ਸਮਾਰਟਫੋਨ ਬ੍ਰਾਂਡ ਸੈਮਸੰਗ ਨੇ ਆਪਣਾ ਨਵਾਂ 5G ਫੋਨ Samsung Galaxy M14 5G ਲਾਂਚ ਕਰ ਦਿੱਤਾ ਹੈ। ਇਸ ਫੋਨ ਨੂੰ 6.6 ਇੰਚ ਦੀ PLS LCD ਡਿਸਪਲੇਅ ਅਤੇ Exynos 1330 ਚਿਪਸੈੱਟ ਨਾਲ ਪੇਸ਼ ਕੀਤਾ ਗਿਆ ਹੈ। 6000mAh ਬੈਟਰੀ ਵਾਲੇ ਫੋਨ ‘ਚ ਫਾਸਟ ਚਾਰਜਿੰਗ ਸਪੋਰਟ ਮੌਜੂਦ ਹੈ।
Samsung Galaxy M14 5G ਅਜੇ ਯੂਕਰੇਨ ਵਿੱਚ ਲਾਂਚ ਕੀਤਾ ਗਿਆ ਹੈ। ਇਹ ਫ਼ੋਨ ਦੋ ਸਟੋਰੇਜ ਵੇਰੀਐਂਟਸ ਵਿੱਚ ਆਉਂਦਾ ਹੈ, 4GB RAM ਦੇ ਨਾਲ 64GB ਸਟੋਰੇਜ਼ ਦੀ ਕੀਮਤ UAH 8,299 (ਲਗਭਗ 18,300 ਰੁਪਏ) ਅਤੇ 4GB RAM 128GB ਸਟੋਰੇਜ ਦੇ ਨਾਲ UAH 8,999 (ਲਗਭਗ 20,000 ਰੁਪਏ) ਦੀ ਕੀਮਤ ਹੈ। ਹਾਲਾਂਕਿ ਸੈਮਸੰਗ ਨੇ ਅਜੇ ਤੱਕ ਇਸ ਫੋਨ ਨੂੰ ਭਾਰਤ ਅਤੇ ਹੋਰ ਦੇਸ਼ਾਂ ‘ਚ ਲਾਂਚ ਕਰਨ ਦਾ ਐਲਾਨ ਨਹੀਂ ਕੀਤਾ ਹੈ।
Galaxy M14 5G ਦੇ ਕੈਮਰਾ ਸੈੱਟਅਪ ਦੀ ਗੱਲ ਕਰੀਏ ਤਾਂ ਫੋਨ ‘ਚ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਮੌਜੂਦ ਹੈ, ਜਿਸ ‘ਚ ਪ੍ਰਾਇਮਰੀ ਕੈਮਰਾ 50-ਮੈਗਾਪਿਕਸਲ f/1.8 ਅਪਰਚਰ ਨਾਲ ਆਉਂਦਾ ਹੈ। ਸੈਕੰਡਰੀ ਕੈਮਰਾ 2-ਮੈਗਾਪਿਕਸਲ ਦਾ ਡੈਪਥ ਸੈਂਸਰ ਹੈ ਅਤੇ ਤੀਜਾ ਸੈਂਸਰ 2-ਮੈਗਾਪਿਕਸਲ ਦਾ ਮੈਕਰੋ ਕੈਮਰਾ ਹੈ। ਸੈਲਫੀ ਲਈ ਫੋਨ ‘ਚ 13 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਮਿਲਦਾ ਹੈ।