ਨਵੀਂ ਦਿੱਲੀ : – ਹੁਣ ਤੁਹਾਡੀ ਮੈਗੀ ਨੂੰ ਵੀ ਮਹਿੰਗਾਈ ਦੀ ਮਾਰ ਪੈ ਗਈ ਹੈ। ਇਸ ਦੀ ਨਿਰਮਾਤਾ ਕੰਪਨੀ ਨੇਸਲੇ ਇੰਡੀਆ ਨੇ ਮੈਗੀ ਦੇ ਛੋਟੇ ਪੈਕ ਦੀ ਕੀਮਤ 12 ਰੁਪਏ ਤੋਂ ਵਧਾ ਕੇ 14 ਰੁਪਏ ਕਰ ਦਿੱਤੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਹਿੰਦੁਸਤਾਨ ਯੂਨੀਲੀਵਰ (HUL) ਅਤੇ Nestle ਨੇ 14 ਮਾਰਚ ਤੋਂ ਚਾਹ, ਕੌਫੀ ਅਤੇ ਦੁੱਧ ਦੀਆਂ ਕੀਮਤਾਂ ਵਧਾ ਦਿੱਤੀਆਂ ਹਨ। ਹਿੰਦੁਸਤਾਨ ਯੂਨੀਲੀਵਰ ਨੇ ਕਿਹਾ ਹੈ ਕਿ ਲਾਗਤ ਵਧਣ ਕਾਰਨ ਇਨ੍ਹਾਂ ਵਸਤੂਆਂ ਦੀਆਂ ਕੀਮਤਾਂ ਵਧਾਈਆਂ ਗਈਆਂ ਹਨ।
ਮੈਗੀ 2 ਰੁਪਏ ਮਹਿੰਗੀ ਹੋ ਗਈ ਹੈ ਨੈਸਲੇ ਇੰਡੀਆ ਨੇ ਘੋਸ਼ਣਾ ਕੀਤੀ ਹੈ ਕਿ ਉਸਨੇ ਅੱਜ ਤੋਂ ਮੈਗੀ ਦੀਆਂ ਕੀਮਤਾਂ ਵਿੱਚ 9 ਤੋਂ 16% ਤੱਕ ਦਾ ਵਾਧਾ ਕੀਤਾ ਹੈ। ਹੁਣ ਮੈਗੀ ਦੇ 70 ਗ੍ਰਾਮ ਦੇ ਪੈਕੇਟ ਲਈ 12 ਰੁਪਏ ਦੀ ਬਜਾਏ 14 ਰੁਪਏ ਦੇਣੇ ਪੈਣਗੇ। ਮੈਗੀ ਦੇ 140 ਗ੍ਰਾਮ ਪੈਕੇਟ ਦੀ ਕੀਮਤ ‘ਚ 1 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ 560 ਗ੍ਰਾਮ ਦੇ ਪੈਕ ਲਈ 96 ਰੁਪਏ ਦੀ ਬਜਾਏ 105 ਰੁਪਏ ਦੇਣੇ ਹੋਣਗੇ। ਇਸ ਤੋਂ ਇਲਾਵਾ ਬਰੂ ਕੌਫੀ, ਤਾਜ ਮਹਿਲ ਚਾਹ, ਬਰੂਕ ਬਾਂਡ ਚਾਹ ਦੀਆਂ ਕੀਮਤਾਂ ਵੀ ਵਧੀਆਂ ਹਨ।
Nestle ਨੇ ਵੀ ਇੱਕ ਲੀਟਰ A+ ਦੁੱਧ ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਹੈ। ਪਹਿਲਾਂ ਇਸ ਲਈ 75 ਰੁਪਏ ਦੀ ਬਜਾਏ ਹੁਣ 78 ਰੁਪਏ ਦੇਣੇ ਪੈਣਗੇ। Nescafe ਕਲਾਸਿਕ ਕੌਫੀ ਪਾਊਡਰ ਦੀਆਂ ਕੀਮਤਾਂ ਵਿੱਚ 3-7% ਦਾ ਵਾਧਾ ਹੋਇਆ ਹੈ।
ਇਸ ਦੇ ਨਾਲ ਹੀ 25 ਗ੍ਰਾਮ ਦਾ ਨੇਸਕੈਫੇ ਦਾ ਪੈਕ ਹੁਣ 2.5 ਫੀਸਦੀ ਮਹਿੰਗਾ ਹੋ ਗਿਆ ਹੈ। ਇਸ ਦੇ ਲਈ 78 ਰੁਪਏ ਦੀ ਬਜਾਏ ਹੁਣ 80 ਰੁਪਏ ਦੇਣੇ ਹੋਣਗੇ। ਇਸ ਦੇ ਨਾਲ ਹੀ 50 ਗ੍ਰਾਮ Nescafe Classic ਲਈ 145 ਰੁਪਏ ਦੀ ਬਜਾਏ 150 ਰੁਪਏ ਦੇਣੇ ਹੋਣਗੇ।