ਵੈਲੇਨਟਾਈਨ ਡੇ ਆਉਣ ਵਾਲਾ ਹੈ ਅਤੇ ਅਜਿਹੇ ‘ਚ ਹਰ ਕੋਈ ਆਪਣੇ ਪਾਰਟਨਰ ਦੇ ਸਾਹਮਣੇ ਖੂਬਸੂਰਤ ਦਿਖਣਾ ਚਾਹੁੰਦਾ ਹੈ ਪਰ ਇਸ ਦੇ ਲਈ ਪਾਰਲਰ ‘ਚ ਹਜ਼ਾਰਾਂ ਰੁਪਏ ਖਰਚ ਕਰਨ ਦੀ ਜ਼ਰੂਰਤ ਨਹੀਂ ਹੈ। ਅੱਜਕਲ ਕੁਝ ਅਜਿਹੇ ਟੂਲ ਆ ਗਏ ਹਨ ਜਿਨ੍ਹਾਂ ਦੀ ਵਰਤੋਂ ਤੁਸੀਂ ਘਰ ਬੈਠੇ ਹੀ ਸ੍ਕਿਨ ਕੇਅਰ ਕਰ ਸਕਦੇ ਹੋ। ਕੰਪਨੀਆਂ ਦਾ ਕਹਿਣਾ ਹੈ ਕਿ ਇਹ ਟੂਲ ਤੁਹਾਡੀ ਚਮੜੀ ਦੀ ਦੇਖਭਾਲ ਕਰਨਗੇ। ਅੱਜ ਤੁਹਾਨੂੰ ਚਮੜੀ ਦੀ ਦੇਖਭਾਲ ਦੇ ਅਜਿਹੇ ਸਾਧਨਾਂ ਬਾਰੇ ਦੱਸਾਂਗੇ ਜੋ ਤੁਹਾਡੇ ਰੂਪ ਨੂੰ ਨਿਖਾਰਣਗੇ ਵੀ ਅਤੇ ਸਕਿਨ ਦੀ ਦੇਖਭਾਲ ਵੀ ਕਰਨਗੇ।
ਫੇਸ ਕਲੀਨਿੰਗ ਬਰੱਸ਼
ਇਸ ਟੂਲ ਦੀ ਵਰਤੋਂ ਚਿਹਰੇ ਨੂੰ ਸਾਫ਼ ਕਰਨ ਲਈ ਕੀਤੀ ਜਾਂਦੀ ਹੈ। ਇਹ ਲੰਬੇ ਸਮੇਂ ਤੋਂ ਬਾਜ਼ਾਰ ਵਿੱਚ ਵਿਕ ਰਿਹਾ ਹੈ। ਇਹ ਇੱਕ ਹੈਂਡਹੇਲਡ ਟੂਲ ਹੈ ਜਿਸ ਵਿੱਚ ਇੱਕ ਮੋਟਰ ਨੂੰ ਫਿੱਟ ਹੁੰਦੀ ਹੈ। ਇਸ ਮੋਟਰ ਦੀ ਮਦਦ ਨਾਲ ਹੀ ਚਿਹਰਾ ਸਾਫ਼ ਕੀਤਾ ਜਾਂਦਾ ਹੈ। ਬੁਰਸ਼ ਨੂੰ ਗਰਮ ਪਾਣੀ ਨਾਲ ਗਿੱਲਾ ਕਰੋ ਅਤੇ ਬ੍ਰਿਸਟਲ ‘ਤੇ ਕਲੀਂਜ਼ਰ ਲਗਾਓ। ਹੁਣ ਆਪਣੇ ਚਿਹਰੇ ‘ਤੇ ਚੱਕਰ ਬਣਾਉਂਦੇ ਹੋਏ ਬੁਰਸ਼ ਨੂੰ ਹੌਲੀ-ਹੌਲੀ ਹਿਲਾਓ। ਆਪਣੀ ਠੋਡੀ, ਨੱਕ ਅਤੇ ਮੱਥੇ ਨੂੰ 20 ਸਕਿੰਟਾਂ ਲਈ ਸਾਫ਼ ਕਰੋ। ਕੋਸੇ ਪਾਣੀ ਨਾਲ ਆਪਣਾ ਚਿਹਰਾ ਧੋ ਕੇ ਸੁਕਾ ਲਓ। ਪਰ ਧਿਆਨ ਰਹੇ ਚਿਹਰੇ ਦੇ ਬੁਰਸ਼ ਦੀ ਵਰਤੋਂ 1 ਮਿੰਟ ਤੋਂ ਵੱਧ ਨਾ ਕਰੋ।
ਆਈਬ੍ਰੋ ਟ੍ਰਿਮਰ
ਇਸ ਟ੍ਰਿਮਰ ਦੀ ਵਰਤੋਂ ਨਾ ਸਿਰਫ਼ ਆਈਬ੍ਰੋ ਨੂੰ ਆਕਾਰ ਦੇਣ ਲਈ ਕੀਤੀ ਜਾ ਸਕਦੀ ਹੈ, ਸਗੋਂ ਚਿਹਰੇ ਦੇ ਅਣਚਾਹੇ ਵਾਲਾਂ ਨੂੰ ਹਟਾਉਣ ਲਈ ਵੀ ਵਰਤਿਆ ਜਾ ਸਕਦਾ ਹੈ। ਇਸ ਦੇ ਲਈ ਤੁਹਾਨੂੰ ਕਿਸੇ ਦੀ ਮਦਦ ਲੈਣ ਦੀ ਲੋੜ ਨਹੀਂ ਹੈ। ਨਾ ਹੀ ਪਾਰਲਰ ਜਾਣ ਦੀ ਲੋੜ ਪਵੇਗੀ। ਇਸ ਦੀ ਵਰਤੋਂ ਤੁਸੀਂ ਘਰ ਬੈਠੇ ਹੀ ਕਰ ਸਕਦੇ ਹੋ। ਇਸ ਟ੍ਰਿਮਰ ਦੀ ਸਭ ਤੋਂ ਚੰਗੀ ਗੱਲ ਇਹ ਹੈ ਕਿ ਇਹ ਤੁਹਾਡੀ ਚਮੜੀ ਨੂੰ ਲਾਲ ਨਹੀਂ ਬਣਾਉਂਦਾ।
Gua Sha ਤਕਨੀਕ
ਗੁਆ ਸ਼ਾ ਇੱਕ ਚੀਨੀ ਤਕਨੀਕ ਹੈ। ਜਿਨ੍ਹਾਂ ਲੋਕਾਂ ਦੀ ਚਮੜੀ ਖੁਸ਼ਕ ਹੋ ਗਈ ਹੈ, ਚਿਹਰੇ ‘ਤੇ ਮੁਹਾਸੇ ਦੇ ਨਿਸ਼ਾਨ, ਜਾਂ ਕਿਸੇ ਤਰ੍ਹਾਂ ਦੀ ਐਲਰਜੀ ਦੇ ਨਿਸ਼ਾਨ ਹਨ ਉਨ੍ਹਾਂ ਨੂੰ ਗੁਆ ਸ਼ਾ ਥੈਰੇਪੀ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਗੁਆ ਸ਼ਾ ਥੈਰੇਪੀ ਲੈਣ ਨਾਲ ਤੁਹਾਡਾ ਚਿਹਰਾ ਚਮਕਦਾਰ ਹੋ ਜਾਵੇਗਾ। ਇਸ ਤਕਨੀਕ ਦੀ ਵਰਤੋਂ ਲਈ ਸਭ ਤੋਂ ਪਹਿਲਾਂ ਆਪਣੇ ਚਿਹਰੇ ‘ਤੇ ਫੇਸ਼ੀਅਲ ਆਇਲ ਜਾਂ ਮਾਇਸਚਰਾਈਜ਼ਰ ਲਗਾਓ। ਫਿਰ ਗੁਆ ਸ਼ਾ ਟੂਲ ਨਾਲ ਹੇਠਾਂ ਤੋਂ ਉੱਪਰ ਤੱਕ ਮਾਲਿਸ਼ ਕਰੋ। ਟੂਲ ਨੂੰ ਗਰਦਨ ਤੋਂ ਮੱਥੇ ਤੱਕ ਲੈ ਜਾਓ।ਅਜਿਹਾ ਘੱਟੋ-ਘੱਟ 5 ਵਾਰ ਕਰੋ। ਇਹ ਤੁਹਾਡੇ ਚਿਹਰੇ ਨੂੰ ਨਿਖਾਰਨ ਚ ਬਹੁਤ ਮੱਦਦਗਾਰ ਸਿੱਧ ਹੋਵੇਗਾ
