ਟਿਆਗੋ, ਪੰਚ ਅਤੇ ਹੈਰੀਅਰ ਵਰਗੇ ਵੱਖ-ਵੱਖ ਮਾਡਲ ਵੇਚਣ ਵਾਲੀ ਵੱਡੀ ਕੰਪਨੀ ਟਾਟਾ ਮੋਟਰਸ 19 ਜਨਵਰੀ ਤੋਂ ਵਾਹਨਾਂ ਦੀਆਂ ਕੀਮਤਾਂ ’ਚ ਵਾਧਾ ਕਰਨ ਜਾ ਰਹੀ ਹੈ। ਇਸ ਗੱਲ ਦੀ ਜਾਣਕਾਰੀ ਟਾਟਾ ਮੋਟਰਸ ਵੱਲੋਂ ਮੰਗਲਵਾਰ ਨੂੰ ਦਿੱਤੀ ਗਈ ਟਾਟਾ ਮੋਟਰਸ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਹ ਆਪਣੇ ਯਾਤਰੀ ਵਾਹਨਾਂ ਦੀਆਂ ਕੀਮਤਾਂ ’ਚ 19 ਜਨਵਰੀ ਤੋਂ ਔਸਤਨ 0.9 ਫੀਸਦੀ ਦਾ ਵਾਧਾ ਕਰੇਗੀ ਤਾਂ ਜੋ ਲਾਗਤ ’ਚ ਹੋਏ ਵਾਧੇ ਦੀ ਆਂਸ਼ਿਕ ਰੂਪ ਨਾਲ ਭਰਾਈ ਕੀਤੀ ਜਾ ਸਕੇ।
ਟਾਟਾ ਮੋਟਰਸ ਨੇ ਕਿਹਾ, ‘ਕੰਪਨੀ ਵਧੀ ਹੋਈ ਲਾਗਤ ਦੇ ਇਕ ਮਹੱਤਵਪੂਰਨ ਹਿੱਸੇ ਨੂੰ ਖੁਦ ਸਮਾਯੋਜਿਤ ਕਰ ਰਹੀ ਹੈ ਪਰ ਕੁੱਲ ਲਾਗਤ ’ਚ ਤੇਜ ਵਾਧੇ ਨੇ ਉਸ ਨੂੰ ਘੱਟੋ-ਘੱਟ ਕੀਮਤ ਵਾਧੇ ਰਾਹੀਂ ਕੁਝ ਭਾਰ ਗਾਹਕਾਂ ’ਤੇ ਪਾਉਣ ਲਈ ਮਜਬੂਰ ਕੀਤਾ ਹੈ।’ ਟਾਟਾ ਮੋਟਰਸ ਨੇ ਕਿਹਾ ਕਿ 18 ਜਨਵਰੀ 2022 ਨੂੰ ਜਾਂ ਇਸਤੋਂ ਪਹਿਲਾਂ ਬੁੱਕ ਕੀਤੀਆਂ ਗਈਆਂ ਕਾਰਾਂ ’ਤੇ ਕੀਮਤਾਂ ’ਚ ਵਾਧੇ ਦਾ ਕੋਈ ਅਸਰ ਨਹੀਂ ਹੋਵੇਗਾ।