ਮੁੰਬਈ : – IPL 2022 ਦੀ ਨਿਲਾਮੀ ਸ਼ੁਰੂ ਹੋ ਗਈ ਹੈ। ਨਿਲਾਮੀ ਤੋਂ ਇੱਕ ਦਿਨ ਪਹਿਲਾਂ ਬੀਸੀਸੀਆਈ ਨੇ ਸੂਚੀ ਵਿੱਚ 10 ਹੋਰ ਖਿਡਾਰੀਆਂ ਨੂੰ ਸ਼ਾਮਲ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਇਸ ਨਿਲਾਮੀ ਵਿੱਚ ਸ਼ਾਮਲ ਹੋਣ ਵਾਲੇ ਖਿਡਾਰੀਆਂ ਦੀ ਗਿਣਤੀ 600 ਹੈ, ਜੋ ਪਹਿਲਾਂ 590 ਸੀ।
IPL 2022 ਦੀ ਨਿਲਾਮੀ ਸ਼ੁਰੂ ਹੋ ਗਈ ਹੈ। ਪਹਿਲੀ ਬੋਲੀ ਸ਼ਿਖਰ ਧਵਨ ਦੀ ਬੋਲੀ ਨਾਲ ਲੱਗੀ। ਸ਼ਿਖਰ ਧਵਨ ਨੇ ਆਪਣੀ ਬੇਸ ਪ੍ਰਾਈਸ 2 ਕਰੋੜ ਰੁਪਏ ਰੱਖੀ ਸੀ। ਸ਼ਿਖਰ ਧਵਨ ਨੂੰ ਆਪਣੀ ਟੀਮ ‘ਚ ਸ਼ਾਮਲ ਕਰਨ ਲਈ ਨਿਲਾਮੀ ਟੇਬਲ ‘ਤੇ ਰਾਜਸਥਾਨ ਰਾਇਲਸ ਅਤੇ ਦਿੱਲੀ ਕੈਪੀਟਲਸ ਵਿਚਾਲੇ ਮਜ਼ੇਦਾਰ ਲੜਾਈ ਹੋਈ ਪਰ ਰਾਜਸਥਾਨ ਰਾਇਲਸ ਨੇ 5 ਕਰੋੜ ਦੇ ਬਾਅਦ ਸ਼ਿਖਰ ਧਵਨ ਨੂੰ ਛੱਡਣਾ ਬਿਹਤਰ ਸਮਝਿਆ।
ਦਿੱਲੀ ਕੈਪੀਟਲਸ ਨੇ ਵੀ ਸ਼ਿਖਰ ਧਵਨ ਨੂੰ ਖਰੀਦਣ ਦੀ ਪੂਰੀ ਕੋਸ਼ਿਸ਼ ਕੀਤੀ। ਪੰਜਾਬ ਕਿੰਗਜ਼ ਨੇ ਸ਼ਿਖਰ ਧਵਨ ਨੂੰ 8 ਕਰੋੜ 25 ਲੱਖ ਰੁਪਏ ‘ਚ ਆਪਣੀ ਟੀਮ ‘ਚ ਸ਼ਾਮਲ ਕੀਤਾ ਹੈ।
ਸ਼ਿਖਰ ਧਵਨ ਤੋਂ ਬਾਅਦ ਨਿਲਾਮੀ ‘ਚ ਆਰ ਅਸ਼ਵਿਨ ਦਾ ਨਾਂ ਆਇਆ ਹੈ। ਆਰ ਅਸ਼ਵਿਨ ਨੂੰ ਰਾਜਸਥਾਨ ਰਾਇਲਸ ਦੀ ਟੀਮ ਨੇ 5 ਕਰੋੜ ਰੁਪਏ ਵਿੱਚ ਖਰੀਦਿਆ। ਆਰ ਅਸ਼ਵਿਨ ਦੀ ਬੇਸ ਪ੍ਰਾਈਸ ਵੀ 2 ਕਰੋੜ ਰੁਪਏ ਸੀ। ਕਈ ਟੀਮਾਂ ਨੇ ਵੀ ਉਸ ਵਿੱਚ ਦਿਲਚਸਪੀ ਦਿਖਾਈ। ਹਾਲਾਂਕਿ, ਸਫਲਤਾ ਰਾਜਸਥਾਨ ਰਾਇਲਜ਼ ਨੂੰ ਮਿਲੀ। ਰਾਜਸਥਾਨ ਰਾਇਲਜ਼ ਨੇ ਨਿਊਜ਼ੀਲੈਂਡ ਦੇ ਤੇਜ਼ ਗੇਂਦਬਾਜ਼ ਟ੍ਰੇਂਟ ਬੋਲਟ ਨੂੰ 8 ਕਰੋੜ ਦੀ ਬੋਲੀ ਲਗਾ ਕੇ ਆਪਣੀ ਟੀਮ ਵਿੱਚ ਸ਼ਾਮਲ ਕੀਤਾ ਹੈ।