ਅੱਜ ਦੇ ਸਮੇਂ ਵਿਚ ਬਹੁਤ ਸਾਰੇ ਲੋਕ ਕਿਸੇ ਨਾਂ ਕਿਸੇ ਬਿਮਾਰੀ ਤੋਂ ਪੀੜਤ ਹੋ ਜਾਂਦੇ ਨੇ ਜਿਵੇਂ ਸ਼ੂਗਰ, ਬਲੱਡ ਪ੍ਰੈਸ਼ਰ, ਕਬਜ, ਯੂਰੀਕੈਸਡ ਜਾਂ ਹੋਰ ਕਈ ਬਿਮਾਰੀਆਂ ਦੀ ਚਮੇਟ ਵਿਚ ਆਉਣ ਤੋਂ ਫਿਰ ਡਾਕਟਰਾਂ ਦੇ ਚੱਕਰ ਲਗਾਉਣ ਲੱਗ ਜਾਂਦੇ ਨੇ, ਪਰ ਕੁਦਰਤ ਨੇ ਸਾਨੂੰ ਇਹਨਾਂ ਬੀਮਾਰੀਆਂ ਨਾਲ ਲੜਨ ਸਾਨੂੰ ਜੜੀਆਂ ਬੂਟੀਆਂ ਵਰਦਾਨ ਦੇ ਵਿਚ ਦਿੱਤੀਆਂ ਹਨ ਜਿਹਨਾਂ ਦੀ ਵਰਤੋਂ ਕਰਕੇ ਅਸੀ ਇਹਨਾਂ ਬਿਮਾਰੀਆਂ ਤੋਂ ਬਚ ਸਕਦੇ ਹਾਂ।
ਅਸੀਂ ਬਿਮਾਰੀਆਂ ਤੋਂ ਦੂਰ ਰਹਿਣ ਲਈ ਦਵਾਈਆਂ ਦੇ ਸਹਾਰਾ ਲੈਂਦੇ ਹਾਂ। ਸਾਡੇ ਆਸ ਪਾਸ ਕੁਦਰਤ ਨੇ ਬਹੁਤ ਸਾਰੇ ਪੌਦਿ ਦਵਾਈਆਂ ਦੇ ਰੂਪ ਵਿੱਚ ਦਿੱਤੇ ਹਨ, ਜਿਨ੍ਹਾਂ ਨੂੰ ਵਰਤ ਕੇ ਅਸੀਂ ਠੀਕ ਹੋ ਸਕਦੇ ਹਾਂ। ਇਸੇ ਤਰ੍ਹਾਂ ਹੀ ਇੱਕ ਵਿਅਕਤੀ ਕੁਦਰਤੀ ਜੂਸ ਬਣਾ ਕੇ ਲੋਕਾਂ ਨੂੰ ਲਾਭ ਪਹੁੰਚਾ ਰਿਹਾ ਹੈ।
ਖੰਨਾ ਸ਼ਹਿਰ ਦੀ ਇਕ ਛੋਟੀ ਜਿਹੀ ਸਟਾਲ ਤੇ ਰੋਹਿਤ ਕੁਮਾਰ ਯਾਦਵ ਸਵੇਰ 6 ਵਜੇ ਤੋਂ ਨਿੰਮ ਦੇ ਪੱਤੇ, ਆਵਲਾਂ, ਗਲੋ, ਕਰੇਲਾ, ਕੱਚੀ ਹਲਦੀ, ਅਦਰਕ, ਤੁਲਸੀ, ਪੁਦੀਨਾ, ਅਸ਼ਵਗੰਧਾ, ਐਲੋਵੀਰਾ, ਪਪੀਤੇ ਦੇ ਪੱਤੇ, ਕਰੀਬ 24 ਤੋਂ 25 ਚੀਜਾਂ ਦਾ ਜੂਸ ਉਹ ਵੀ ਘੋਟੇ ਕੁੰਡੇ ਨਾਲ ਰਗੜ ਕੇ ਬਿਲਕੁਲ ਕੁਦਰਤੀ ਤਰੀਕੇ ਨਾਲ ਤਿਆਰ ਕਰਦਾ ਹੈ , ਇਸ ਜੂਸ ਨੂੰ ਛੋਟੇ ਬੱਚੇ ਵੀ ਪੀ ਸਕਦੇ ਹਨ, ਇਸ ਨੂੰ ਜੂਸ ਨੂੰ ਪੀਣ ਲਈ ਲੋਕ ਸਵੇਰ ਤੜਕੇ 6 ਵਜੇ ਤੋਂ ਪਹਿਲਾਂ ਹੀ ਪਹੁੰਚ ਜਾਂਦੇ ਨੇ ਜੂਸ ਪੀਣ ਵਾਲੇ ਅਵਤਾਰ ਸਿੰਘ ਨੇ ਦੱਸਿਆ ਕਿ ਪਹਿਲਾਂ ਉਸ ਦੀ ਸ਼ੂਗਰ ਬਹੁਤ ਜਿਆਦਾ ਸੀ ਤੇ ਪਿੱਛਲੇ ਕਈ ਮਹਿਨਿਆਂ ਤੋਂ ਲਗਾਤਾਰ ਇਸ ਕੁਦਰਤੀ ਜੂਸ ਪੀਣ ਨਾਲ ਉਸ ਦੀ ਸ਼ੂਗਰ ਬਿਲਕੁਲ ਨਾਰਮਲ ਹੋ ਗਈ ਹੈ।
