ਲੰਬੇ ਸੰਘਣੇ ਵਾਲ ਹਰ ਇਕ ਦੀ ਪਹਿਲੀ ਪਸੰਦ ਹੁੰਦੇ ਹਨ। ਹਰ ਕੋਈ ਚਾਹੁੰਦਾ ਹੈ ਕਿ ਉਨ੍ਹਾਂ ਦੇ ਵਾਲ ਮਜ਼ਬੂਤ ਹੋਣ। ਗਰਮੀਆਂ ਦੇ ਮੌਸਮ ਵਿੱਚ ਵਾਲਾਂ ਦਾ ਝੜਨਾ, ਪਤਲਾ ਹੋਣਾ, ਡੈਂਡਰਫ ਆਦਿ ਸਮੱਸਿਆਵਾਂ ਆਮ ਹਨ। ਅਜਿਹੇ ‘ਚ ਪਿਆਜ਼ ਦਾ ਤੇਲ ਵਾਲਾਂ ਲਈ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਪਿਆਜ਼ ‘ਚ ਕੁਝ ਅਜਿਹੇ ਤੱਤ ਹੁੰਦੇ ਹਨ ਜੋ ਸਿਰ ਦੀ ਚਮੜੀ ‘ਤੇ ਖੂਨ ਸੰਚਾਰ ਨੂੰ ਬਿਹਤਰ ਬਣਾਉਂਦੇ ਹਨ ਅਤੇ ਤੁਹਾਡੇ ਵਾਲਾਂ ਨੂੰ ਕਾਲੇ, ਲੰਬੇ ਅਤੇ ਸੰਘਣੇ ਬਣਾਉਂਦੇ ਹਨ। ਇਹੀ ਕਾਰਨ ਹੈ ਕਿ ਅੱਜਕੱਲ੍ਹ ਕਈ ਕੰਪਨੀਆਂ ਪਿਆਜ਼ ਦਾ ਤੇਲ ਬਣਾਉਣ ਲੱਗ ਪਈਆਂ ਹਨ ਅਤੇ ਲੋਕ ਇਸ ਨੂੰ ਮਹਿੰਗੇ ਭਾਅ ਖਰੀਦਣ ਲਈ ਤਿਆਰ ਹਨ। ਪਿਆਜ਼ ਦੇ ਤੇਲ ਵਿੱਚ ਕਈ ਤਰ੍ਹਾਂ ਦੇ ਪੋਸ਼ਕ ਤੱਤ ਪਾਏ ਜਾਂਦੇ ਹਨ। ਜੋ ਫ੍ਰੀ ਰੈਡੀਕਲਸ ਦੇ ਕਾਰਨ ਹੋਣ ਵਾਲੇ ਨੁਕਸਾਨ ਨੂੰ ਰੋਕਦੇ ਹਨ। ਇਸ ਦੇ ਨਾਲ ਹੀ ਪਿਆਜ਼ ਦੇ ਐਂਟੀਆਕਸੀਡੈਂਟ ਗੁਣ ਵਾਲਾਂ ਨੂੰ ਸਮੇਂ ਤੋਂ ਪਹਿਲਾਂ ਚਿੱਟੇ ਹੋਣ ਤੋਂ ਵੀ ਬਚਾ ਸਕਦੇ ਹਨ। ਆਓ ਜਾਣਦੇ ਹਾਂ ਪਿਆਜ਼ ਦੇ
ਤੇਲ ਦੇ ਕੁਝ ਹੋਰ ਫ਼ਾਇਦਿਆਂ ਬਾਰੇ
ਵਾਲਾਂ ਦਾ ਰੁੱਖਾਪਣ ਕਰੇ ਦੂਰ
ਪਿਆਜ਼ ਦਾ ਤੇਲ ਸੁੱਕੇ ਵਾਲਾਂ ਨੂੰ ਨਮੀ ਦਿੰਦਾ ਹੈ। ਇਹ ਵਾਲਾਂ ਨੂੰ ਮਜ਼ਬੂਤ ਅਤੇ ਮੁਲਾਇਮ ਬਣਾਉਣ ਵਿੱਚ ਮਦਦ ਕਰਦਾ ਹੈ। ਇਸ ਦੀ ਵਰਤੋਂ ਤੁਹਾਡੇ ਵਾਲਾਂ ਦੀ ਚਮਕ ਵਧਾ ਸਕਦੀ ਹੈ। ਖੋਪੜੀ ਦੇ ਤੇਲਯੁਕਤ ਹੋਣ ‘ਤੇ ਇਸ ਦੀ ਵਰਤੋਂ ਘੱਟ ਕਰੋ
ਵਾਲਾਂ ਨੂੰ ਬਣਾਏ ਚਮਕਦਾਰ
ਪਿਆਜ਼ ਦੇ ਤੇਲ ਦਾ ਵਾਲਾਂ ‘ਤੇ ਕੰਡੀਸ਼ਨਿੰਗ ਵਰਗਾ ਪ੍ਰਭਾਵ ਹੁੰਦਾ ਹੈ। ਇਸ ਦੀ ਵਰਤੋਂ ਸ਼ੈਂਪੂ ਕਰਨ ਤੋਂ ਪਹਿਲਾਂ ਕੀਤੀ ਜਾ ਸਕਦੀ ਹੈ।
ਡੈਂਡਰਫ (ਸਿਕਰੀ) ਤੋਂ ਛੁਟਕਾਰਾ
ਪਿਆਜ਼ ਦਾ ਤੇਲ ਡੈਂਡਰਫ ਲਈ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਇਹ ਤੁਹਾਡੀ ਖੋਪੜੀ ਨੂੰ ਸਾਫ਼ ਕਰਦਾ ਹੈ। ਜਿਸ ਨਾਲ ਡੈਂਡਰਫ ਦੀ ਸਮੱਸਿਆ ਘੱਟ ਹੋ ਜਾਂਦੀ ਹੈ।
ਘਰ ‘ਚ ਇੰਝ ਬਣਾਓ ਪਿਆਜ਼ ਦਾ ਤੇਲ
ਪਿਆਜ਼ ਦਾ ਤੇਲ ਬਣਾਉਣ ਲਈ ਪਿਆਜ਼ ਨੂੰ ਮਿਕਸਰ ‘ਚ ਬਲੈਂਡ ਕਰਨਾ ਜ਼ਰੂਰੀ ਹੈ। ਇਸ ਤੋਂ ਬਾਅਦ ਪੈਨ ‘ਚ ਨਾਰੀਅਲ ਤੇਲ ਪਾਓ ਅਤੇ ਪੇਸਟ ਨੂੰ ਮਿਲਾਓ। ਫਿਰ ਇਸ ਨੂੰ ਉਬਲਣ ਦਿਓ ਅਤੇ ਬਾਅਦ ਵਿਚ ਗੈਸ ਬੰਦ ਕਰ ਦਿਓ। ਜਿਵੇਂ ਹੀ ਮਿਸ਼ਰਣ ਤੋਂ ਤੇਲ ਵੱਖ ਹੋਣ ਲੱਗੇ ਤਾਂ ਇਸ ਨੂੰ ਮਿਕਸ ਹੋਣ ਦਿਓ। ਫਿਰ ਠੰਡਾ ਹੋਣ ‘ਤੇ ਇਸ ਨੂੰ ਫਿਲਟਰ ਕਰੋ।
