ਇਟਲੀ ਦੀ ਪ੍ਰਧਾਨ ਮੰਤਰੀ ਜੌਰਜੀਆ ਮੇਲੋਨੀ ਆਪਣੇ ਪੱਤਰਕਾਰ ਸਾਥੀ ਐਂਡਰੀਆ ਜਿਆਮਬਰੂਨੋ ਤੋਂ ਵੱਖ ਹੋ ਗਈ ਹੈ। ਮੇਲੋਨੀ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਪੋਸਟ ਕੀਤਾ ਕਿ ਐਂਡਰੀਆ ਜਿਆਮਬਰੂਨੋ ਨਾਲ ਮੇਰਾ ਰਿਸ਼ਤਾ ਖਤਮ ਹੋ ਗਿਆ ਹੈ। ਅਸੀਂ ਕਰੀਬ 10 ਸਾਲ ਇਕੱਠੇ ਰਹੇ। 46 ਸਾਲਾ ਇਟਲੀ ਦੇ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਕੁਝ ਸਮੇਂ ਤੋਂ ਸਾਡੇ ਰਸਤੇ ਵੱਖ ਹੋ ਗਏ ਹਨ। ਅਜਿਹੇ ‘ਚ ਹੁਣ ਸਮਾਂ ਆ ਗਿਆ ਹੈ ਕਿ ਇਸ ਨੂੰ ਸਵੀਕਾਰ ਕੀਤਾ ਜਾਵੇ।
ਜਾਣਕਾਰੀ ਮੁਤਾਬਕ ਜਿਆਮਬਰੂਨੋ ਅਤੇ ਮੇਲੋਨੀ ਦਾ ਵਿਆਹ ਨਹੀਂ ਹੋਇਆ ਹੈ। ਹਾਲਾਂਕਿ, ਉਹ ਲੰਬੇ ਸਮੇਂ ਤੋਂ ਰਿਲੇਸ਼ਨਸ਼ਿਪ ਵਿੱਚ ਸਨ। ਉਨ੍ਹਾਂ ਦੀ ਸੱਤ ਸਾਲ ਦੀ ਬੇਟੀ ਵੀ ਹੈ। ਮੇਲੋਨੀ ਨੇ ਲਿਖਿਆ, ‘ਮੈਂ ਇਕੱਠੇ ਬਿਤਾਏ ਸ਼ਾਨਦਾਰ ਸਾਲਾਂ ਲਈ ਉਨ੍ਹਾਂ ਦਾ ਧੰਨਵਾਦ ਕਰਨਾ ਚਾਹੁੰਦੀ ਹਾਂ। ਮੈਂ ਉਹਨਾਂ ਸਾਰੀਆਂ ਮੁਸ਼ਕਲਾਂ ਵਿੱਚ ਮੇਰੇ ਨਾਲ ਰਹਿਣ ਲਈ ਅਤੇ ਮੇਰੀ ਜ਼ਿੰਦਗੀ ਵਿੱਚ ਸਭ ਤੋਂ ਮਹੱਤਵਪੂਰਨ ਚੀਜ਼, ਸਾਡੀ ਧੀ ਜੇਨੇਵਰਾ ਦੇਣ ਲਈ ਉਸਦਾ ਧੰਨਵਾਦ ਕਰਦੀ ਹਾਂ। “
ਦੱਸ ਦਈਏ ਕਿ 1977 ਵਿੱਚ ਰੋਮ ਵਿੱਚ ਜਨਮੀ, ਮੇਲੋਨੀ 15 ਸਾਲਾਂ ਦੀ ਸੀ ਜਦੋਂ ਉਹ ਇਟਾਲੀਅਨ ਸੋਸ਼ਲ ਮੂਵਮੈਂਟ (ਐਮਐਸਆਈ) ਦੇ ਯੂਥ ਵਿੰਗ ਵਿੱਚ ਸ਼ਾਮਲ ਹੋਈ। ਉਹ 2015 ਵਿੱਚ ਜਿਆਮਬਰੂਨੋ ਨੂੰ ਮਿਲੀ ਜਦੋਂ ਉਹ ਇੱਕ ਟੀਵੀ ਸ਼ੋਅ ਲਈ ਇੱਕ ਲੇਖਕ ਵਜੋਂ ਕੰਮ ਕਰ ਰਹੇ ਸਨ। ਮੇਲੋਨੀ ਨੇ ਇਸ ਸ਼ੋਅ ‘ਚ ਹਿੱਸਾ ਲਿਆ ਸੀ। ਜਿਆਮਬਰੂਨੋ ਦਾ ਜਨਮ 1981 ਵਿੱਚ ਮਿਲਾਨ ਵਿੱਚ ਹੋਇਆ ਸੀ।