ਮਰਹੂਮ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਅੱਜ ਸਾਡੇ ਵਿੱਚ ਨਹੀਂ ਹਨ । ਦੁਨੀਆ ਭਰ ‘ਚ ਆਪਣੇ ਗੀਤਾਂ ਅਤੇ ਆਪਣੇ ਅੰਦਾਜ਼ ਕਾਰਨ ਮਸ਼ਹੂਰ ਸਿੱਧੂ ਮੂਸੇਵਾਲਾ ਭਾਵੇਂ ਸਾਡੇ ਵਿੱਚ ਨਹੀਂ ਰਹੇ ਪਰ ਉਨ੍ਹਾਂ ਦੇ ਗੀਤਾਂ ਨੇ ਲੋਕਾਂ ਦੇ ਦਿਲਾਂ ਵਿੱਚ ਜੋ ਆਪਣੀ ਜਗ੍ਹਾ ਬਣਾਈ ਹੈ, ਉਹ ਹਜ਼ਾਰਾਂ ਸਾਲ ਤੱਕ ਜਿੰਦਾ ਰਹੇਗੀ। ਫੈਨਸ ਤੇ ਪਰਿਵਾਰ ਅਜੇ ਵੀ ਉਸਦੀ ਮੌਤ ਦੇ ਗਮ ਤੋਂ ਬਾਹਰ ਨਹੀਂ ਆ ਸਕੇ। ਪਰ ਸਿੱਧੂ ਦੇ ਮਾਪੇ ਆਪਣੇ ਬੇਟੇ ਨੂੰ ਜ਼ਿੰਦਾ ਕਰਨ ਲਈ ਕੋਈ ਕਸਰ ਨਹੀਂ ਛੱਡ ਰਿਹਾ। ਉਹ ਵਲੋਂ ਸਿੱਧੂ ਦੇ ਅਣ-ਲਿਖੇ ਗੀਤਾਂ ਰਾਹੀਂ ਉਸ ਦੀ ਗਾਇਕੀ ਦੀ ਵਿਰਾਸਤ ਨੂੰ ਸੰਭਾਲ ਰਹੇ ਹਨ। ਦੱਸ ਦਈਏ ਕਿ ਸਿੱਧੂ ਦੀ ਮੌਤ ਤੋਂ ਬਾਅਦ ਉਸ ਦੋ ਗਾਣੇ ਪਹਿਲਾਂ ਹੀ ਰਿਲੀਜ਼ ਹੋ ਚੁੱਕੇ ਹਨ ਅਤੇ ਹੁਣ ਉਸ ਦੇ ਤੀਜੇ ਗਾਣੇ ਦੀ ਉਡੀਕ ਕਰ ਰਹੇ ਫੈਨਸ ਲਈ ਇੱਕ ਹੋਰ ਖ਼ਬਰ ਹੈ, ਜਿਵੇਂ ਕੀ ਸਾਰੇ ਜਾਣਦੇ ਹਨ ਕਿ ਇਸ ਸਮੇਂ ਸਿੱਧੂ ਦੇ ਮਾਪੇ ਯੂਕੇ ਗਏ ਹੋਏ ਹਨ ਤੇ ਇਸ ਦੌਰਾਨ ਉਨ੍ਹਾਂ ਵਲੋਂ ਇੰਟਰਨੈਸ਼ਨ ਰੈਪਰ ਬਰਨਾ ਬੁਆਏ ਨਾਲ ਮੁਲਾਕਾਤ ਕੀਤੀ ਗਈ।
ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਪ੍ਰਸਿੱਧ ਸਿੰਗਰ ਤੇ ਕਪੌਜ਼ਰ ਸਟੀਲ ਬੈਂਗਲਜ਼ (Steel Banglez) ਨੇ ਮਰਹੂਮ ਸਿੰਗਰ ਸਿੱਧੂ ਮੂਸੇਵਾਲਾ ਨਾਲ ਇੱਕ ਨਜ਼ਦੀਕੀ ਸਾਂਝ ਤੇ ਮਜ਼ਬੂਤ ਬੰਧਨ ਸਾਂਝਾ ਕੀਤਾ। ਅਤੇ ਉਸਨੇ ਸਿੱਧੂ ਮੂਸੇਵਾਲਾ ਦੇ ‘Mera Na’ ਗੀਤ ਨੂੰ ਪੂਰਾ ਕਰਨ ਲਈ Burna Boy ਨਾਲ ਮਿਲਕੇ ਕੰਮ ਕੀਤਾ। ਸਟੀਲ ਬੈਂਗਲਜ਼ ਨੇ ਸਿੱਧੂ ਮੂਸੇਵਾਲਾ ਦੀ ਐਲਬਮ ਮੂਜ਼ਟੇਪ ਵਿੱਚ ਵੀ ਕੰਮ ਕੀਤਾ। ਹੁਣ ਨਵੇਂ ਗਾਣੇ ਬਾਰੇ ਸਟੀਲ ਨੇ ਖੁਦ ਜਾਣਕਾਰੀ ਸਾਂਝੀ ਕੀਤੀ ਤੇ ਇਸ ਬਾਰੇ ਉਸ ਨੇ ਸਿੱਧੂ ਮੂਸੇਆਲਾ ਦੇ ਮਾਪਿਆਂ ਨਾਲ ਤਸਵੀਰ ਸ਼ੇਅਰ ਕਰ ਖੁਲਾਸਾ ਕੀਤਾ ਗਿਆ।
