ਉੱਤਰ ਪ੍ਰਦੇਸ਼ ਚੋਣਾਂ ਲਈ ਕੁਝ ਦਿਨ ਹੀ ਬਾਕੀ ਰਹਿ ਗਏ ਹਨ ਬੀਤੇ ਦਿਨੀਂ ਸਮਾਜਵਾਦੀ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਅਖਿਲੇਸ਼ ਯਾਦਵ ਆਗਰਾ ਦੇ ਬਾਹ ਸੀਟ ‘ਤੇ ਚੋਣ ਪ੍ਰਚਾਰ ਕਰਨ ਪਹੁੰਚੇ। ਵਿਧਾਨ ਸਭਾ ‘ਚ ਜਨ ਸਭਾ ਨੂੰ ਸੰਬੋਧਨ ਦੌਰਾਨ ਸਪਾ ਦੇ ਰਾਸ਼ਟਰੀ ਪ੍ਰਧਾਨ ਅਖਿਲੇਸ਼ ਯਾਦਵ ਦੇ ਸਾਹਮਣੇ ਰਾਸ਼ਟਰੀ ਜਨਰਲ ਸਕੱਤਰ ਅਤੇ ਸਾਬਕਾ ਸੰਸਦ ਰਾਮਜੀਲਾਲ ਸੁਮਨ ਨੇ ਜ਼ਿਲਾ ਪ੍ਰਧਾਨ ਨੂੰ ਥੱਪੜ ਵਿਖਾਇਆ। ਜਿਸ ਤੋਂ ਬਾਅਦ ਜ਼ਿਲਾ ਪ੍ਰਧਾਨ ਪਹਿਲਾ ਤਾ ਕੁਝ ਸਹਿਮ ਗਏ ਜਦਕਿ ਅਖਿਲੇਸ਼ ਯਾਦਵ ਇਹ ਸਭ ਵੇਖ ਕੇ ਹੱਸਦੇ ਹੀ ਰਹੇ। ਇਸ ਦੇ ਨਾਲ ਹੀ ਲੋਕਾਂ ਦੇ ਸਾਹਮਣੇ ਹੱਥ ਜੋੜ ਕੇ ਗੱਲ ਕੀਤੀ। ਇਹ ਨਜ਼ਾਰਾ ਦੇਖ ਕੇ ਉਥੇ ਮੌਜੂਦ ਲੋਕ ਵੀ ਆਪਣਾ ਹਾਸਾ ਨਹੀਂ ਰੋਕ ਸਕੇ।
ਦਰਅਸਲ ਆਗਰਾ ਦੇ ਬਾਹ ‘ਚ ਰੈਲੀ ਦੌਰਾਨ ਰਾਮਜੀ ਸੁਮਨ ਸਟੇਜ ਤੋਂ ਜਨਤਾ ਨੂੰ ਸੰਬੋਧਨ ਕਰ ਰਹੇ ਸਨ। ਇਸ ਸਮੇਂ ਅਖਿਲੇਸ਼ ਯਾਦਵ ਅਤੇ ਜ਼ਿਲ੍ਹਾ ਪ੍ਰਧਾਨ ਜਤਿੰਦਰ ਵਰਮਾ ਆਪਸ ਵਿੱਚ ਗੱਲਬਾਤ ਕਰ ਰਹੇ ਸਨ। ਰਾਮਜੀਲਾਲ ਨੂੰ ਇਹ ਗੱਲ ਚੰਗੀ ਨਹੀਂ ਲੱਗੀ।ਉਸ ਨੇ ਦੋ ਵਾਰ ਜ਼ਿਲ੍ਹਾ ਪ੍ਰਧਾਨ ਨੂੰ ਆਪਣੇ ਭਾਸ਼ਣ ਵਿਚਾਲੇ ਇਸ਼ਾਰਾ ਕਰਕੇ ਗੱਲ ਕਰਨ ਤੋਂ ਮਨ੍ਹਾ ਕੀਤਾ, ਪਰ ਜਦੋਂ ਜੀਤੇਂਦਰ ਵਰਮਾ ਨੇ ਅਖਿਲੇਸ਼ ਨਾਲ ਗੱਲ ਕਰਨਾ ਬੰਦ ਨਹੀਂ ਕੀਤਾ, ਤਾਂ ਰਾਮਜੀਲਾਲ ਮਾਈਕ ਛੱਡ ਕੇ ਜ਼ਿਲ੍ਹਾ ਪ੍ਰਧਾਨ ਕੋਲ ਆਏ ਤੇ ਥੱਪੜ ਵਿਖਾ ਦਿੱਤਾ।
ਇਸ ਸੰਬੋਧਨ ਦੌਰਾਨ ਅਖਿਲੇਸ਼ ਯਾਦਵ ਨੇ ਕਿਹਾ ਕਿ ਸੂਬੇ ਦੇ ਲੋਕਾਂ ਨੇ ਮਨ ਬਣਾ ਲਿਆ ਹੈ ਕਿ ਉਨ੍ਹਾਂ ਨੂੰ ਸਪਾ ਗਠਜੋੜ ਨੂੰ ਹੀ ਅਪਣਾਉਣਾ ਹੈ। ਹੁਣ ਭਾਜਪਾ ਲਈ ਲੋਕਾਂ ਦੇ ਦਰਵਾਜ਼ੇ ਬੰਦ ਹਨ। ਆਜ਼ਾਦੀ ਦੇ ਬਾਵਜੂਦ ਬਾਹ ਵਿਕਾਸ ਤੋਂ ਵਾਂਝਾ ਹੈ।
