ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਇਨ੍ਹੀਂ ਦਿਨੀਂ ਆਪਣੀ ਬੇਟੀ ਸਮੀਸ਼ਾ ਨਾਲ ਕਾਫੀ ਸਮਾਂ ਬਤੀਤ ਕਰ ਰਹੀ ਹੈ। ਸ਼ਿਲਪਾ ਸ਼ੈੱਟੀ ਅਕਸਰ ਆਪਣੀ ਬੇਟੀ ਨਾਲ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰਦੀ ਰਹਿੰਦੀ ਹੈ। ਅਦਾਕਾਰਾ ਨੇ ਆਪਣੀ ਬੇਟੀ ਦਾ ਇੱਕ ਨਵਾਂ ਵੀਡੀਓ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਹੈ ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ‘ਚ ਸਮੀਸ਼ਾ ਆਪਣੇ ਘਰ ਦੇ ਬਗੀਚੇ ‘ਚ ਇਕ ਜ਼ਖਮੀ ਪੰਛੀ ਨੂੰ ਦੇਖ ਕੇ ਕਾਫੀ ਪਰੇਸ਼ਾਨ ਨਜ਼ਰ ਆ ਰਹੀ ਹੈ ਅਤੇ ਉਹ ਆਪਣੀ ਤੋਤਲੀ ਅਵਾਜ਼ ਵਿੱਚ ਗਾਇਤਰੀ ਮੰਤਰ ਦਾ ਜਾਪ ਕਰ ਰਹੀ ਹੈ।
ਇੰਨੀ ਛੋਟੀ ਉਮਰ ‘ਚ ਸਮੀਸ਼ਾ ਦੀ ਇਸ ਪ੍ਰਤੀਕਿਰਿਆ ਨੂੰ ਦੇਖ ਫੈਨਜ਼ ਕਾਫੀ ਹੈਰਾਨ ਹਨ। ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਸ਼ਿਲਪਾ ਨੇ ਕੈਪਸ਼ਨ ‘ਚ ਲਿਖਿਆ, ” ਬੱਚਿਆਂ ਦੇ ਦਿਲ ਸੱਚਮੁੱਚ ਸਭ ਤੋਂ ਸਾਫ਼ ਦਿਲ ਹੁੰਦੇ ਹਨ ਇਹ ਦੇਖ ਕੇ ਹੈਰਾਨੀ ਹੁੰਦੀ ਹੈ ਕਿ ਸਮੀਸ਼ਾ (ਜੋ ਅਜੇ 2 ਸਾਲ ਦੀ ਨਹੀਂ ਹੈ) ਉਸ ‘ਚ ਹਮਦਰਦੀ ਦਾ ਭਾਵ ਹੈ ਅਤੇ ਉਹ ਹਮਦਰਦੀ ਨੂੰ ਮਹਿਸੂਸ ਕਰਦੀ ਹੈ, ਅਤੇ ਸੁਭਾਵਕ ਤੌਰ ‘ਤੇ ਇਸ ਦਾ ਪਤਾ ਉਦੋਂ ਲੱਗਦਾ ਹੈ ਜਦੋਂ ਕਿਸੇ ਨੂੰ ਪ੍ਰਾਰਥਨਾ ਅਤੇ ਬਿਨਾਂ ਸ਼ਰਤ ਪਿਆਰ ਦੀ ਲੋੜ ਹੁੰਦੀ ਹੈ ਪ੍ਰਾਰਥਨਾ ਅਤੇ ਵਿਸ਼ਵਾਸ ਦੀ ਸ਼ਕਤੀ ਸੰਸਾਰ ਨੂੰ ਗੋਲ ਕਰ ਦਿੰਦੀ ਹੈ।
https://www.instagram.com/p/CYoZMrIBvOQ/
ਕਾਸ਼ ਅਸੀਂ ਇਸ ਨੂੰ ਵੱਡੇ ਹੋ ਕੇ ਯਾਦ ਰੱਖੀਏ ਤੁਹਾਡਾ ਧੰਨਵਾਦ @petaindia, ਜ਼ਖਮੀ ਬੱਚੇ ਰਾਵੇਨ ਨੂੰ ਬਚਾਉਣ ਲਈ । ” ਨਿੱਕੀ ਜਿਹੀ ਸਮੀਸ਼ਾ ਦਾ ਇਹ ਕਿਊਟ ਵੀਡੀਓ ਫੈਨਸ ਕੇ ਦਿਲਾਂ ਨੂੰ ਛੂ ਰਿਹਾ ਹੈ। ਹੁਣ ਤੱਕ ਇਸ ਵੀਡੀਓ ਨੂੰ 9 ਲੱਖ ਤੋਂ ਜ਼ਿਆਦਾ ਵਾਰ ਵੇਖਿਆ ਗਿਆ ਹੈ। ਇਸ ਵੀਡੀਓ ਨੂੰ ਬਾਲੀਵੁੱਡ ਸੈਲੇਬਸ ਵੀ ਪਸੰਦ ਕਰ ਰਹੇ ਹਨ।
