ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ ਵਿਆਹ ਕਰਨ ਜਾ ਰਹੇ ਹਨ। ਸੈਲੇਬਸ ਨੇ 23 ਜੂਨ ਦੀ ਤਾਰੀਖ ਦੀ ਪੁਸ਼ਟੀ ਕੀਤੀ ਹੈ। ਬਾਲੀਵੁੱਡ ਦੀ ਜੋੜੀ ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ ਨੇ ਬੀਤੀ ਰਾਤ ਇੱਕ ਬੈਚਲਰ ਪਾਰਟੀ ਕੀਤੀ। ਦੋਵਾਂ ਨੇ ਇਸ ਪਾਰਟੀ ਦੀਆਂ ਕੁਝ ਤਸਵੀਰਾਂ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ ‘ਚ ਸੋਨਾਕਸ਼ੀ ਦੇ ਨਾਲ ਉਸ ਦੀ ਕਰੀਬੀ ਦੋਸਤ ਅਤੇ ਅਦਾਕਾਰਾ ਹੁਮਾ ਕੁਰੈਸ਼ੀ ਵੀ ਨਜ਼ਰ ਆ ਰਹੀ ਹੈ।
ਸਾਹਮਣੇ ਆਈਆਂ ਤਸਵੀਰਾਂ ‘ਚ ਸੋਨਾਕਸ਼ੀ ਸਿਨਹਾ ਸ਼ਿਮਰੀ ਬਲੈਕ ਆਊਟਫਿਟ ‘ਚ ਨਜ਼ਰ ਆ ਰਹੀ ਹੈ, ਜਿਸ ਦੇ ਨਾਲ ਉਨ੍ਹਾਂ ਨੇ ਕੈਪਸ਼ਨ ਦਿੱਤਾ ਹੈ ‘17.06.2024’। ਇਸ ਤੋਂ ਇਲਾਵਾ ਉਸ ਨੇ ਗਰਲ ਗੈਂਗ ਨਾਲ ਇਕ ਸੈਲਫੀ ਵੀ ਸ਼ੇਅਰ ਕੀਤੀ ਹੈ, ਜਿਸ ‘ਚ ਅਭਿਨੇਤਰੀ ਹੁਮਾ ਕੁਰੈਸ਼ੀ ਵੀ ਬਲੈਕ ਆਊਟਫਿਟ ‘ਚ ਨਜ਼ਰ ਆ ਰਹੀ ਹੈ। ਤੀਸਰੀ ਫੋਟੋ ਵਿੱਚ ਸੋਨਾਕਸ਼ੀ ਇੱਕ ਦੋਸਤ ਨਾਲ ਨਜ਼ਰ ਆ ਰਹੀ ਹੈ, ਇਸ ਫੋਟੋ ਦੇ ਬੈਕਗਰਾਉਂਡ ਵਿੱਚ ਗੋਲਡਨ ਗੁਬਾਰਿਆਂ ਦੀ ਸਜਾਵਟ ਵੇਖੀ ਜਾ ਸਕਦੀ ਹੈ। ਇਸ ਪਾਰਟੀ ‘ਚ ਸੋਨਾਕਸ਼ੀ ਦੇ ਸਾਰੇ ਦੋਸਤ ਬਲੈਕ ਆਊਟਫਿਟਸ ‘ਚ ਨਜ਼ਰ ਆਏ। ਪਾਰਟੀ ਦਾ ਡਰੈੱਸ ਕੋਡ ਕਾਲਾ ਸੀ।
ਦੂਜੇ ਪਾਸੇ, ਜ਼ਹੀਰ ਨੇ ਵੀ ਆਪਣੇ ਦੋਸਤਾਂ ਨਾਲ ਪਾਰਟੀ ਕਰਦੇ ਹੋਏ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ ‘ਚ ਜ਼ਹੀਰ ਆਪਣੇ ਬੁਆਏਜ਼ ਗੈਂਗ ਨਾਲ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ।
