ਟੀਵੀ ਅਦਾਕਾਰਾ ਉਰਫੀ ਜਾਵੇਦ ਨੂੰ ਅਕਸਰ ਆਪਣੇ ਬੋਲਡ ਆਊਟਫਿਟਸ ਕਾਰਨ ਟ੍ਰੋਲਿੰਗ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਉਸ ਦੇ ਖਿਲਾਫ ਕਈ ਪੁਲਿਸ ਕੇਸ ਵੀ ਦਰਜ ਹਨ। ਨਾ ਸਿਰਫ ਆਮ ਲੋਕ, ਬਲਕਿ ਰਾਜਨੇਤਾ ਅਤੇ ਸਿਤਾਰੇ ਵੀ ਉਸਦੇ ਕੱਪੜਿਆਂ ਲਈ ਉਸਦੀ ਆਲੋਚਨਾ ਕਰਦੇ ਹਨ। ਹਾਲ ਹੀ ‘ਚ ਭਾਜਪਾ ਨੇਤਾ ਚਿਤਰਾ ਕਿਸ਼ੋਰ ਵਾਘ ਨੇ ਉਰਫੀ ਦੀ ਆਲੋਚਨਾ ਕਰਦੇ ਹੋਏ ਇੱਕ ਟਵੀਟ ਕੀਤਾ ਹੈ। ਹੁਣ ਉਨ੍ਹਾਂ ਨੇ ਅਭਿਨੇਤਰੀ ਦੀ ਸ਼ਿਕਾਇਤ ਪੁਲਸ ਨੂੰ ਕੀਤੀ ਹੈ, ਜਿਸ ਦਾ ਉਰਫੀ ਨੇ ਜਵਾਬ ਦਿੱਤਾ ਹੈ। ਨਵੇਂ ਸਾਲ ਦੇ ਮੌਕੇ ‘ਤੇ ਚਿਤਰਾ ਵਾਘ ਨੇ ਬੋਲਡ ਲੁੱਕ ਲਈ ਉਰਫੀ ਜਾਵੇਦ ਖਿਲਾਫ ਪੁਲਸ ‘ਚ ਸ਼ਿਕਾਇਤ ਦਰਜ ਕਰਵਾਈ ਹੈ।
ਅਭਿਨੇਤਰੀ ਨੇ ਸ਼ਿਕਾਇਤ ਪੱਤਰ ਦੀ ਤਸਵੀਰ ਦੇ ਨਾਲ ਪੁਲਿਸ ਦੇ ਨਾਲ ਚਿਤਰਾ ਦੀ ਤਸਵੀਰ ਸਾਂਝੀ ਕੀਤੀ ਹੈ। ਇਸ ਦੇ ਨਾਲ ਹੀ ਉਰਫੀ ਨੇ ਕਿਹਾ ਉਹ ਮੁਕੱਦਮੇ ਵਿੱਚ ਨਹੀਂ ਸਗੋਂ ਸਿੱਧੇ ਜੇਲ੍ਹ ਜਾਣਾ ਚਾਹੁੰਦੀ ਹੈ। ਉਰਫੀ ਜਾਵੇਦ ਨੇ ਇੱਕ ਹੋਰ ਨੋਟ ਵਿੱਚ ਲਿਖਿਆ, “ਮੈਂ ਆਪਣੇ ਨਵੇਂ ਸਾਲ ਦੀ ਸ਼ੁਰੂਆਤ ਇੱਕ ਹੋਰ ਨੇਤਾ ਦੁਆਰਾ ਕੀਤੀ ਪੁਲਿਸ ਸ਼ਿਕਾਇਤ ਨਾਲ ਕੀਤੀ। ਸਿਆਸਤਦਾਨਾਂ ਕੋਲ ਅਸਲ ਨੌਕਰੀ ਨਹੀਂ ਹੈ? ਕੀ ਇਹ ਸਿਆਸਤਦਾਨ, ਵਕੀਲ ਗੂੰਗੇ ਹਨ? ਸੰਵਿਧਾਨ ਵਿੱਚ ਅਜਿਹੀ ਕੋਈ ਧਾਰਾ ਨਹੀਂ ਹੈ, ਜੋ ਮੈਨੂੰ ਜੇਲ੍ਹ ਭੇਜ ਸਕੇ।
