ਬਦਲਦੇ ਮੌਸਮ ਦੇ ਨਾਲ ਨਾਲ ਸਾਡੇ ਸਰੀਰ ਵਿੱਚ ਵੀ ਬਹੁਤ ਬਦਲਾਵ ਆਉਂਦੇ ਹਨ। ਹਰ ਇੱਕ ਦੇ ਹੱਥ, ਪੈਰ, ਚਮੜੀ ਖੁਸ਼ਕ ਰਹਿਣ ਲੱਗ ਜਾਂਦੀ ਹੈ। ਜਿਆਦਾ ਖੁਸ਼ਕੀ ਨਾਲ ਵਾਲਾਂ ਦੀ ਸਮੱਸਿਆ ਵੀ ਆ ਜਾਂਦੀ ਹੈ। ਵਾਲਾਂ ਦੇ ਝੜਨ, ਪਤਲੇ ਹੋਣ ਅਤੇ ਕਮਜ਼ੋਰ ਹੋਣ ਦੇ ਕਈ ਕਾਰਨ ਹੋ ਸਕਦੇ ਹਨ। ਉਨ੍ਹਾਂ ਵਿੱਚੋਂ ਇੱਕ ਬਾਇਓਟਿਨ ਦੀ ਕਮੀ ਹੈ ਦਰਅਸਲ, ਬਾਇਓਟਿਨ ਇੱਕ ਅਜਿਹਾ ਵਿਟਾਮਿਨ ਹੈ, ਜੋ ਸਰੀਰ ਵਿੱਚ ਕੇਰਾਟਿਨ ਦੀ ਮਾਤਰਾ ਨੂੰ ਬਿਹਤਰ ਬਣਾਏ ਰੱਖਣ ਵਿੱਚ ਮਦਦ ਕਰਦਾ ਹੈ। ਸਰੀਰ ਨੂੰ ਬਹੁਤ ਘੱਟ ਮਾਤਰਾ ਵਿੱਚ ਬਾਇਓਟਿਨ ਦੀ ਲੋੜ ਹੁੰਦੀ ਹੈ, ਜੋ ਇੱਕ ਸਿਹਤਮੰਦ ਖੁਰਾਕ ਦੁਆਰਾ ਪੂਰੀ ਕੀਤੀ ਜਾ ਸਕਦੀ ਹੈ। ਅੰਡੇ ਦੀ ਜ਼ਰਦੀ, ਪਾਲਕ, ਸੂਰਜਮੁਖੀ ਅਤੇ ਕੱਦੂ ਦੇ ਬੀਜ ਵੀ ਬਾਇਓਟਿਨ ਦੇ ਚੰਗੇ ਸਰੋਤ ਮੰਨੇ ਜਾਂਦੇ ਹਨ। ਇਸ ਤੋਂ ਇਲਾਵਾ ਹੇਠਾਂ ਦੱਸੀਆਂ ਚੀਜ਼ਾਂ ਵਿੱਚ ਬਾਇਓਟਿਨ ਭਰਪੂਰ ਮਾਤਰਾ ਚ ਮਿਲਦਾ ਹੈ
ਬਾਜਰਾ — ਬਾਜਰਾ ਨਾ ਸਿਰਫ ਸਰਦੀਆਂ ਦੇ ਮੌਸਮ ‘ਚ ਸਰੀਰ ਨੂੰ ਗਰਮ ਰੱਖਣ ‘ਚ ਮਦਦ ਕਰਦਾ ਹੈ ਸਗੋਂ ਇਸ ‘ਚ ਮੌਜੂਦ ਮਿਨਰਲਸ, ਨਿਊਟਰੀਐਂਟਸ ਫਾਈਬਰ ਅਤੇ ਅਮੀਨੋ ਐਸਿਡ ਸਰੀਰ ‘ਚ ਬਾਇਓਟਿਨ ਵਧਾਉਣ ‘ਚ ਮਦਦਗਾਰ ਸਾਬਤ ਹੁੰਦੇ ਹਨ।ਕੇਲਾ — ਕੇਲੇ ‘ਚ ਨਾ ਸਿਰਫ ਮਾਈਕ੍ਰੋਨਿਊਟ੍ਰੀਐਂਟਸ, ਫਾਈਬਰ, ਵਿਟਾਮਿਨ-ਬੀ ਅਤੇ ਕਾਪਰ ਵਰਗੇ ਤੱਤ ਹੁੰਦੇ ਹਨ ਸਗੋਂ ਇਸ ‘ਚ ਬਾਇਓਟਿਨ ਵੀ ਚੰਗੀ ਮਾਤਰਾ ‘ਚ ਪਾਇਆ ਜਾਂਦਾ ਹੈ। ਇਸ ਨੂੰ ਆਪਣੀ ਡਾਈਟ ‘ਚ ਜ਼ਰੂਰ ਸ਼ਾਮਲ ਕਰੋ।
ਸ਼ਕਰਕੰਦੀ — ਠੰਡ ਦੇ ਮੌਸਮ ਵਿਚ ਇਹ ਬਹੁਤ ਪਸੰਦ ਕੀਤਾ ਜਾਂਦਾ ਹੈ। ਉਬਾਲ ਕੇ ਜਾਂ ਭੁੰਨ ਕੇ ਖਾਧੇ ਜਾਣ ਵਾਲੇ ਸ਼ਕਰਕੰਦੀ ਆਲੂਆਂ ਵਿਚ ਵੀ ਬਾਇਓਟਿਨ ਵੱਡੀ ਮਾਤਰਾ ਵਿਚ ਪਾਇਆ ਜਾਂਦਾ ਹੈ। ਜੇਕਰ ਤੁਸੀਂ ਚਾਹੋ ਤਾਂ ਇਸ ਨੂੰ ਆਪਣੀ ਡਾਈਟ ‘ਚ ਸ਼ਾਮਲ ਕਰ ਸਕਦੇ ਹੋ।
ਮਸ਼ਰੂਮ — ਨੂਡਲਜ਼, ਪੀਜ਼ਾ ਅਤੇ ਸਬਜ਼ੀਆਂ ‘ਚ ਇਸਤੇਮਾਲ ਹੋਣ ਵਾਲੇ ਮਸ਼ਰੂਮ ਦੇ ਬਟਨ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੇ ਹਨ। ਇਸ ਨੂੰ ਹਲਕਾ ਜਿਹਾ ਭੁੰਨ ਕੇ ਨਮਕ, ਓਰੈਗਨੋ ਅਤੇ ਕਾਲੀ ਮਿਰਚ ਦੇ ਨਾਲ ਸਰਵ ਕਰੋ। ਇਸ ਨੂੰ ਖਾਣ ਨਾਲ ਸਰੀਰ ‘ਚ ਬਾਇਓਟਿਨ ਵਧਦਾ ਹੈ।
ਕੇਲਾ — ਕੇਲੇ ‘ਚ ਨਾ ਸਿਰਫ ਮਾਈਕ੍ਰੋਨਿਊਟ੍ਰੀਐਂਟਸ, ਫਾਈਬਰ, ਵਿਟਾਮਿਨ-ਬੀ ਅਤੇ ਕਾਪਰ ਵਰਗੇ ਤੱਤ ਹੁੰਦੇ ਹਨ ਸਗੋਂ ਇਸ ‘ਚ ਬਾਇਓਟਿਨ ਵੀ ਚੰਗੀ ਮਾਤਰਾ ‘ਚ ਪਾਇਆ ਜਾਂਦਾ ਹੈ। ਇਸ ਨੂੰ ਆਪਣੀ ਡਾਈਟ ‘ਚ ਜ਼ਰੂਰ ਸ਼ਾਮਲ ਕਰੋ।
ਅਖਰੋਟ — ਅਖਰੋਟ, ਮੂੰਗਫਲੀ, ਬਦਾਮ ਨਾ ਸਿਰਫ ਸਾਨੂੰ ਊਰਜਾ ਦਿੰਦੇ ਹਨ, ਸਗੋਂ ਵਿਟਾਮਿਨ ਦੇ ਚੰਗੇ ਸਰੋਤ ਹਨ। ਇਨ੍ਹਾਂ ਸਭ ਨੂੰ ਆਪਣੀ ਡਾਈਟ ‘ਚ ਸ਼ਾਮਲ ਕਰਕੇ ਤੁਸੀਂ ਵਾਲਾਂ ਅਤੇ ਚਮੜੀ ‘ਚ ਬਾਇਓਟਿਨ ਦੀ ਕਮੀ ਦੀ ਸਮੱਸਿਆ ਤੋਂ ਬਚ ਸਕਦੇ ਹੋ।
