ਬਾਲੀਵੁੱਡ ਦੇ ਮਸ਼ਹੂਰ ਐਕਟਰ ਸਲਮਾਨ ਖਾਨ ਅੱਜ ਆਪਣਾ 56ਵਾਂ ਜਨਮਦਿਨ ਮਨਾ ਰਹੇ ਹਨ। ਉਹ ਆਪਣੇ ਜਨਮਦਿਨ ਤੋਂ ਇਕ ਰਾਤ ਪਹਿਲਾਂ ਮੀਡੀਆ ਦੇ ਸਾਹਮਣੇ ਆਏ ਸਨ। ਇਸ ਦੌਰਾਨ ਸਲਮਾਨ ਖਾਨ ਨੇ ਆਪਣੀ ਮਸ਼ਹੂਰ ਫਿਲਮ ‘ਬਜਰੰਗੀ ਭਾਈਜਾਨ’ ਦੇ ਸੀਕਵਲ ਬਾਰੇ ਵੀ ਮੀਡੀਆ ਨਾਲ ਗੱਲਬਾਤ ਕੀਤੀ। ਸਲਮਾਨ ਖਾਨ ਨੇ ਫਿਲਮ ‘ਬਜਰੰਗੀ ਭਾਈਜਾਨ’ ਦੇ ਸੀਕਵਲ ਦੇ ਟਾਈਟਲ ਦਾ ਵੀ ਖੁਲਾਸਾ ਕੀਤਾ ਹੈ।
ਸਲਮਾਨ ਖਾਨ ਨੇ ਦਸਿਆ ਕਿ ‘ਬਜਰੰਗੀ ਭਾਈਜਾਨ ਫਿਲਮ ਦੇ ਸੀਕਵਲ ਦਾ ਨਾਂ ‘ਪਵਨ ਪੁੱਤਰ ਭਾਈਜਾਨ’ ਰੱਖਿਆ ਹੈ ਫਿਲਮ ‘ਬਜਰੰਗੀ ਭਾਈਜਾਨ’ ‘ਚ ਸਲਮਾਨ ਖਾਨ ਦੇ ਕਿਰਦਾਰ ਦਾ ਨਾਂ ਪਵਨ ਹੈ।ਮਸ਼ਹੂਰ ਨਿਰਮਾਤਾ-ਨਿਰਦੇਸ਼ਕ ਐੱਸ.ਐੱਸ. ਰਾਜਾਮੌਲੀ ਦੇ ਪਿਤਾ ਕੇਵੀ ਵਿਜੇੇਂਦਰ ਪ੍ਰਸਾਦ ਵੀ ‘ਪਵਨ ਪੁੱਤਰ ਭਾਈਜਾਨ’ ‘ਚ ਉਨ੍ਹਾਂ ਦਾ ਸਾਥ ਦੇਣਗੇ
ਉਹਨਾਂ ਨੇ ਇਹ ਵੀ ਦਸਿਆ ਕਿ ਫਿਲਮ ‘ਟਾਈਗਰ 3’ ਦੀ ਸ਼ੂਟਿੰਗ ਖਤਮ ਹੋਣ ਤੋਂ ਬਾਅਦ ‘ਨੋ ਐਂਟਰੀ’ ਦੇ ਸੀਕਵਲ ‘ਤੇ ਕੰਮ ਸ਼ੁਰੂ ਕੀਤਾ ਜਾਵੇਗਾ। ਫਿਲਮ ਨੋ ਐਂਟਰੀ ਸਾਲ 2005 ਵਿੱਚ ਆਈ ਸੀ। ਇਸ ਮਲਟੀਸਟਾਰਰ ਫਿਲਮ ‘ਚ ਸਲਮਾਨ ਖਾਨ ਤੋਂ ਇਲਾਵਾ ਅਨਿਲ ਕਪੂਰ ਅਤੇ ਫਰਦੀਨ ਖਾਨ ਸਮੇਤ ਕਈ ਕਲਾਕਾਰ ਮੁੱਖ ਭੂਮਿਕਾਵਾਂ ‘ਚ ਸਨ।
