ਅਕਸਰ ਕਬੀਲੇ ਦੇ ਲੋਕਾਂ ਬਾਰੇ ਇਹ ਧਾਰਨਾ ਬਣੀ ਹੋਈ ਹੈ ਕਿ ਉਨ੍ਹਾਂ ਦੀਆਂ ਪਰੰਪਰਾਵਾਂ ਆਧੁਨਿਕ ਸਮੇਂ ਤੋਂ ਬਹੁਤ ਪਿੱਛੇ ਹਨ। ਇਹ ਲੋਕ ਅਜੇ ਵੀ ਉਨ੍ਹਾਂ ਅਭਿਆਸਾਂ ਨਾਲ ਜੁੜੇ ਜਾਂ ਬੰਨ੍ਹੇ ਹੋਏ ਮੰਨੇ ਜਾਂਦੇ ਹਨ ਜਿਨ੍ਹਾਂ ਨੂੰ ਅਸੀਂ ਕਈ ਸਾਲ ਪਹਿਲਾਂ ਛੱਡ ਚੁੱਕੇ ਹਾਂ। ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੀ ਹੀ ਕਬੀਲੇ ਦੀ ਰਿਵਾਇਤ ਬਾਰੇ ਦੱਸਾਂਗੇ ਜਿਥੇ ਬਿਨ੍ਹਾਂ ਵਿਆਹ ਤੋਂ ਬੱਚੇ ਨੂੰ ਜਨਮ ਦੇਣਾ ਇਸ ਸਮਾਜ ਵਿੱਚ ਇਹ ਆਮ ਗੱਲ ਹੈ।
ਦੱਸ ਦਈਏ ਕਿ ਗਰਾਸੀਆ ਕਬੀਲੇ ‘ਚ ਇਹ ਪਰੰਪਰਾ 1000 ਸਾਲ ਤੋਂ ਚੱਲੀ ਆ ਰਹੀ ਹੈ। ਇੱਥੇ ਪਹਿਲਾਂ ਲੜਕਾ-ਲੜਕੀ ਇਕੱਠੇ ਰਹਿੰਦੇ ਹਨ ਅਤੇ ਬੱਚਿਆਂ ਨੂੰ ਜਨਮ ਦਿੰਦੇ ਹਨ, ਫਿਰ ਹੀ ਵਿਆਹ ਬਾਰੇ ਸੋਚਦੇ ਹਨ। ਇਹ ਕਬੀਲਾ ਅਫ਼ਰੀਕਾ ਜਾਂ ਅਮੇਜ਼ਨ ਦੇ ਜੰਗਲਾਂ ਵਿੱਚ ਨਹੀਂ ਮਿਲਦਾ, ਸਗੋਂ ਇਹ ਸਾਡੇ ਆਪਣੇ ਦੇਸ਼ ਵਿੱਚ ਗੁਜਰਾਤ ਅਤੇ ਰਾਜਸਥਾਨ ਦੇ ਕੁਝ ਇਲਾਕਿਆਂ ਵਿੱਚ ਰਹਿੰਦਾ ਹੈ।
ਦੱਸਿਆ ਜਾਂਦਾ ਹੈ ਕਿ ਕੁੜੀਆਂ ਨੂੰ ਆਪਣੇ ਲਈ ਲੜਕਾ ਚੁਣਨ ਦੀ ਪੂਰੀ ਆਜ਼ਾਦੀ ਹੈ। ਇਸ ਦੇ ਲਈ 2 ਰੋਜ਼ਾ ਮੇਲਾ ਲਗਾਇਆ ਜਾਂਦਾ ਹੈ। ਇੱਥੇ ਉਹ ਆਪਣੀ ਪਸੰਦ ਦੇ ਲੜਕੇ ਨੂੰ ਚੁਣ ਕੇ ਉਸ ਨਾਲ ਭੱਜ ਜਾਂਦੀ ਹੈ। ਫਿਰ ਵਾਪਸੀ ‘ਤੇ ਉਹ ਬਿਨਾਂ ਵਿਆਹ ਦੇ ਇਕੱਠੇ ਰਹਿਣ ਲੱਗਦੇ ਹਨ।ਜੋੜੇ ‘ਤੇ ਵਿਆਹ ਦਾ ਕੋਈ ਦਬਾਅ ਨਹੀਂ ਹੈ ਅਤੇ ਉਹ ਇਸ ਰਿਸ਼ਤੇ ਤੋਂ ਬੱਚੇ ਵੀ ਪੈਦਾ ਕਰਦੇ ਹਨ। ਬੱਚੇ ਦੇ ਪੈਦਾ ਹੋਣ ਤੱਕ ਉਹ ਵਿਆਹ ਬਾਰੇ ਨਹੀਂ ਸੋਚਦੇ, ਪਰ ਬੱਚੇ ਤੋਂ ਬਾਅਦ ਇਹ ਉਨ੍ਹਾਂ ਦੀ ਮਰਜ਼ੀ ਹੁੰਦੀ ਹੈ ਕਿ ਵਿਆਹ ਕਰਨਾ ਹੈ ਜਾਂ ਨਹੀਂ। ਦਿਲਚਸਪ ਗੱਲ ਇਹ ਹੈ ਕਿ ਲੜਕੀ ‘ਤੇ ਸਿਰਫ ਇਕ ਲੜਕੇ ਨਾਲ ਜ਼ਿੰਦਗੀ ਬਿਤਾਉਣ ਦਾ ਕੋਈ ਦਬਾਅ ਨਹੀਂ ਹੈ। ਜੇਕਰ ਉਹ ਇਕੱਠੇ ਨਹੀਂ ਰਹਿਣਾ ਚਾਹੁੰਦੇ ਤਾਂ ਲੜਕੀ ਆਪਣਾ ਦੂਜਾ ਸਾਥੀ ਚੁਣ ਸਕਦੀ ਹੈ।