ਅਦਾਕਾਰਾ ਸੋਨਮ ਕਪੂਰ ਅਤੇ ਉਨ੍ਹਾਂ ਦੇ ਪਤੀ ਆਨੰਦ ਆਹੂਜਾ ਦਾ ਪਿਆਰਾ ਬੇਟਾ ਵਾਯੂ ਕਪੂਰ ਆਹੂਜਾ 21 ਅਗਸਤ ਨੂੰ 1 ਸਾਲ ਦੀ ਹੋ ਗਿਆ ਹੈ। ਜੋੜੇ ਨੇ ਬੇਟੇ ਵਾਯੂ ਦਾ ਪਹਿਲਾ ਜਨਮਦਿਨ ਆਪਣੇ ਪਰਿਵਾਰ ਨਾਲ ਉਨ੍ਹਾਂ ਦੇ ਘਰ ‘ਚ ਮਨਾਇਆ ਅਤੇ ਹੁਣ ਸੋਨਮ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਬੇਟੇ ਦੇ ਜਨਮਦਿਨ ਦੀਆਂ ਤਸਵੀਰਾਂ ਸ਼ੇਅਰ ਕਰਕੇ ਆਪਣੇ ਪ੍ਰਸ਼ੰਸਕਾਂ ਲਈ ਇਸ ਗੱਲ ਦਾ ਖੁਲਾਸਾ ਕੀਤਾ ਹੈ।
ਵਾਯੂ ਦੇ ਪਹਿਲੇ ਜਨਮਦਿਨ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਸਿਰਫ ਪ੍ਰਸ਼ੰਸਕ ਹੀ ਨਹੀਂ, ਸੈਲੇਬਸ ਵੀ ਵਾਯੂ ਨੂੰ ਉਨ੍ਹਾਂ ਦੇ ਪਹਿਲੇ ਜਨਮਦਿਨ ‘ਤੇ ਵਧਾਈ ਦੇ ਰਹੇ ਹਨ।
ਵਾਯੂ ਦੇ ਪਹਿਲੇ ਜਨਮਦਿਨ ਦੀਆਂ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਸੋਨਮ ਕਪੂਰ ਨੇ ਕੈਪਸ਼ਨ ‘ਚ ਲਿਖਿਆ- ਸਾਡਾ ਵਾਯੂ ਕੱਲ੍ਹ 1 ਸਾਲ ਦਾ ਹੋ ਗਿਆ ਹੈ। ਬੇਟੇ ਦੇ ਜਨਮਦਿਨ ਦੇ ਮੌਕੇ ‘ਤੇ, ਅਸੀਂ ਘਰ ਵਿਚ ਇਕ ਛੋਟੀ ਜਿਹੀ ਪੂਜਾ ਕੀਤੀ ਅਤੇ ਪਰਿਵਾਰ ਲਈ ਦੁਪਹਿਰ ਦੇ ਭੋਜਨ ਦਾ ਆਯੋਜਨ ਕੀਤਾ।
ਸੋਨਮ ਨੇ ਅੱਗੇ ਲਿਖਿਆ ਕਿ ਇਸ ਮੌਕੇ ‘ਤੇ ਸਾਨੂੰ ਆਸ਼ੀਰਵਾਦ ਦੇਣ ਲਈ ਸਭ ਦਾ ਬਹੁਤ ਬਹੁਤ ਧੰਨਵਾਦ #everydayphenomenal #vayusparents। ਖਾਸ ਤੌਰ ‘ਤੇ ਰਾਣੀ ਪਿੰਕ, ਜਿਸ ਨੇ ਸੁੰਦਰ ਥੀਮ ਆਧਾਰਿਤ ਪੂਜਾ ਅਤੇ ਦੁਪਹਿਰ ਦੇ ਖਾਣੇ ਦਾ ਪ੍ਰਬੰਧ ਕੀਤਾ। ਲਵ ਯੂ… ਮੰਦਿਰ ਦੀ ਖੂਬਸੂਰਤ ਸਜਾਵਟ ਲਈ ਕਵਿਤਾ ਸਿੰਘ ਦਾ ਬਹੁਤ ਬਹੁਤ ਧੰਨਵਾਦ… ਦੁਨੀਆ ਦੀ ਸਭ ਤੋਂ ਵਧੀਆ ਆਂਟੀ”
ਸ਼ੇਅਰ ਕੀਤੀਆਂ ਤਸਵੀਰਾਂ ‘ਚ ਸੋਨਮ ਅਤੇ ਵਾਯੂ, ਘਰ ਦੇ ਮੰਦਰ ਦੀ ਝਲਕ, ਅਨਿਲ ਕਪੂਰ-ਸੁਨੀਤਾ ਕਪੂਰ, ਪ੍ਰਿਆ ਆਹੂਜਾ-ਹਰੀਸ਼ ਆਹੂਜਾ, ਆਲੀਸ਼ਾਨ ਡਾਇਨਿੰਗ ਟੇਬਲ, ਘਰ ਦੀ ਸਜਾਵਟ ਅਤੇ ਚਿੱਟੇ-ਨੀਲੇ ਰੰਗ ਦੇ ਗੁਬਾਰੇ ਨਜ਼ਰ ਆ ਰਹੇ ਹਨ।
