ਸ਼ੋਅ ‘ਨਾਗਿਨ’ ਤੋਂ ਸਾਰਿਆਂ ਦੇ ਦਿਲਾਂ ‘ਤੇ ਰਾਜ ਕਰ ਰਹੀ ਤੇਜਸਵੀ ਪ੍ਰਕਾਸ਼ ਨੇ ਨਵੀਂ ਕਾਰ ਖਰੀਦੀ ਹੈ। ਤੇਜਸਵੀ ਨੇ ਇੱਕ ਔਡੀ ਕਾਰ ਖਰੀਦੀ ਹੈ ਅਤੇ ਉਹ ਆਪਣੇ ਲਈ ਇਹ ਤੋਹਫ਼ਾ ਲੈ ਕੇ ਬਹੁਤ ਖੁਸ਼ ਹੈ। ਇਸ ਦੌਰਾਨ ਤੇਜਸਵੀ ਨਾਲ ਕਰਨ ਕੁੰਦਰਾ ਵੀ ਨਜ਼ਰ ਆ ਰਹੇ ਹਨ। ਤੇਜਸਵੀ ਨੂੰ ਕਾਰ ਦੀ ਪੂਜਾ ਕਰਦੇ ਦੇਖਿਆ ਗਿਆ।
ਉੱਥੇ ਹੀ ਕਰਨ ਤੇਜਸਵੀ ਦੇ ਇਸ ਖਾਸ ਪਲ ਨੂੰ ਆਪਣੇ ਫੋਨ ‘ਤੇ ਕੈਦ ਕਰ ਰਹੇ ਸਨ। ਇਸ ਦੌਰਾਨ ਤੇਜਸਵੀ ਦੇ ਚਿਹਰੇ ‘ਤੇ ਨਵੀਂ ਕਾਰ ਦੀ ਖੁਸ਼ੀ ਸਾਫ ਦਿਖਾਈ ਦੇ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਤੇਜਸਵੀ ਪ੍ਰਕਾਸ਼ ਅਤੇ ਕਰਨ ਕੁੰਦਰਾ ਦੀ ਜੋੜੀ ਬਿੱਗ ਬੌਸ ਦੇ ਪਿਛਲੇ ਸੀਜ਼ਨ ਤੋਂ ਕਾਫੀ ਸੁਰਖੀਆਂ ਵਿੱਚ ਹੈ।
ਦੋਵੇਂ ਇਸ ਸ਼ੋਅ ਰਾਹੀਂ ਹੀ ਇੱਕ ਦੂਜੇ ਦੇ ਨੇੜੇ ਆਏ। ਸ਼ੋਅ ਦੌਰਾਨ ਦੋਵਾਂ ਨੇ ਇਕ-ਦੂਜੇ ਲਈ ਆਪਣੇ ਪਿਆਰ ਦਾ ਇਜ਼ਹਾਰ ਕੀਤਾ ਸੀ ਅਤੇ ਹੁਣ ਸ਼ੋਅ ਤੋਂ ਬਾਹਰ ਆ ਕੇ ਵੀ ਦੋਵੇਂ ਇਕ-ਦੂਜੇ ਦੇ ਨਾਲ ਹਨ।
