ਹਿਸਾਰ ਦੀ ਜ਼ਿਲ੍ਹਾ ਅਦਾਲਤ ਨੇ ਇੱਕ ਵਿਦੇਸ਼ੀ ਔਰਤ ਨਾਲ ਬਲਾਤਕਾਰ ਕਰਨ ਦੇ ਦੋਸ਼ ਵਿੱਚ ਇੱਕ ਹੋਟਲ ਮੈਨੇਜਰ ਨੂੰ 10 ਸਾਲ ਕੈਦ ਦੀ ਸਜ਼ਾ ਸੁਣਾਈ ਹੈ। ਇਸ ਮਾਮਲੇ ਦੀ ਸੁਣਵਾਈ ਏਡੀਜੇ ਸੁਨੀਲ ਜਿੰਦਲ ਦੀ ਅਦਾਲਤ ਵਿੱਚ ਚੱਲ ਰਹੀ ਸੀ। ਕੈਦ ਦੇ ਨਾਲ-ਨਾਲ ਹੋਟਲ ਮੈਨੇਜਰ ਗੁਲਸ਼ਨ ਨੂੰ 50,000 ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਗਿਆ ਹੈ।
ਜਾਣਕਾਰੀ ਅਨੁਸਾਰ ਕਰੀਬ 4 ਸਾਲ ਪਹਿਲਾਂ ਥਾਈਲੈਂਡ ਦੀ ਰਹਿਣ ਵਾਲੀ 41 ਸਾਲਾ ਔਰਤ ਰੈੱਡ ਸਕੁਏਅਰ ਮਾਰਕੀਟ ਸਥਿਤ ਹੋਟਲ ਰੀਜੈਂਸੀ ‘ਚ ਟੂਰਿਸਟ ਵੀਜ਼ੇ ‘ਤੇ ਭਾਰਤ ਆਈ ਸੀ। ਇਸ ਤੋਂ ਬਾਅਦ ਉਹ ਦਿੱਲੀ ਤੋਂ ਹਿਸਾਰ ਆ ਗਈ। ਕੋਰੋਨਾ ਕਾਰਨ ਲੌਕਡਾਊਨ ਤੋਂ ਬਾਅਦ ਉਹ ਵਾਪਸ ਨਹੀਂ ਜਾ ਸਕੀ। ਮਹਿਲਾ 5 ਅਗਸਤ ਨੂੰ ਆਪਣੇ ਦੋਸਤਾਂ ਨਾਲ ਹਿਸਾਰ ਆਈ ਸੀ। ਉਹ ਰੈੱਡ ਸਕੁਏਅਰ ਮਾਰਕੀਟ ਸਥਿਤ ਹੋਟਲ ਰੀਜੈਂਸੀ ‘ਚ ਰੁਕੀ ਹੋਈ ਸੀ।
ਮਾਮਲੇ ਮੁਤਾਬਕ ਹੋਟਲ ਦੇ ਇਕ ਕਰਮਚਾਰੀ ਨੇ ਰਾਤ ਨੂੰ ਨਸ਼ੀਲੀ ਚੀਜ਼ ਖੁਆ ਕੇ ਉਸ ਨਾਲ ਬਲਾਤਕਾਰ ਕੀਤਾ। ਪੁਲਿਸ ਨੇ ਗੁਲਸ਼ਨ ਨਾਂ ਦੇ ਮੁਲਾਜ਼ਮ ਖ਼ਿਲਾਫ਼ ਕੇਸ ਦਰਜ ਕਰਕੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ। ਉਹ ਹੋਟਲ ਦਾ ਮੈਨੇਜਰ ਸੀ। ਇਸ ਸਬੰਧ ਵਿਚ ਐਚਟੀਐਮ ਥਾਣੇ ਨੇ 7 ਅਗਸਤ 2020 ਨੂੰ ਕੇਸ ਦਰਜ ਕੀਤਾ ਸੀ।
