ਭਾਰਤ ਦੀ ਡਬਲ ਓਲੰਪਿਕ ਤਮਗਾ ਜੇਤੂ ਸ਼ਟਲਰ ਪੀਵੀ ਸਿੰਧੂ ਨੇ ਸਿੰਗਾਪੁਰ ਓਪਨ ਸੁਪਰ 500 ਸੀਰੀਜ਼ ਦਾ ਖਿਤਾਬ ਜਿੱਤ ਲਿਆ ਹੈ। ਉਸ ਨੇ ਰੋਮਾਂਚਕ ਫਾਈਨਲ ਵਿੱਚ ਚੀਨ ਦੀ ਜ਼ੈਡਵਾਈ ਵਾਂਗ ਨੂੰ 21-9, 11-21, 21-15 ਨਾਲ ਹਰਾਇਆ। ਸਿੰਧੂ ਨੇ ਪਹਿਲੀ ਵਾਰ ਸਿੰਗਾਪੁਰ ਓਪਨ ਜਿੱਤਿਆ ਹੈ।
27 ਸਾਲਾ ਖਿਡਾਰਨ ਨੇ ਸਾਲ ਦਾ ਆਪਣਾ ਤੀਜਾ ਟੂਰ ਖਿਤਾਬ ਜਿੱਤਿਆ ਹੈ। ਇਸ ਤੋਂ ਪਹਿਲਾਂ ਹੈਦਰਾਬਾਦੀ ਖਿਡਾਰੀ ਸਈਅਦ ਮੋਦੀ ਅਤੇ ਸਵਿਸ ਓਪਨ ਜਿੱਤ ਚੁੱਕੇ ਹਨ। ਉਹ ਪਿਛਲੇ ਮਹੀਨੇ ਹੋਏ ਮਲੇਸ਼ੀਆ ਓਪਨ ਅਤੇ ਮਲੇਸ਼ੀਆ ਮਾਸਟਰਸ ਦੇ ਕੁਆਰਟਰ ਫਾਈਨਲ ਦੌਰ ‘ਚੋਂ ਬਾਹਰ ਹੋ ਗਈ ਸੀ।
ਪੀਵੀ ਸਿੰਧੂ ਸਿੰਗਾਪੁਰ ਓਪਨ ਜਿੱਤਣ ਵਾਲੀ ਤੀਜੀ ਖਿਡਾਰਨ ਬਣ ਗਈ ਹੈ। ਇਹ ਟਰਾਫੀ ਹਾਸਲ ਕਰਨ ਵਾਲੀ ਉਹ ਦੂਜੀ ਭਾਰਤੀ ਮਹਿਲਾ ਸ਼ਟਲਰ ਵੀ ਹੈ। ਉਸ ਤੋਂ ਪਹਿਲਾਂ ਸਾਇਨਾ ਨੇਹਵਾਲ 2010 ਅਤੇ ਸਾਈ ਪ੍ਰਣੀਤ 2017 ਵਿੱਚ ਇਹ ਖਿਤਾਬ ਜਿੱਤ ਚੁੱਕੀ ਹੈ।