ਬ੍ਰਿਟੇਨ ਦੇ ਯੋਜਨਾ ਨਿਰੀਖਣ ਦਫ਼ਤਰ ਨੇ ਵੀਰਵਾਰ ਨੂੰ ਬ੍ਰਿਟੇਨ ਦੇ ਬਕਿੰਘਮਸ਼ਾਇਰ ਵਿਚ ਹਿੰਦੂ ਭਾਈਚਾਰੇ ਲਈ ਪਹਿਲਾ ਸ਼ਮਸ਼ਾਨ ਘਾਟ ਬਣਾਉਣ ਦੀ ਅਪੀਲ ਸਵੀਕਾਰ ਕਰ ਲਈ ਹੈ। ਅਨੁਪਮ ਮਿਸ਼ਨ ਯੂ. ਕੇ. ਨੂੰ ਡੇਨਹਮ ਵਿਚ ਜੈਵ ਵਿਭਿੰਨਤਾ ਵਿਚ ਸੁਧਾਰ ਕਰਦੇ ਹੋਏ ਇੱਕ ਸ਼ਨਸ਼ਾਨ ਘਾਟ ਬਣਾਉਣ ਦੀ ਜ਼ਰੂਰੀ ਇਜਾਜ਼ਤ ਮਿਲ ਗਈ ਹੈ।
ਦਸ ਦਈਏ ਕਿ ਉਸਾਰੀ ਦਾ ਕੰਮ ਦ-ਲੀ, ਵੈਸਟਰਨ ਐਵੇਨਿਊ ਵਿਚ ਮਿਸ਼ਨ ਦੇ ਸਵਾਮੀ ਨਾਰਾਇਣ ਮੰਦਰ ਦੇ ਨਾਲ ਹੋਵੇਗਾ ਅਤੇ ਇਹ ਖੇਤਰ ਦੇ ਹਿੰਦੂ, ਸਿੱਖ ਅਤੇ ਜੈਨ ਭਾਈਚਾਰਿਆਂ ਦੀਆਂ ਲੋੜਾਂ ਨੂੰ ਪੂਰਾ ਕਰੇਗਾ। ਅਨੁਪਮ ਮਿਸ਼ਨ ਦੇ ਅਧਿਆਤਮਿਕ ਗੁਰੂ, ਸਾਹਬਜੀ ਨੇ ਕਿਹਾ, ‘ਅਸੀਂ ਇਸ ਮਹੱਤਵਪੂਰਨ ਫ਼ੈਸਲੇ ਦਾ ਅਤੇ ਬ੍ਰਿਟੇਨ ਦੀ ਹਿੰਦੂ ਆਬਾਦੀ ਦੀ ਸੇਵਾ ਕਰਨ ਲਈ ਅਨੁਪਮ ਮਿਸ਼ਨ ਨੂੰ ਮਿਲੇ ਮੌਕੇ ਦਾ ਸਵਾਗਤ ਕਰਦੇ ਹਾਂ।’ ਦਸ ਦਈਏ ਕਿ ਇਕ ਧਾਰਮਿਕ ਸੰਸਥਾ ਨੇ ਆਪਣੇ ਮੰਦਰ ਨਾਲ ਲੱਗੇ ਇਸ ਢਾਂਚੇ ਲਈ ਅਪੀਲ ਕੀਤੀ ਸੀ ਜੋ ਕਿ ਮਨਜ਼ੂਰ ਕਰ ਲਈ ਗਈ ਹੈ।
