ਪੇਰੂ ਦੀ ਮਸ਼ਹੂਰ ਨਾਜ਼ਕਾ ਲਾਈਨ ਦੇ ਕੋਲ ਦਰਦਨਾਕ ਹਾਦਸਾ ਵਾਪਰ ਗਿਆ ਹੈ। ਇਥੇ ਇੱਕ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ ਹੈ ਜਿਸ ਨਾਲ ਸੱਤ ਲੋਕਾਂ ਦੀ ਮੌਤ ਹੋ ਗਈ ਹੈ। ਮ੍ਰਿਤਕਾ ਵਿੱਚ ਚਾਲਕ ਦਲ ਦੇ ਦੋ ਮੈਂਬਰ ਵੀ ਸ਼ਾਮਿਲ ਹਨ। ਦਸਿਆ ਜਾ ਰਿਹਾ ਹੈ ਕਿ ਜਹਾਜ਼ ਸੈਲਾਨੀਆਂ ਨੂੰ ਨਾਜ਼ਕਾ ਲਾਈਨਜ਼ ਦੀ ਸੈਰ ਲਈ ਲੈ ਕੇ ਜਾ ਰਿਹਾ ਸੀ।
ਪੇਰੂ ਦੇ ਟਰਾਂਸਪੋਰਟ ਮੰਤਰਾਲੇ ਨੇ ਇਸ ਘਟਨਾ ਦੀ ਜਾਣਕਾਰੀ ਦਿੱਤੀ ਹੈ। ਪੇਰੂ ਦੇ ਇੱਕ ਸਰਕਾਰੀ ਅਧਿਕਾਰੀ ਨੇ ਦੱਸਿਆ ਕਿ ਹਾਦਸੇ ਦੌਰਾਨ ਜਹਾਜ਼ ਸ਼ਹਿਰ ਦੇ ਇੱਕ ਏਅਰਫੀਲਡ ਦੇ ਕੋਲ ਜਾ ਕੇ ਡਿਗਿਆ। ਇਸ ਦੇ ਨਾਲ ਹੀ ਜਹਾਜ਼ ਦੇ ਮਾਲਕ ਐਰੋ ਸੈਂਟੋਸ ਮੁਤਾਬਕ ਜਹਾਜ਼ ‘ਚ ਪਾਇਲਟ ਅਤੇ ਇਕ ਕੋ-ਪਾਇਲਟ ਸਮੇਤ ਕੁੱਲ 5 ਯਾਤਰੀ ਸਵਾਰ ਸਨ। ਦੋ ਯਾਤਰੀ ਚਿੱਲੀ ਦੇ ਸਨ।