ਬਿਹਾਰ ਦੇ ਪਟਨਾ ਵਿੱਚ ਇੱਕ ਪੁਲਿਸ ਜਵਾਨ ਦੀ ਵਾਲ ਟਰਾਂਸਪਲਾਂਟ ਦੇ 24 ਘੰਟਿਆਂ ਬਾਅਦ ਹੀ ਮੌਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ ਬੀਐਸਏਪੀ (ਬਿਹਾਰ ਸਪੈਸ਼ਲ ਆਰਮਡ ਪੁਲਿਸ) ਵਿੱਚ ਤਾਇਨਾਤ ਮਨੋਰੰਜਨ ਪਾਸਵਾਨ (28) ਦਾ ਵਿਆਹ 11 ਮਈ ਨੂੰ ਹੋਣਾ ਸੀ।
ਛੋਟੇ ਭਰਾ ਗੌਤਮ ਕੁਮਾਰ (ਬਿਹਾਰ ਪੁਲਿਸ ਵਿੱਚ ਸਬ ਇੰਸਪੈਕਟਰ) ਨੇ ਦੱਸਿਆ ਕਿ ਮਨੋਰੰਜਨ ਦੇ ਸਿਰ ਦੇ ਅਗਲੇ ਹਿੱਸੇ ਦੇ ਵਾਲ ਝੜ ਗਏ ਸਨ, ਇਸ ਲਈ ਉਸ ਨੇ ਹੇਅਰ ਟ੍ਰਾਂਸਪਲਾਂਟ ਕਰਵਾਉਣ ਦਾ ਫੈਸਲਾ ਕੀਤਾ। ਮਨੋਰੰਜਨ ਦਾ ਪਟਨਾ ਦੇ ਬੋਰਿੰਗ ਰੋਡ ਸਥਿਤ ਹੇਅਰ ਟ੍ਰਾਂਸਪਲਾਂਟ ਅਤੇ ਸਕਿਨ ਕੇਅਰ ਸੈਂਟਰ ਵਿੱਚ ਇਲਾਜ ਚੱਲ ਰਿਹਾ ਸੀ।
ਹੇਅਰ ਟਰਾਂਸਪਲਾਂਟ ਤੋਂ ਬਾਅਦ ਨੌਜਵਾਨ ਆਪਣੇ ਕੁਆਰਟਰ ਵਿੱਚ ਚਲਾ ਗਿਆ। ਰਾਤ ਸਮੇਂ ਉਸ ਨੂੰ ਅਚਾਨਕ ਸਿਰ ਦਰਦ ਅਤੇ ਛਾਤੀ ਵਿੱਚ ਜਲਨ ਹੋਣ ਲੱਗੀ। ਜਦੋਂ ਉਸ ਦੀ ਹਾਲਤ ਵਿਗੜ ਗਈ ਤਾਂ ਸਾਥੀ ਜਵਾਨ ਉਸ ਨੂੰ ਹੇਅਰ ਟ੍ਰਾਂਸਪਲਾਂਟ ਸੈਂਟਰ ਲੈ ਗਏ, ਜਿੱਥੋਂ ਉਸ ਨੂੰ ਦੂਜੇ ਹਸਪਤਾਲ ਲਿਜਾਇਆ ਗਿਆ। ਉਥੇ ਇਲਾਜ ਦੌਰਾਨ ਜਵਾਨ ਦੀ ਮੌਤ ਹੋ ਗਈ।