ਬੀਤੇ ਦਿਨੀ ਆਸਟ੍ਰੇਲੀਆ ਦੇ ਸਪਿਨ ਗੇਂਦਬਾਜ਼ ਸ਼ੇਨ ਵਾਰਨ ਦਾ ਦਿਹਾਂਤ ਹੋ ਗਿਆ ਹੈ। ਵਾਰਨਰ ਦੇ ਪ੍ਰਬੰਧਨ ਨੇ ਇਕ ਬਿਆਨ ਵਿਚ ਪੁਸ਼ਟੀ ਕੀਤੀ ਹੈ ਕਿ ਸ਼ੇਨ ਵਾਰਨ ਥਾਈਲੈਂਡ ‘ਚ ਬੇਹੋਸ਼ ਪਾਏ ਗਏ ਸਨ ਜਿਸ ਤੋਂ ਬਾਅਦ ਮੈਡੀਕਲ ਟੀਮਾਂ ਨੇ ਉਨ੍ਹਾਂ ਨੂੰ ਬਚਾਉਣ ਦੀ ਬਹੁਤ ਕੋਸ਼ਿਸ਼ ਕੀਤੀ ਪਰ ਉਨ੍ਹਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਉਨ੍ਹਾਂ ਦਾ ਦਿਹਾਂਤ ਦਿਲ ਦਾ ਦੌਰਾ ਪੈਣ ਕਾਰਨ ਹੋਇਆ। ਇਹ ਖਬਰ ਸਾਹਮਣੇ ਆਉਂਦੇ ਹੀ ਕ੍ਰਿਕਟ ਜਗਤ ‘ਚ ਸੋਗ ਦੀ ਲਹਿਰ ਦੌੜ ਗਈ। ਕ੍ਰਿਕਟ ਜਗਤ ਦੇ ਸਟਾਰ ਖਿਡਾਰੀਆਂ ਵੱਲੋਂ ਸੋਸ਼ਲ ਮੀਡੀਆ ‘ਤੇ ਪੋਸਟ ਸ਼ੇਅਰ ਕਰਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੱਤੀ ਜਾ ਰਹੀ ਹੈ।
ਭਾਰਤ ਦੇ ਸਾਬਕਾ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਨੇ ਸ਼ੇਨ ਵਾਰਨ ਦੀ ਫੋਟੋ ਪੋਸਟ ਕੀਤੀ ਅਤੇ ਲਿਖਿਆ- ਯਕੀਨ ਨਹੀਂ ਆ ਰਿਹਾ। ਮਹਾਨ ਸਪਿਨਰਾਂ ਵਿੱਚੋਂ ਇੱਕ, ਜਿਸ ਨੇ ਸਪਿਨ ਨੂੰ ਸ਼ਾਨਦਾਰ ਬਣਾਇਆ, ਸੁਪਰਸਟਾਰ ਸ਼ੇਨ ਵਾਰਨ ਨਹੀਂ ਰਹੇ। ਉਨ੍ਹਾਂ ਦੇ ਪਰਿਵਾਰ, ਦੋਸਤਾਂ ਅਤੇ ਦੁਨੀਆ ਭਰ ਦੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਪ੍ਰਤੀ ਮੇਰੀ ਸੰਵੇਦਨਾ।
ਕ੍ਰਿਕੇਟ ਦੇ ਦਿੱਗਜ ਖਿਡਾਰੀ ਸਚਿਨ ਤੇਂਦੁਲਕਰ ਨੇ ਸ਼ੇਨ ਵਾਰਨ ਲਈ ਲਿਖਿਆ- ‘ਤੁਹਾਨੂੰ ਯਾਦ ਕਰਾਂਗੇ ਵਾਰਨੀ’। ਤੁਹਾਡੇ ਨਾਲ ਮੈਦਾਨ ‘ਤੇ ਜਾਂ ਬਾਹਰ ਬਿਤਾਏ ਸਭ ਪਲ ਸ਼ਾਨਦਾਰ ਸਨ। ਭਾਰਤ ਅਤੇ ਭਾਰਤੀਆਂ ਲਈ ਤੁਹਾਡੇ ਮਨ ਵਿੱਚ ਹਮੇਸ਼ਾ ਇੱਕ ਵਿਸ਼ੇਸ਼ ਸਥਾਨ ਸੀ। ਸਾਡੇ ਲਈ ਤੁਹਾਡਾ ਪਿਆਰ ਭੁੱਲ ਨਹੀਂ ਸਕਦਾ।
ਸਾਬਕਾ ਭਾਰਤੀ ਕਪਤਾਨ ਵਿਰਾਟ ਨੇ ਵਾਰਨ ਲਈ ਆਪਣੇ ਟਵੀਟ ‘ਚ ਲਿਖਿਆ, ‘ਜ਼ਿੰਦਗੀ ਕਿੰਨੀ ਅਸਥਿਰ ਹੈ। ਇੱਕ ਮਹਾਨ ਖਿਡਾਰੀ ਦੇ ਗੁਜ਼ਰਨ ‘ਤੇ ਵਿਸ਼ਵਾਸ ਨਹੀਂ ਹੋ ਰਿਹਾ, ਜਿਸ ਨੂੰ ਮੈਂ ਮੈਦਾਨ ਤੋਂ ਬਾਹਰ ਵੀ ਜਾਣਦਾ ਸੀ, ਕ੍ਰਿਕਟ ਗੇਂਦ ਨੂੰ ਸਪਿਨ ਕਰਨ ਵਾਲੇ ਮਹਾਨ ਖਿਡਾਰੀ ਤੁਸੀਂ ਯਾਦ ਆਉਗੇ।
ਭਾਰਤ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਇਰਫਾਨ ਪਠਾਨ ਨੇ ਲਿਖਿਆ- ਸ਼ੇਨ ਵਾਰਨ ਦਰਸ਼ਕਾਂ ਨੂੰ ਆਕਰਸ਼ਿਤ ਕਰਨ ਵਾਲਾ ਸੀ। ਗੇਂਦ ਦਾ ਜਾਦੂਗਰ। ਆਸਟ੍ਰੇਲੀਆਈ ਕ੍ਰਿਕਟ ਦਾ ਮਹਾਨ ਖਿਡਾਰੀ ਅਤੇ ਪਹਿਲਾ ਆਈਪੀਐਲ ਜੇਤੂ ਕਪਤਾਨ। ਉਸ ਨੂੰ ਯਾਦ ਕੀਤਾ ਜਾਵੇਗਾ, ਉਹ ਹਮੇਸ਼ਾ ਯਾਦ ਆਉਣਗੇ।
ਦਿਨੇਸ਼ ਕਾਰਤਿਕ ਨੇ ਲਿਖਿਆ- ਸ਼ੇਨ ਵਾਰਨ…. ਸੱਚਮੁੱਚ। ਕਹਿ ਦਿਓ ਕਿ ਇਹ ਝੂਠ ਹੈ।