ਏਸ਼ੀਆ ਕੱਪ ‘ਚ ਅੱਜ ਪਾਕਿਸਤਾਨ ਅਤੇ ਹਾਂਗਕਾਂਗ ਵਿਚਾਲੇ ਮੈਚ ਖੇਡਿਆ ਜਾਣਾ ਹੈ। ਇਹ ਮੈਚ ਜਿੱਤਣ ਵਾਲੀ ਟੀਮ ਐਤਵਾਰ 4 ਸਤੰਬਰ ਨੂੰ ਭਾਰਤ ਨਾਲ ਭਿੜੇਗੀ। ਦੋਵਾਂ ਟੀਮਾਂ ਨੂੰ ਏਸ਼ੀਆ ਕੱਪ ‘ਚ ਬਣੇ ਰਹਿਣ ਲਈ ਇਹ ਮੈਚ ਜਿੱਤਣਾ ਜ਼ਰੂਰੀ ਹੈ। ਜੇਤੂ ਟੀਮ ਟਾਪ-4 ‘ਚ ਸ਼ਾਮਲ ਹੋਵੇਗੀ, ਜਿੱਥੇ ਭਾਰਤ ਨੂੰ ਉਸ ਦਾ ਇੰਤਜ਼ਾਰ ਹੋਵੇਗਾ। ਟੀਮ ਇੰਡੀਆ ਨੇ ਪਾਕਿਸਤਾਨ ਅਤੇ ਹਾਂਗਕਾਂਗ ਦੋਵਾਂ ਟੀਮਾਂ ਨੂੰ ਹਰਾਇਆ ਹੈ। 28 ਅਗਸਤ ਨੂੰ ਭਾਰਤ ਨੇ ਪਾਕਿਸਤਾਨ ਨੂੰ 5 ਵਿਕਟਾਂ ਨਾਲ ਹਰਾਇਆ ਸੀ। ਇਸ ਦੇ ਨਾਲ ਹੀ ਬੁੱਧਵਾਰ ਨੂੰ ਭਾਰਤ ਨੇ ਹਾਂਗਕਾਂਗ ਨੂੰ 40 ਦੌੜਾਂ ਨਾਲ ਹਰਾਇਆ।
ਪਾਕਿਸਤਾਨ ਅਤੇ ਹਾਂਗਕਾਂਗ ਵਿਚਾਲੇ ਇਹ ਮੈਚ ਸ਼ਾਰਜਾਹ ‘ਚ ਹੋਵੇਗਾ। ਇਹ ਮੈਚ ਤੁਸੀਂ ਸਟਾਰ ਸਪੋਰਟਸ ‘ਤੇ ਸ਼ਾਮ 7.30 ਵਜੇ ਦੇਖ ਸਕਦੇ ਹੋ। ਇਸ ਦੇ ਨਾਲ ਹੀ ਮੈਚ ਦੀ ਲਾਈਵ ਸਟ੍ਰੀਮਿੰਗ ਹੌਟਸਟਾਰ ‘ਤੇ ਦੇਖੀ ਜਾ ਸਕਦੀ ਹੈ।
ਪਾਕਿਸਤਾਨ ਟੀ-20 ਇੰਟਰਨੈਸ਼ਨਲ ‘ਚ ਪਹਿਲੀ ਵਾਰ ਹਾਂਗਕਾਂਗ ਖਿਲਾਫ ਖੇਡੇਗਾ। ਇਸ ਤੋਂ ਪਹਿਲਾਂ ਦੋਵੇਂ ਟੀਮਾਂ ਨੇ ਇਕ-ਦੂਜੇ ਖਿਲਾਫ ਇਕ ਵੀ ਟੀ-20 ਮੈਚ ਨਹੀਂ ਖੇਡਿਆ ਹੈ। ਹਾਂਗਕਾਂਗ ਕੋਲ ਗੁਆਉਣ ਲਈ ਕੁਝ ਨਹੀਂ ਹੈ।
ਹਾਂਗਕਾਂਗ ਅਤੇ ਪਾਕਿਸਤਾਨ ਭਾਵੇਂ ਕਦੇ ਵੀ ਟੀ-20 ਵਿੱਚ ਇੱਕ ਦੂਜੇ ਦਾ ਸਾਹਮਣਾ ਨਹੀਂ ਕਰਦੇ ਪਰ ਵਨਡੇ ਵਿੱਚ ਇੱਕ ਦੂਜੇ ਦਾ ਸਾਹਮਣਾ ਕਰਦੇ ਰਹੇ ਹਨ। ਦੋਵੇਂ ਟੀਮਾਂ ਇਕ-ਦੂਜੇ ਖਿਲਾਫ 3 ਮੈਚ ਖੇਡ ਚੁੱਕੀਆਂ ਹਨ। ਤਿੰਨੋਂ ਮੈਚਾਂ ‘ਚ ਪਾਕਿਸਤਾਨ ਨੇ ਹਾਂਗਕਾਂਗ ‘ਤੇ ਵੱਡੀ ਜਿੱਤ ਦਰਜ ਕੀਤੀ ਹੈ। ਹਾਂਗਕਾਂਗ ਅਤੇ ਪਾਕਿਸਤਾਨ ਦੇ ਰਿਕਾਰਡ ਨੂੰ ਦੇਖ ਕੇ ਲੱਗਦਾ ਹੈ ਕਿ 4 ਸਤੰਬਰ ਨੂੰ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਇਕ ਹੋਰ ਫਸਵਾਂ ਮੁਕਾਬਲਾ ਦੇਖਣ ਨੂੰ ਮਿਲ ਸਕਦਾ ਹੈ।
ਇਹ ਹੋ ਸਕਦੀ ਹੈ ਹਾਂਗਕਾਂਗ ਅਤੇ ਪਾਕਿਸਤਾਨ ਦੀ ਪਲੇਇੰਗ 11 ਟੀਮ : –

ਪਾਕਿਸਤਾਨ ਦੀ ਪਲੇਇੰਗ ਇਲੈਵਨ: 1. ਮੁਹੰਮਦ ਰਿਜ਼ਵਾਨ, 2. ਬਾਬਰ ਆਜ਼ਮ, 3. ਫਖਰ ਜ਼ਮਾਨ, 4. ਇਫਤਿਖਾਰ ਅਹਿਮਦ, 5. ਖੁਸ਼ਦਿਲ ਸ਼ਾਹ, 6. ਸ਼ਾਦਾਬ ਖਾਨ, 7. ਆਸਿਫ ਅਲੀ, 8. ਮੁਹੰਮਦ ਨਵਾਜ਼, 9. ਹਰਿਸ ਰਊਫ, 10. ਨਸੀਮ ਸ਼ਾਹ, 11. ਸ਼ਾਹਨਵਾਜ਼ ਦਹਾਨੀ

ਹਾਂਗਕਾਂਗ ਦੀ ਪਲੇਇੰਗ ਇਲੈਵਨ: 1. ਨਿਜ਼ਾਕਤ ਖਾਨ (ਸੀ), 2. ਯਾਸਿਮ ਮੁਰਤਜ਼ਾ, 3. ਬਾਬਰ ਹਯਾਤ, 4. ਕਿੰਚਿਤ ਸ਼ਾਹ, 5. ਏਜਾਜ਼ ਖਾਨ, 6. ਜ਼ੀਸ਼ਾਨ ਅਲੀ, 7. ਸਕਾਟ ਮੈਕਕੇਨੀ, 8. ਅਰਸ਼ਦ ਮੁਹੰਮਦ, 9. ਅਹਿਸਾਨ ਖਾਨ, 10. ਆਯੂਸ਼ ਸ਼ੁਕਲਾ, 11. ਮੁਹੰਮਦ ਗਜ਼ਨਫਰ