ਨਵੀਂ ਦਿੱਲੀ : -ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਚੋਣ ਰੈਲੀਆਂ ਅਤੇ ਭਾਸ਼ਣਾਂ ਵਿੱਚ ਹਮੇਸ਼ਾ ਲੋਕਾਂ ਨੂੰ ਦੋਸਤ ਸ਼ਬਦ ਨਾਲ ਸੰਬੋਧਨ ਕਰਦੇ ਹਨ। ਕਾਂਗਰਸ ਦੇ ਸੰਸਦ ਮੈਂਬਰ ਸ਼ਸ਼ੀ ਥਰੂਰ ਨੇ ਪ੍ਰਧਾਨ ਮੰਤਰੀ ‘ਤੇ ‘ਓ ਮਿਤਰੋਂ’ ਸ਼ਬਦ ਨੂੰ ਲੈ ਕੇ ਤਾਅਨਾ ਮਾਰਿਆ ਹੈ। ਇਸ਼ਾਰਿਆਂ ‘ਚ ਪੀਐੱਮ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਥਰੂਰ ਨੇ ਕਿਹਾ ਕਿ ‘ਓ ਮਿਤਰੋਂ’ ਕੋਰੋਨਾ ਦੇ ਓਮੀਕਰੋਂਨ ਵੇਰੀਐਂਟ ਤੋਂ ਜ਼ਿਆਦਾ ਖਤਰਨਾਕ ਹੈ। ਕਾਂਗਰਸ ਸਾਂਸਦ ਨੇ ਕਿਹਾ ਕਿ ‘ਓ ਮਿਤਰੋਂ’ ਅਜਿਹਾ ਖਤਰਨਾਕ ਵਾਇਰਸ ਹੈ ਜਿਸ ਦਾ ਕੋਈ ਤੋੜ ਨਹੀਂ ਹੈ।
ਸ਼ਸ਼ੀ ਥਰੂਰ ਨੇ ਸੋਮਵਾਰ ਨੂੰ ਟਵੀਟ ਕੀਤਾ ਅਤੇ ਕਿਹਾ – ‘ਓ ਮਿਤਰੋਂ’ ਓਮੀਕਰੋਂਨ ਤੋਂ ਜ਼ਿਆਦਾ ਖਤਰਨਾਕ ਹੈ। ਇਸ ਦੇ ਨਤੀਜੇ ਵੀ ਅਸੀਂ ਭੁਗਤ ਰਹੇ ਹਾਂ। ਹਰ ਦਿਨ ਫਿਰਕਾਪ੍ਰਸਤੀ, ਧਰੁਵੀਕਰਨ ਅਤੇ ਨਫ਼ਰਤ ਵਧ ਰਹੀ ਹੈ। ਸੰਵਿਧਾਨ ਅਤੇ ਲੋਕਤੰਤਰ ਨੂੰ ਕਮਜ਼ੋਰ ਕੀਤਾ ਜਾ ਰਿਹਾ ਹੈ। ਇਸ ਵਾਇਰਸ ਦਾ ਕੋਈ ਹਲਕਾ ਰੂਪ ਨਹੀਂ ਹੈ।