ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ 23 ਜੂਨ ਨੂੰ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ। ਇਸ ਦੌਰਾਨ ਹਾਲ ਹੀ ‘ਚ ਹੋਏ ਜੋੜੇ ਦੇ ਹਲਦੀ ਅਤੇ ਮਹਿੰਦੀ ਸਮਾਰੋਹ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ।
ਦੱਸ ਦਈਏ ਕਿ ਇਸ ਵਿਆਹ ‘ਚ ਸ਼ਾਮਲ ਹੋਣ ਲਈ ਸੋਨਾਕਸ਼ੀ ਦੇ ਪਿਤਾ ਸ਼ਤਰੂਘਨ ਸਿਨਹਾ ਦੇ ਭਰਾ ਅਤੇ ਪਰਿਵਾਰ ਦੇ ਕਈ ਮੈਂਬਰ ਅਮਰੀਕਾ ਤੋਂ ਆ ਰਹੇ ਹਨ। ਇਸ ਗੱਲ ਦਾ ਖੁਲਾਸਾ ਸ਼ਤਰੂਘਨ ਦੇ ਦੋਸਤ ਸ਼ਸ਼ੀ ਰੰਜਨ ਨੇ ਹਾਲ ਹੀ ‘ਚ ਦਿੱਤੇ ਇੰਟਰਵਿਊ ‘ਚ ਕੀਤਾ ਹੈ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਜੋੜੇ ਦਾ ਰਜਿਸਟਰਡ ਵਿਆਹ ਜ਼ਹੀਰ ਇਕਬਾਲ ਦੇ ਘਰ ਹੀ ਹੋਵੇਗਾ। ਇਹ ਪੂਰੇ ਪਰਿਵਾਰ ਲਈ ਬਹੁਤ ਖੁਸ਼ੀ ਦਾ ਪਲ ਹੈ।
ਇਹ ਜਾਣਕਾਰੀ ਵੀ ਸਾਹਮਣੇ ਆਈ ਹੈ ਕਿ ਅੱਜ ਯਾਨੀ ਕਿ 22 ਜੂਨ ਨੂੰ ਇਹ ਜੋੜਾ ਮੰਗਣੀ ਕਰਨ ਜਾ ਰਿਹਾ ਹੈ। 23 ਜੂਨ ਨੂੰ ਸਵੇਰੇ ਦੋਹਾਂ ਦਾ ਰਜਿਸਟਰਡ ਵਿਆਹ ਹੋਵੇਗਾ ਅਤੇ ਫਿਰ ਉਸੇ ਦਿਨ ਸ਼ਾਮ ਨੂੰ ਮੁੰਬਈ ਦੇ ਦਾਦਰ ਦੇ ਬਾਸਸ਼ਨ ਰੈਸਟੋਰੈਂਟ ‘ਚ ਰਿਸੈਪਸ਼ਨ ਪਾਰਟੀ ਹੋਵੇਗੀ।
