ਬਾਲੀਵੁਡ ਦੀ ਮਸ਼ਹੂਰ ਜੋੜੀ ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਦੇ ਵਿਆਹ ਦੇ ਚਰਚਿਆਂ ਵਿਚਾਲੇ ਇੱਕ ਹੋਰ ਜੋੜਾ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਿਹਾ ਹੈ। ਗਾਇਕ ਮਿਲਿੰਦ ਗਾਬਾ 16 ਅਪ੍ਰੈਲ ਨੂੰ ਆਪਣੀ ਲੰਬੇ ਸਮੇਂ ਦੀ ਪ੍ਰੇਮਿਕਾ ਪ੍ਰਿਆ ਬੈਨੀਵਾਲ ਨਾਲ ਵਿਆਹ ਕਰਨ ਜਾ ਰਹੇ ਹਨ। ਦੋਵੇਂ ਚਾਰ ਸਾਲਾਂ ਤੋਂ ਇੱਕ ਦੂਜੇ ਦੇ ਨਾਲ ਹਨ। ਸਿੰਗਰ ਨੇ ਦੱਸਿਆ ਕਿ ਦੋਹਾਂ ਦੀ ਮੁਲਾਕਾਤ ਜੁਲਾਈ 2018 ‘ਚ ਹੋਈ ਸੀ, ਜਿਸ ਤੋਂ ਬਾਅਦ ਮਿਲਿੰਦ ਵੈਸ਼ਨੋ ਦੇਵੀ ‘ਚ ਸਨ ਜਦੋਂ ਦੋਹਾਂ ਨੇ ਇਕ-ਦੂਜੇ ਨੂੰ ਹਾਂ ਕਹਿ ਦਿੱਤੀ।
ਮਿਲਿੰਦ ਨੇ ਕਿਹਾ, ”ਅਸੀਂ 14 ਜੁਲਾਈ 2018 ਨੂੰ ਮਿਲੇ ਸੀ ਅਤੇ ਮੈਂ 25 ਜੁਲਾਈ ਨੂੰ ਵੈਸ਼ਨੋ ਦੇਵੀ ‘ਚ ਸੀ। ਉਸ ਦਿਨ ਅਸੀਂ ਦੋਹਾਂ ਨੇ ਇਕ-ਦੂਜੇ ਨੂੰ ਹਾਂ ਕਰ ਦਿੱਤੀ। ਵੈਸ਼ਨੋ ਦੇਵੀ ਮੇਰੇ ਦਿਲ ਦੇ ਬਹੁਤ ਕਰੀਬ ਹੈ ਅਤੇ ਮੈਨੂੰ ਉਸ ‘ਤੇ ਬਹੁਤ ਵਿਸ਼ਵਾਸ ਹੈ। 25 ਜੁਲਾਈ 2018 ਤੋਂ ਹੁਣ ਤੱਕ ਅਸੀਂ ਦੋਵੇਂ ਇਕੱਠੇ ਹਾਂ ਅਤੇ ਹਮੇਸ਼ਾ ਇਕੱਠੇ ਰਹਾਂਗੇ।
ਦੱਸ ਦਈਏ ਕਿ ਇਸ ਜੋੜੇ ਦਾ ਰੋਕਾ 2020 ਵਿੱਚ ਹੋਇਆ ਸੀ। ਗਾਇਕ ਨੇ ਕਿਹਾ, “ਰੋਕਾ ਸੈਰੇਮਨੀ ਤੱਕ ਸਾਨੂੰ ਯਕੀਨ ਹੋ ਗਿਆ ਸੀ ਕਿ ਅਸੀਂ ਇੱਕ ਦੂਜੇ ਨਾਲ ਵਿਆਹ ਕਰਨਾ ਹੈ। ਮੈਂ ਉਸ ਨੂੰ ਅਸਲੀਅਤ ਵਿੱਚ ਪ੍ਰਪੋਜ਼ ਨਹੀਂ ਕੀਤਾ ਸੀ, ਇਹ ਆਪਣੇ ਆਪ ਹੀ ਹੋਇਆ ਸੀ। ਫਿਰ ਅਸੀਂ ਵਿਆਹ ਕਰਨ ਬਾਰੇ ਸੋਚਿਆ।”
ਗਾਇਕ ਨੇ ਅੱਗੇ ਕਿਹਾ, “ਮੇਰੇ ਦੋਸਤ, ਮੇਰੇ ਸਾਥੀ ਅਤੇ ਜੋ ਵੀ ਇੰਡਸਟਰੀ ਤੋਂ ਮੇਰੇ ਨੇੜੇ ਹਨ ਹਰ ਉਹ ਵਿਅਕਤੀ ਮੇਰੇ ਵਿਆਹ ਵਿੱਚ ਸ਼ਾਮਿਲ ਹੋਵੇਗਾ। ਇਸ ਦਿਨ ਮੈਂ ਵੀ ਗਾਵਾਂਗਾ,ਪਰਫਾਰਮ ਕਰਾਂਗਾ ਅਤੇ ਬਹੁਤ ਵਧੀਆ ਸਮਾਂ ਬਤੀਤ ਕਰਾਂਗੇ। ਇਹ ਰਾਤ ਬਹੁਤ ਖਾਸ ਹੋਣ ਵਾਲੀ ਹੈ। “
