ਨਵੀਂ ਦਿੱਲੀ: ਜਦੋਂ ਹਰ ਕੋਈ ਸ਼ੱਕ ਦੇ ਘੇਰੇ ਵਿੱਚ ਹੈ ਤਾਂ ਸ਼ੱਕ ਕਿਸ ‘ਤੇ ਕਰੀਏ? ਡਿਜ਼ਨੀ ਪਲੱਸ ਹੌਟਸਟਾਰ ਦੀ ਫਿਲਮ ‘ਗੈਸਲਾਈਟ’ ਵੀ ਅਜਿਹਾ ਹੀ ਟਵਿਸਟ ਲੈ ਕੇ ਆਈ ਹੈ। ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇੱਕ ਸ਼ਾਹੀ ਰਹੱਸ ਉਦੋਂ ਖੁੱਲ੍ਹਦਾ ਹੈ ਜਦੋਂ ਮੀਸ਼ਾ (ਸਾਰਾ ਅਲੀ ਖਾਨ) 15 ਸਾਲਾਂ ਬਾਅਦ ਆਪਣੇ ਪਰਿਵਾਰ ਦੀ ਜੱਦੀ ਜ਼ਮੀਨ ‘ਤੇ ਵਾਪਸ ਆਉਂਦੀ ਹੈ ਅਤੇ ਅਜੀਬ ਘਟਨਾਵਾਂ ਵਾਪਰਨੀਆਂ ਸ਼ੁਰੂ ਹੋ ਜਾਂਦੀਆਂ ਹਨ। ਰੁਕਮਣੀ (ਚਿਤਰਾਂਗਦਾ ਸਿੰਘ) ਅਤੇ ਕਪਿਲ (ਵਿਕਰਾਂਤ ਮੈਸੀ) ਦੇ ਨਾਲ, ਮੀਸ਼ਾ ਆਪਣੇ ਆਲੇ-ਦੁਆਲੇ ਹੋ ਰਹੀਆਂ ਚੀਜ਼ਾਂ ‘ਤੇ ਸਵਾਲ ਉਠਾਉਂਦੀ ਹੈ। ਜਦੋਂ ਉਹ ਸੱਚਾਈ ਦੀਆਂ ਗਹਿਰਾਈਆਂ ਨੂੰ ਜਾਣਨ ਲੱਗਦੀ ਹੈ ਤਾਂ ਭੇਦ ਹੋਰ ਡੂੰਘੇ ਹੁੰਦੇ ਜਾਂਦੇ ਹਨ। ਰਮੇਸ਼ ਤੋਰਾਨੀ, ਟਿਪਸ ਫਿਲਮਜ਼ ਲਿ. ਅਤੇ ਅਕਸ਼ੇ ਪੁਰੀ ਦੁਆਰਾ ਨਿਰਮਿਤ ਅਤੇ ਪਵਨ ਕ੍ਰਿਪਲਾਨੀ ਦੁਆਰਾ ਨਿਰਦੇਸ਼ਤ ‘ਗੈਸਲਾਈਟ’ 31 ਮਾਰਚ ਨੂੰ ਸਿਰਫ ਡਿਜ਼ਨੀ ਪਲੱਸ ਹੌਟਸਟਾਰ ‘ਤੇ ਰਿਲੀਜ਼ ਹੋ ਰਹੀ ਹੈ।
ਸਾਰਾ ਅਲੀ ਖਾਨ ਅਤੇ ਵਿਕਰਾਂਤ ਮੈਸੀ, ਚਿਤਰਾਂਗਦਾ ਸਿੰਘ, ਅਕਸ਼ੈ ਓਬਰਾਏ ਅਤੇ ਰਾਹੁਲ ਦੇਵ ਇਸ ਦਿਮਾਗੀ ਮਨੋਵਿਗਿਆਨਕ ਥ੍ਰਿਲਰ ਵਿੱਚ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਦੱਸ ਦੇਈਏ ਕਿ ਸਾਰਾ ਅਲੀ ਖਾਨ ਇਸ ਤੋਂ ਪਹਿਲਾਂ ‘ਅਤਰੰਗੀ ਰੇ’ ਵਿੱਚ ਨਜ਼ਰ ਆਈ ਸੀ। ਇਸ ਤੋਂ ਬਾਅਦ ਹੁਣ ਸਾਰਾ ਅਲੀ ਖਾਨ ‘ਗੈਸਲਾਈਟ’ ਨਾਲ ਧਮਾਲਾਂ ਪਾਉਣ ਲਈ ਤਿਆਰ ਹੈ। ਮਾਹਿਰਾਂ ਮੁਤਾਬਕ ਸਾਰਾ ਅਲੀ ਖਾਨ ਲਈ ਇਹ ਫਿਲਮ ਗੇਮ ਚੇਂਜਰ ਸਾਬਤ ਹੋ ਸਕਦੀ ਹੈ। ਟ੍ਰੇਲਰ ਨੂੰ ਦੇਖ ਕੇ ਲੱਗਦਾ ਹੈ ਕਿ ਸਾਰਾ ਅਲੀ ਖਾਨ ਫਿਲਮ ‘ਚ ਕਾਫੀ ਵਧੀਆ ਐਕਟਿੰਗ ਕਰਨ ਜਾ ਰਹੀ ਹੈ, ਇਸ ਲਈ ਜੇਕਰ ਦਰਸ਼ਕਾਂ ਨੂੰ ਸਾਰਾ ਅਲੀ ਦੀ ਅਦਾਕਾਰੀ ਪਸੰਦ ਆਵੇਗੀ ਤਾਂ ਫਿਲਮ ਕਾਫੀ ਵਧੀਆ ਪ੍ਰਦਰਸ਼ਨ ਕਰ ਸਕਦੀ ਹੈ। ਇਸ ਫਿਲਮ ਤੋਂ ਇਲਾਵਾ ਸਾਰਾ ਅਲੀ ਜਲਦ ਹੀ ਫਿਲਮ ‘ਏ ਵਤਨ ਮੇਰੇ ਵਤਨ’ ‘ਚ ਨਜ਼ਰ ਆਵੇਗੀ।
