ਭਾਰਤੀ ਕ੍ਰਿਕਟਰ ਵਿਰਾਟ ਕੋਹਲੀ ਅਤੇ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਨੇ ਹਾਲ ਹੀ ਵਿੱਚ ਉਜੈਨ ਦੇ ਮਹਾਕਾਲੇਸ਼ਵਰ ਮੰਦਰ ਦੇ ਦਰਸ਼ਨ ਕੀਤੇ। ਇਕ ਪਾਸੇ ਜਿੱਥੇ ਮੰਦਰ ਤੋਂ ਜੋੜੇ ਦੀਆਂ ਵਾਇਰਲ ਹੋਈਆਂ ਤਸਵੀਰਾਂ ‘ਤੇ ਪ੍ਰਸ਼ੰਸਕ ਪਿਆਰ ਦੀ ਵਰਖਾ ਕਰ ਰਹੇ ਹਨ, ਉਥੇ ਹੀ ਦੂਜੇ ਪਾਸੇ ਫਿਲਮ ਨਿਰਮਾਤਾ ਵਿਵੇਕ ਅਗਨੀਹੋਤਰੀ ਨੇ ਵਿਰਾਟ ਅਤੇ ਅਨੁਸ਼ਕਾ ਦੇ ਮੰਦਰ ਜਾਣ ਤੇ ਟਵੀਟ ਕੀਤਾ ਹੈ। ਵਿਵੇਕ ਅਗਨੀਹੋਤਰੀ ਟਵਿਟਰ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ ਅਤੇ ਹਰ ਮੁੱਦੇ ‘ਤੇ ਰਾਏ ਦਿੰਦੇ ਹਨ। ਹਾਲ ਹੀ ‘ਚ ਉਨ੍ਹਾਂ ਨੇ ਅਨੁਸ਼ਕਾ ਅਤੇ ਵਿਰਾਟ ‘ਤੇ ਤਾਅਨੇ ਮਾਰੇ ਹਨ। ਵਿਵੇਕ ਨੇ ਆਪਣੇ ਟਵਿੱਟਰ ਹੈਂਡਲ ‘ਤੇ ਮਹਾਕਾਲੇਸ਼ਵਰ ਮੰਦਿਰ ਤੋਂ ਅਨੁਸ਼ਕਾ ਅਤੇ ਵਿਰਾਟ ਦੀ ਵੀਡੀਓ ਸ਼ੇਅਰ ਕੀਤੀ ਅਤੇ ਟਵੀਟ ‘ਚ ਲਿਖਿਆ, ”ਮੈਨੂੰ ਯਾਦ ਹੈ ਕਿ ਨੌਜਵਾਨ ਵਿਰਾਟ ਕੋਹਲੀ ਨੂੰ ਟ੍ਰੋਲ ਕਰਨ ਵਾਲੇ ਬਹੁਤ ਸਾਰੇ ਟਵੀਟ ਡਿਗਰਜ਼ ਨੇ ਜਦੋਂ ਉਨ੍ਹਾਂ ਨੇ ਮਜ਼ਾਕ ‘ਚ ਕਿਹਾ ਸੀ ਕਿ ‘ਕੀ?
ਮੈਂ ਪੂਜਾ ਕਰਨ ਵਾਲੇ ਵਰਗਾ ਲੱਗ ਰਿਹਾ ਹਾਂ’। ਲੋਕ ਬਦਲਦੇ ਹਨ ਅਤੇ ਇਹ ਇੱਕ ਚੰਗੀ ਗੱਲ ਹੈ, ਕਿਉਂਕਿ ਬਦਲਾਅ ਇੱਕ ਅਰਥਪੂਰਨ ਜੀਵਨ ਦਾ ਦੂਜਾ ਨਾਮ ਹੈ।” ਵਿਵੇਕ ਅਗਨੀਹੋਤਰੀ ਵਿਰਾਟ ਕੋਹਲੀ ਦੇ 7 ਸਾਲ ਪੁਰਾਣੇ ਬਿਆਨ ਦੀ ਗੱਲ ਕਰ ਰਹੇ ਸਨ। 7 ਸਾਲ ਪਹਿਲਾਂ ਟੀ-20 ਵਿਸ਼ਵ ਕੱਪ ‘ਚ ਪ੍ਰੈੱਸ ਕਾਨਫਰੰਸ ਦੌਰਾਨ ਜਦੋਂ ਵਿਰਾਟ ਤੋਂ ਪੁੱਛਿਆ ਗਿਆ ਸੀ ਕਿ ਕੀ ਉਹ ਤਣਾਅ ‘ਚ ਖੁਦ ਨੂੰ ਸ਼ਾਂਤ ਰੱਖਣ ਲਈ ਪ੍ਰਾਰਥਨਾਵਾਂ ਪੜ੍ਹਦੇ ਹਨ? ਤਦ ਕੋਹਲੀ ਨੇ ਜਵਾਬ ਵਿੱਚ ਕਿਹਾ ਸੀ, “ਕੀ ਮੈਂ ਪੂਜਾ ਕਰਨ ਵਾਲਾ ਦਿਸਦਾ ਹਾਂ?” ਉਸ ਦੀ ਗੱਲ ਸੁਣ ਕੇ ਸਾਰੇ ਉੱਚੀ-ਉੱਚੀ ਹੱਸਣ ਲੱਗ ਪੈਂਦੇ ਹਨ। ਹਾਲਾਂਕਿ ਵਿਰਾਟ ਦੇ ਇਸ ਬਿਆਨ ‘ਤੇ ਸੋਸ਼ਲ ਮੀਡੀਆ ‘ਤੇ ਕਾਫੀ ਹੰਗਾਮਾ ਹੋਇਆ ਸੀ।
