ਸਭ ਤੋਂ ਜ਼ਿਆਦਾ ਆਬਾਦੀ ਵਾਲੇ ਅਫ਼ਰੀਕੀ ਦੇਸ਼ ਨਾਈਜੀਰੀਆ ’ਚ ਬੁਖਾਰ ਨਾਲ ਮਰਨ ਵਾਲੇ ਲੋਕਾਂ ਦੀ ਗਿਣਤੀ 80 ਹੋ ਗਈ ਹੈ । ਦਸਿਆ ਜਾ ਰਿਹਾ ਹੈ ਕਿ ਇਹ ਲਾਸਾ ਬੁਖਾਰ ਹੈ ਜੋ ਕਿ ਚੂਹਿਆਂ ਤੋਂ ਫੈਲਦਾ ਹੈ ।
ਨਾਈਜੀਰੀਆ ਰੋਗ ਕੰਟਰੋਲ ਕੇਂਦਰ (ਐੱਨ. ਸੀ. ਡੀ. ਸੀ.) ਨੇ ਜਾਣਕਾਰੀ ਦਿੰਦਿਆਂ ਦਸਿਆ ਕਿ ਇਸ ਸਾਲ 8 ਦਸੰਬਰ ਤੱਕ ਦੇਸ਼ ’ਚ 17 ਸੂਬਿਆਂ ਅਤੇ ਸੰਘੀ ਰਾਜਧਾਨੀ ਖੇਤਰ ਤੋਂ ਲਾਸਾ ਬੁਖ਼ਾਰ ਦੇ ਕੁੱਲ 434 ਮਾਮਲਿਆਂ ਦੀ ਪੁਸ਼ਟੀ ਹੋਈ। ਇਨ੍ਹਾਂ ’ਚੋਂ 80 ਲੋਕਾਂ ਦੀ ਮੌਤ ਹੋ ਗਈ। ਲਾਸਾ ਬੁਖ਼ਾਰ ਚੂਹਿਆਂ ਦੀ ਲਾਰ, ਮਲ-ਮੂਤਰ ਦੇ ਸੰਪਰਕ ’ਚ ਆਉਣ ਨਾਲ ਮਨੁੱਖਾਂ ’ਚ ਫੈਲਦਾ ਹੈ। ਕੁਝ ਮਾਮਲਿਆਂ ’ਚ ਲਾਸਾ ਬੁਖ਼ਾਰ ਦੇ ਲੱਛਣ ਮਲੇਰੀਆ ਵਰਗੇ ਹੁੰਦੇ ਹਨ।
