆਪਣੇ ਦੋਸਤਾਂ ਨਾਲ ਖੂਬ ਮਸਤੀ ਕਰਦੀ ਹੋਈ ਨਜ਼ਰ ਆ ਰਹੀ ਹੈ। ਇਸ ਵਿੱਚ ਸਾਰਾ ਤੇ ਉਸ ਦੇ ਦੋਸਤਾਂ ਦੀਆਂ ਕਈ ਤਸਵੀਰਾਂ ਹਨ। ਵੀਡੀਓ ‘ਚ ਸਾਰਾ ਕਦੇ ਬੀਚ ਸਾਈਡ ‘ਤੇ ਡਾਂਸ ਕਰਦੀ, ਕਦੇ ਸਾਈਕਲ ਚਲਾਉਂਦੀ, ਕਦੇ ਨਾਰੀਅਲ ਦੇ ਦਰੱਖਤ ‘ਤੇ ਧੁੱਪ ਲੈਂਦੀ ਅਤੇ ਕਦੇ ਬੀਚ ‘ਤੇ ਬੈਠ ਕੇ ਡੁੱਬਦੇ ਸੂਰਜ ਨੂੰ ਦੇਖਦੀ ਨਜ਼ਰ ਆ ਰਹੀ ਹੈ। ਇਹ ਸਾਰੀਆਂ ਤਸਵੀਰਾਂ ‘ਚ ਸਾਰਾ ਨੇ ਵੱਖ-ਵੱਖ ਤਰ੍ਹਾਂ ਦੀ ਬਿਕਨੀ ਪਾਈ ਹੋਈ ਹੈ ਅਤੇ ਉਹ ਕਾਫੀ ਖੂਬਸੂਰਤ ਲੱਗ ਰਹੀ ਹੈ। ਸਾਰਾ ਦੀ ਇਸ ਵਕੇਸ਼ਨ ਵਾਲੀ ਵੀਡੀਓ ਨੂੰ ਫੈਨਜ਼ ਬਹੁਤ ਪਸੰਦ ਕਰ ਰਹੇ ਹਨ।
