ਅਦਾਕਾਰਾ ਸ਼ਹਿਨਾਜ਼ ਗਿੱਲ ਫੂਡ ਇਨਫੈਕਸ਼ਨ ਕਾਰਨ ਮੁੰਬਈ ਦੇ ਕੋਕਿਲਾਬੇਨ ਹਸਪਤਾਲ ‘ਚ ਭਰਤੀ ਹੈ। ਉਨ੍ਹਾਂ ਨੇ ਖੁਦ ਸੋਸ਼ਲ ਮੀਡੀਆ ‘ਤੇ ਲਾਈਵ ਹੋ ਕੇ ਇਹ ਜਾਣਕਾਰੀ ਦਿੱਤੀ। ਇਸ ਦੌਰਾਨ ਅਦਾਕਾਰਾ ਸੋਨਮ ਕਪੂਰ ਦੀ ਭੈਣ ਰੀਆ ਕਪੂਰ ਵੀ ਉਨ੍ਹਾਂ ਦੇ ਨਾਲ ਸੀ। ਉਹ ਹਸਪਤਾਲ ‘ਚ ਉਸ ਨੂੰ ਮਿਲਣ ਆਈ ਸੀ। ਹਸਪਤਾਲ ਦੇ ਬਾਹਰੋਂ ਰੀਆ ਦਾ ਵੀ ਇੱਕ ਵੀਡੀਓ ਸਾਹਮਣੇ ਆਇਆ ਹੈ।
ਲਾਈਵ ਸੈਸ਼ਨ ਵਿੱਚ ਸ਼ਹਿਨਾਜ਼ ਹਸਪਤਾਲ ਦੇ ਬੈੱਡ ਤੋਂ ਹੀ ਆਪਣੇ ਪ੍ਰਸ਼ੰਸਕਾਂ ਨਾਲ ਰੂਬਰੂ ਹੋਈ। ਅਦਾਕਾਰਾ ਨੇ ਦੱਸਿਆ ਕਿ ਉਸ ਨੇ ਸੈਂਡਵਿਚ ਖਾਧਾ ਸੀ, ਜਿਸ ਕਾਰਨ ਉਸ ਨੂੰ ਫੂਡ ਇਨਫੈਕਸ਼ਨ ਹੋ ਗਈ। ਸ਼ਹਿਨਾਜ਼ ਨੇ ਕਿਹਾ, ‘ਦੇਖੋ, ਹਰ ਕਿਸੇ ਦਾ ਸਮਾਂ ਆਉਂਦਾ ਹੈ, ਸਭ ਦਾ ਸਮਾਂ ਜਾਂਦਾ ਹੈ। ਮੇਰੇ ਨਾਲ ਵੀ ਅਜਿਹਾ ਹੀ ਹੋਇਆ। ਮੈਨੂੰ ਇੱਕ ਇਨਫੈਕਸ਼ਨ ਸੀ ਕਿਉਂਕਿ ਮੈਂ ਸੈਂਡਵਿਚ ਖਾ ਲਿਆ ਸੀ।
ਸ਼ਹਿਨਾਜ਼ ਦੇ ਇਸ ਲਾਈਵ ਵੀਡੀਓ ‘ਤੇ ਬਾਲੀਵੁੱਡ ਅਭਿਨੇਤਾ ਅਨਿਲ ਕਪੂਰ ਨੇ ਵੀ ਕੁਮੈਂਟ ਕੀਤਾ। ਉਨ੍ਹਾਂ ਨੇ ਲਿਖਿਆ, ‘ਹੈਲੋ ਸ਼ਹਿਨਾਜ਼ ਜੀ, ਤੁਸੀਂ ਮੁਮਤਾਜ਼ ਵਰਗੇ ਲੱਗ ਰਹੇ ਹੋ। ਹਰ ਕੋਈ ਦੇਖ ਰਿਹਾ ਹੈ ਅਤੇ ਪ੍ਰਸ਼ੰਸਾ ਕਰ ਰਿਹਾ ਹੈ।” ਹਾਲਾਂਕਿ ਸ਼ਹਿਨਾਜ਼ ਦੇ ਇਸ ਲਾਈਵ ਦੌਰਾਨ ਕਈ ਪ੍ਰਸ਼ੰਸਕਾਂ ਨੇ ਉਸ ਨੂੰ ਲੈ ਕੇ ਚਿੰਤਾ ਜਤਾਈ। ਬਹੁਤ ਸਾਰੇ ਪ੍ਰਸ਼ੰਸਕਾਂ ਨੇ ਸ਼ਹਿਨਾਜ਼ ਦੇ ਜਲਦੀ ਠੀਕ ਹੋਣ ਲਈ ਪ੍ਰਾਰਥਨਾ ਕੀਤੀ।