ਰਿਲਾਇੰਸ ਜੀਓ 4ਜੀ ਸਮਰਥਿਤ ਘੱਟ ਕੀਮਤ ਵਾਲਾ ਲੈਪਟਾਪ ਲਾਂਚ ਕਰਨ ਜਾ ਰਿਹਾ ਹੈ। ਇਸ ਦੀ ਕੀਮਤ ਕਰੀਬ 15,000 ਰੁਪਏ ਹੋਵੇਗੀ। ਮੁਕੇਸ਼ ਅੰਬਾਨੀ ਦੀ ਅਗਵਾਈ ਵਾਲੇ ਸਮੂਹ ਨੇ JioBook ਲਈ Qualcomm ਅਤੇ Microsoft ਦੇ ਨਾਲ ਸਾਂਝੇਦਾਰੀ ਕੀਤੀ ਹੈ। ਰਾਇਟਰਜ਼ ਨੇ ਇਸ ਸਬੰਧੀ ਇੱਕ ਰਿਪੋਰਟ ਪ੍ਰਕਾਸ਼ਿਤ ਕੀਤੀ ਹੈ।
ਰਾਇਟਰਜ਼ ਦੀ ਰਿਪੋਰਟ ਦੇ ਅਨੁਸਾਰ, Qualcomm ਕੰਪਨੀ Jio ਦੇ ਲੈਪਟਾਪਾਂ ਲਈ ਆਰਮ ਲਿਮਟਿਡ ਦੀ ਤਕਨੀਕ ਤੋਂ ਤਿਆਰ ਚਿਪਸੈੱਟ ਉਪਲਬਧ ਕਰਵਾਏਗੀ। ਇਸ ਦੇ ਨਾਲ ਹੀ ਵਿੰਡੋਜ਼ ਆਪਰੇਟਿੰਗ ਸਿਸਟਮ ਬਣਾਉਣ ਵਾਲੀ ਕੰਪਨੀ ਮਾਈਕ੍ਰੋਸਾਫਟ ਐਪ ਸਪੋਰਟ ਦੇਵੇਗੀ। ਕੰਪਨੀ ਇਸ ਲੈਪਟਾਪ ਨੂੰ ਸਸਤੇ 4G JioPhone ਦੀ ਤਰਜ਼ ‘ਤੇ ਲਾਂਚ ਕਰੇਗੀ।
Jio ਆਪਣੇ ਲੈਪਟਾਪ ਨੂੰ ਟੈਬਲੇਟ ਦੇ ਬਦਲ ਵਜੋਂ ਪੇਸ਼ ਕਰੇਗੀ। ਹਾਲਾਂਕਿ, Jio ਨੇ ਇਸ ਲੈਪਟਾਪ ‘ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ। ਰਿਲਾਇੰਸ ਜੀਓ ਦੇ ਭਾਰਤ ਵਿੱਚ 42 ਕਰੋੜ ਤੋਂ ਵੱਧ ਗਾਹਕ ਹਨ। ਉਹ ਗੂਗਲ ਦੇ ਨਾਲ ਮਿਲ ਕੇ ਜਲਦੀ ਹੀ 5ਜੀ ਸਮਾਰਟਫੋਨ ਵੀ ਲਾਂਚ ਕਰਨ ਜਾ ਰਹੀ ਹੈ।
ਜਿਓ ਦੇ ਲੈਪਟਾਪ ਨੂੰ ਲੋਕਲ ਲੈਵਲ ‘ਤੇ ਹੀ ਬਣਾਇਆ ਜਾਵੇਗਾ। ਇਹ ਕੰਟਰੈਕਟ ਨਿਰਮਾਤਾ ਫਲੈਕਸ ਦੁਆਰਾ ਤਿਆਰ ਕੀਤਾ ਜਾਵੇਗਾ। ਖੋਜ ਫਰਮ IDC ਦੇ ਅਨੁਸਾਰ, ਭਾਰਤ ਵਿੱਚ ਨਿੱਜੀ ਕੰਪਿਊਟਰ ਦੀ ਸ਼ਿਪਮੈਂਟ ਪਿਛਲੇ ਸਾਲ 14.8 ਮਿਲੀਅਨ ਯੂਨਿਟ ਸੀ। HP, Dell ਅਤੇ Lenovo ਦੀ ਇਸ ‘ਚ ਵੱਡੀ ਹਿੱਸੇਦਾਰੀ ਸੀ।
ਕਾਊਂਟਰਪੁਆਇੰਟ ਐਨਾਲਿਸਟ ਤਰੁਣ ਪਾਠਕ ਨੇ ਕਿਹਾ ਕਿ JioBook ਦੀ ਸ਼ੁਰੂਆਤ ਨਾਲ ਲੈਪਟਾਪ ਮਾਰਕੀਟ ਹਿੱਸੇ ਦਾ ਘੱਟੋ-ਘੱਟ 15% ਵਿਸਤਾਰ ਹੋਵੇਗਾ।