ਸਾਲ 2022 ਦਾ ਦੂਜਾ ਅਤੇ ਆਖਰੀ ਸੂਰਜ ਗ੍ਰਹਿਣ ਦੀਵਾਲੀ ਦੇ ਅਗਲੇ ਦਿਨ ਯਾਨੀ 25 ਅਕਤੂਬਰ ਨੂੰ ਲੱਗਣ ਜਾ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਭਾਰਤ ਵਿੱਚ ਦਿਖਾਈ ਦੇਣ ਵਾਲਾ ਪਹਿਲਾ ਅਤੇ ਆਖਰੀ ਸੂਰਜ ਗ੍ਰਹਿਣ ਹੋਵੇਗਾ। ਇਸ ਸਾਲ ਵਿਚ ਇਸ ਤੋਂ ਪਹਿਲਾਂ ਲੱਗੇ ਸੂਰਜ ਗ੍ਰਹਿਣ ਭਾਰਤ ਵਿੱਚ ਦਿਖਾਈ ਨਹੀਂ ਦਿੱਤੇ ਸਨ, ਅਤੇ ਨਾ ਹੀ ਉਨ੍ਹਾਂ ਦੇ ਸੂਤਕ ਕਾਲ ਜਾਇਜ਼ ਸਨ। ਜੇ ਸੂਰਜ ਗ੍ਰਹਿਣ ਦੇ ਸਮੇ ਦੀ ਗੱਲ ਕਰੀਏ ਤਾਂ ਇਹ ਸੂਰਜ ਗ੍ਰਹਿਣ 25 ਅਕਤੂਬਰ ਨੂੰ ਦੁਪਹਿਰ 2:32 ਵਜੇ ਸ਼ੁਰੂ ਹੋਵੇਗਾ ਅਤੇ ਸ਼ਾਮ 6:29 ਵਜੇ ਤੱਕ ਰਹੇਗਾ। ਸੂਰਜ ਗ੍ਰਹਿਣ ਦੀ ਕੁੱਲ ਮਿਆਦ 04:03 ਮਿੰਟ ਤੱਕ ਦੀ ਹੋਵੇਗੀ
ਇਸ ਗ੍ਰਹਿਣ ਦਾ ਅਸਰ ਅੰਸ਼ਕ ਤੌਰ ‘ਤੇ ਭਾਰਤ ‘ਚ ਰਹੇਗਾ। ਇਹ ਗ੍ਰਹਿਣ ਨਵੀਂ ਦਿੱਲੀ, ਕੋਲਕਾਤਾ, ਬੈਂਗਲੁਰੂ, ਚੇਨਈ, ਵਾਰਾਣਸੀ, ਉਜੈਨ, ਮਥੁਰਾ, ਹੇਲਸਿੰਕੀ, ਤਹਿਰਾਨ, ਕਾਬੁਲ, ਮਾਸਕੋ, ਇਸਲਾਮਾਬਾਦ ਅਤੇ ਬਗਦਾਦ ਵਿੱਚ ਦਿਖਾਈ ਦੇਵੇਗਾ। ਇਹ ਗ੍ਰਹਿਣ ਪਾਕਿਸਤਾਨ, ਯੂਰਪ, ਅਫਗਾਨਿਸਤਾਨ ਅਤੇ ਅਫਰੀਕਾ ਦੇ ਕੁਝ ਦੇਸ਼ਾਂ ਵਿੱਚ ਲੰਬੇ ਸਮੇਂ ਤੱਕ ਦਿਖਾਈ ਦੇਵੇਗਾ। ਦਸ ਦਈਏ ਕਿ ਇਹ ਗ੍ਰਹਿਣ ਦੱਖਣ-ਪੂਰਬੀ ਅਫ਼ਰੀਕਾ, ਪੂਰਬੀ ਏਸ਼ੀਆ, ਉੱਤਰੀ ਅਮਰੀਕਾ, ਆਸਟ੍ਰੇਲੀਆ ਅਤੇ ਦੱਖਣੀ ਅਮਰੀਕਾ ਦੇ ਮਹਾਂਦੀਪਾਂ ਵਿੱਚ ਦਿਖਾਈ ਨਹੀਂ ਦੇਵੇਗਾ।