ਗਰਮੀਆਂ ਦੇ ਮੌਸਮ ‘ਚ ਠੰਡੀਆਂ-ਠਾਰ ਹਵਾਵਾਂ ਦੇਣ ਵਾਲਾ ਰੁੱਖ ਆਪਣੇ ਅੰਦਰ ਗੁਣਾਂ ਦਾ ਅਥਾਹ ਭੰਡਾਰ ਸਮੋ ਕੇ ਰੱਖਦਾ ਹੈ । ਜੀ ਹਾਂ , ਅਸੀਂ ਪਿੱਪਲ ਦੀ ਗੱਲ ਕਰ ਰਹੇ ਹਾਂ ਜਿਸਨੂੰ ਸਭ ਤੋਂ ਪੁਰਾਣਾ ਦਰੱਖਤ ਹੋਣ ਦਾ ਮਾਣ ਹਾਸਲ ਹੈ । ਪੁਰਾਣੇ ਹਕੀਮਾਂ ਦੀਆਂ ਜੜ੍ਹੀ -ਬੂਟੀ ਵਿਸ਼ੇਸ਼ ਦਵਾਈਆਂ ਤੋਂ ਲੈ ਕੇ ਅੰਗਰੇਜ਼ੀ ਦਵਾਈਆਂ ‘ਚ ਵੀ ਇਸਦੀ ਵਰਤੋਂ ਕੀਤੀ ਜਾਂਦੀ ਹੈ । ਪਿੱਪਲ ਦੇ ਰੁੱਖ ਦੇ ਪੱਤੇ ਜਿੱਥੇ ਸਾਨੂੰ ਗਰਮੀਆਂ ਦੀਆਂ ਤਪਸ਼ਾਂ ਤੋਂ ਬਚਾਉਂਦੇ ਹੋਏ ਠੰਡੀਆਂ ਹਵਾਵਾਂ ਪ੍ਰਦਾਨ ਕਰਦੇ ਹਨ, ਉੱਥੇ ਹੀ ਇਹ ਮਨੁੱਖ ਨੂੰ ਬਿਮਾਰੀਆਂ ਤੋਂ ਨਿਜਾਤ ਦਿਵਾਉਣ ਦੀ ਵੀ ਸਮਰੱਥਾ ਰੱਖਦੇ ਹਨ । ਪਿੱਪਲ ਦਾ ਰੁੱਖ ਐਨਾ ਗੁਣਕਾਰੀ ਹੈ ਕਿ ਮਨੁੱਖ ਇਸਦੇ ਪੱਤਿਆਂ, ਜੜ੍ਹਾਂ, ਬੀਆਂ ਦਾ ਇਸਤੇਮਾਲ ਕਰਕੇ ਕਈ ਬਿਮਾਰੀਆਂ ਤੋਂ ਛੁਟਕਾਰਾ ਪਾ ਸਕਦਾ ਹੈ । ਆਓ ਜਾਣਦੇ ਹਾਂ ਕਿ ਪਿੱਪਲ ਦੇ ਪੱਤਿਆਂ ਦੀ ਵਰਤੋਂ ਕਰਕੇ ਕਿਹੜੀ-ਕਿਹੜੀ ਬਿਮਾਰੀ ਦਾ ਇਲਾਜ ਕੀਤਾ ਜਾ ਸਕਦਾ ਹੈ।
1 ਕੁਝ ਲੋਕਾਂ ਨੂੰ ਚਮੜੀ ਦੀ ਸਮੱਸਿਆ ਬਹੁਤ ਪਰੇਸ਼ਾਨ ਕਰਦੀ ਹੈ ਉਹ ਲੋਕ ਪਿੱਪਲ ਦੀ ਛਿੱਲੜ ਨੂੰ 20 ਗ੍ਰਾਮ ਕੁੱਟਕੇ 200 ਗ੍ਰਾਮ ਪਾਣੀ ’ਚ ਉਬਾਲਣ ਤੇ ਇਕ ਚੌਥਾਈ ਰਹਿਣ ਤੇ ਛਾਣਕੇ ਸਵੇਰੇ ਪੀ ਲੈਣ ਇਸ ਨਾਲ ਚਮੜੀ ਦੀ ਸਮੱਸਿਆ ਤੋਂ ਛੁਟਕਾਰਾ ਮਿਲੇਗਾ।
2 ਪਿੱਪਲ ਦੇ ਪੱਤਿਆ ਦੀ ਵਰਤੋਂ ਕਬਜ਼ ਤੇ ਗੈਸ ਦਾ ਇਲਾਜ ਕਰਨ ’ਚ ਕੀਤੀ ਜਾਂਦੀ ਹੈ। ਇਸ ਨੂੰ ਪਿੱਤ ਨਾਸ਼ਕ ਵੀ ਕਿਹਾ ਜਾਂਦਾ ਹੈ ਇਸ ਲਈ ਪੇਟ ਦੀਆਂ ਬਿਮਾਰੀਆਂ ਦਾ ਇਲਾਜ ਕਰਨ ਲਈ ਇਸ ਨੂੰ ਫ਼ਾਇਦੇਮੰਦ ਮੰਨਿਆਂ ਜਾਂਦਾ ਹੈ।
3 ਚਮੜੀ ਦੀ ਰੰਗਤ ’ਚ ਨਿਖ਼ਾਰ ਲਿਆਉਣ ਲਈ ਪਿੱਪਲ ਦੀ ਛਿੱਲੜ ਬਹੁਤ ਫਾਇਦੇਮੰਦ ਹੈ। ਪਿੱਪਲ ਦੀ ਛਿੱਲੜ ਜਾਂ ਇਸ ਦੇ ਪੱਤਿਆਂ ਦੀ ਵਰਤੋਂ ਕਰਕੇ ਚਮੜੀ ਦੀਆਂ ਝੁਰੜੀਆਂ ਨੂੰ ਘੱਟ ਕੀਤਾ ਦਾ ਸਕਦਾ ਹੈ।
