IPL ਮੈਗਾ ਨਿਲਾਮੀ ਤੋਂ ਬਾਅਦ ਆਸਟ੍ਰੇਲੀਆਈ ਆਲਰਾਊਂਡਰ ਗਲੇਨ ਮੈਕਸਵੈੱਲ ਦੇ ਵਿਆਹ ਦੀਆ ਖ਼ਬਰਾਂ ਸਾਹਮਣੇ ਆਈਆਂ ਹਨ ਮੈਕਸਵੈੱਲ ਦੇ ਵਿਆਹ ਦਾ ਕਾਰਡ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਆਸਟ੍ਰੇਲੀਆਈ ਆਲਰਾਊਂਡਰ ਗਲੇਨ ਮੈਕਸਵੈੱਲ ਭਾਰਤੀ ਮੂਲ ਦੀ ਵਿਨੀ ਰਮਨ ਨਾਲ ਵਿਆਹ ਦੇ ਬੰਧਨ ‘ਚ ਬੱਝ ਜਾਣਗੇ। ਕਾਰਡ ਮੁਤਾਬਕ ਇਹ ਜੋੜਾ 27 ਮਾਰਚ ਨੂੰ ਮੈਲਬੌਰਨ ‘ਚ ਰਵਾਇਤੀ ਤਮਿਲ ਵਿਆਹ ਸ਼ੈਲੀ ‘ਚ ਵਿਆਹ ਕਰੇਗਾ।
ਤੁਹਾਨੂੰ ਦੱਸ ਦੇਈਏ ਕਿ ਮੈਕਸਵੈੱਲ ਅਤੇ ਵਿੰਨੀ 2017 ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ। ਦੋਵਾਂ ਨੇ ਫਰਵਰੀ 2020 ‘ਚ ਮੰਗਣੀ ਕੀਤੀ ਸੀ। ਮੈਕਸਵੈੱਲ IPL 2022 ‘ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਲਈ ਖੇਡੇਗਾ। ਉਸ ਨੂੰ ਟੀਮ ਨੇ 11 ਕਰੋੜ ਵਿੱਚ ਖਰੀਦਿਆ ਹੈ। ਦਸ ਦਈਏ ਕਿ ਸਾਰੀਆਂ 10 ਫ੍ਰੈਂਚਾਈਜ਼ੀਆਂ ਨੇ IPL 2022 ਲਈ ਆਪਣੀ-ਆਪਣੀ ਟੀਮ ਬਣਾ ਲਈ ਹੈ। ਬੀਸੀਸੀਆਈ ਸੂਤਰਾਂ ਮੁਤਾਬਕ 15ਵਾਂ ਸੀਜ਼ਨ 27 ਮਾਰਚ ਤੋਂ ਸ਼ੁਰੂ ਹੋ ਸਕਦਾ ਹੈ।
