ਮਾਰੂਤੀ ਜਿਮਨੀ ਉਦੋਂ ਤੋਂ ਹੀ ਸੁਰਖੀਆਂ ਵਿੱਚ ਹੈ ਜਦੋਂ ਤੋਂ ਇਸਨੂੰ ਆਟੋ ਐਕਸਪੋ 2023 ਵਿੱਚ ਪੇਸ਼ ਕੀਤਾ ਗਿਆ ਸੀ। ਇਸ ਦੀ ਬੁਕਿੰਗ ਕੁਝ ਸਮੇਂ ਬਾਅਦ ਸ਼ੁਰੂ ਹੋ ਗਈ ਸੀ ਅਤੇ ਹੁਣ ਤੱਕ ਇਸ ਨੂੰ 23,000 ਤੋਂ ਵੱਧ ਬੁਕਿੰਗ ਮਿਲ ਚੁੱਕੀ ਹੈ ਜੋ ਤੇਜ਼ੀ ਨਾਲ ਵਧ ਰਹੀ ਹੈ।
ਮਾਰੂਤੀ ਜਿਮਨੀ ਨੂੰ ਸਿਰਫ਼ 25,000 ਰੁਪਏ ਦੀ ਅਗਾਊਂ ਰਕਮ ਅਦਾ ਕਰਕੇ ਆਨਲਾਈਨ ਜਾਂ ਕੰਪਨੀ ਦੀ ਡੀਲਰਸ਼ਿਪ ‘ਤੇ ਬੁੱਕ ਕੀਤਾ ਜਾ ਸਕਦਾ ਹੈ। ਹੁਣ ਖਬਰ ਹੈ ਕਿ ਜਿਮਨੀ SUV ਨੂੰ ਮਈ ਦੇ ਦੂਜੇ ਹਫਤੇ ਲਾਂਚ ਕੀਤਾ ਜਾ ਸਕਦਾ ਹੈ, ਇਸਦੀ ਤਰੀਕ ਦਾ ਪਤਾ ਨਹੀਂ ਹੈ। ਮਾਰੂਤੀ ਜਿਮਨੀ ਨੂੰ ਦੋ ਵੇਰੀਐਂਟਸ – Zeta ਅਤੇ Alpha ਦੇ ਵਿਕਲਪ ਵਿੱਚ ਪੇਸ਼ ਕੀਤਾ ਜਾਵੇਗਾ। ਇਸ ਵਿੱਚ 1.5-ਲੀਟਰ, 4 ਸਿਲੰਡਰ ਪੈਟਰੋਲ ਇੰਜਣ ਹੈ। ਇਹ ਇੰਜਣ 103 bhp ਦੀ ਪਾਵਰ ਅਤੇ 134.2 ਨਿਊਟਨ ਮੀਟਰ ਟਾਰਕ ਪ੍ਰਦਾਨ ਕਰਦਾ ਹੈ।
