ਤੁਨੀਸ਼ਾ ਸ਼ਰਮਾ ਨੇ 24 ਦਸੰਬਰ ਦੀ ਸਵੇਰ ਨੂੰ ਮੁੰਬਈ ਵਿੱਚ ਸੀਰੀਅਲ ਅਲੀ ਬਾਬ-ਦਾਸਤਾਨ-ਏ-ਕਾਬੁਲ ਦੇ ਸੈੱਟ ਉੱਤੇ ਖੁਦਕੁਸ਼ੀ ਕਰ ਲਈ। ਜਿਸ ਤੋਂ ਬਾਅਦ ਉਸਦਾ ਬੁਆਏਫ੍ਰੈਂਡ ਸ਼ੀਜਾਨ ਖਾਨ ਪੁਲਿਸ ਦੀ ਹਿਰਾਸਤ ਵਿੱਚ ਹੈ। ਹੁਣ ਤੱਕ ਇਸ ਮਾਮਲੇ ‘ਚ ਲਗਾਤਾਰ ਕਈ ਖੁਲਾਸੇ ਹੋ ਰਹੇ ਹਨ। ਸ਼ੀਜਾਨ ਅਤੇ ਤੁਨੀਸ਼ਾ ਦੇ ਪਰਿਵਾਰ ਵੀ ਇਕ ਦੂਜੇ ‘ਤੇ ਦੋਸ਼ ਲਗਾ ਰਹੇ ਹਨ। ਅਜਿਹੇ ‘ਚ ਹੁਣ ਸ਼ੀਜਨ ਲਈ ਇਕ ਚੰਗੀ ਖਬਰ ਹੈ ਕਿ ਅਦਾਲਤ ਨੇ ਉਸ ਨੂੰ ਦੋ ਮਾਮਲਿਆਂ ‘ਚ ਰਾਹਤ ਦਿੱਤੀ ਹੈ। ਜੇਲ੍ਹ ਮੈਨੂਅਲ ਅਨੁਸਾਰ ਅਦਾਲਤ ਨੇ ਅਗਲੇ ਇੱਕ ਮਹੀਨੇ ਤੱਕ ਸ਼ੀਜ਼ਾਨ ਦੇ ਵਾਲ ਨਾ ਕੱਟਣ ਦੇ ਹੁਕਮ ਦਿੱਤੇ ਹਨ।
ਹੁਣ ਜੇਲ੍ਹ ਪ੍ਰਸ਼ਾਸਨ ਸ਼ੀਜਨ ਦੇ ਵਾਲ ਨਹੀਂ ਕੱਟ ਸਕੇਗਾ। ਦੱਸ ਦੇਈਏ ਕਿ ਜੇਲ ਮੈਨੂਅਲ ਮੁਤਾਬਕ ਕੈਦੀਆਂ ਦੇ ਵਾਲ ਛੋਟੇ ਰੱਖੇ ਜਾਂਦੇ ਹਨ। ਪਰ ਆਪਣੇ ਕਿਰਦਾਰ ਕਾਰਨ ਸ਼ੀਜ਼ਾਨ ਲੰਬੇ ਵਾਲ ਰੱਖਦਾ ਹੈ। ਇਸ ਤੋਂ ਇਲਾਵਾ ਸ਼ੀਜਾਨ ਨੇ ਜੇਲ੍ਹ ਵਿੱਚ ਆਪਣੀ ਸੁਰੱਖਿਆ ਅਤੇ ਮੈਡੀਕਲ ਕਾਊਂਸਲਿੰਗ ਦੀ ਮੰਗ ਕੀਤੀ ਸੀ। ਮੰਗਲਵਾਰ ਨੂੰ ਅਦਾਲਤ ਨੇ ਸ਼ੀਜਾਨ ਖਾਨ ਦੀਆਂ ਇਹ ਮੰਗਾਂ ਮੰਨ ਲਈਆਂ ਹਨ। ਅਗਲੇ ਇੱਕ ਮਹੀਨੇ ਤੱਕ ਸ਼ੀਜ਼ਾਨ ਖਾਨ ਦੇ ਵਾਲ ਨਹੀਂ ਕੱਟੇ ਜਾਣਗੇ। ਸ਼ੀਜਨ ਦੀ ਜ਼ਮਾਨਤ ਅਰਜ਼ੀ ‘ਤੇ 7 ਜਨਵਰੀ ਨੂੰ ਸੁਣਵਾਈ ਹੋਵੇਗੀ।
