Tata Motors ਨੇ Nexon EV Max ਦਾ ਡਾਰਕ ਐਡੀਸ਼ਨ ਭਾਰਤ ਵਿੱਚ ਲਾਂਚ ਕੀਤਾ ਹੈ, ਇਸ ਨੂੰ ਦੋ ਵੇਰੀਐਂਟਸ – XZ+ Lux ਅਤੇ XZ+ Lux (7.2 kW AC) ਵਿੱਚ ਪੇਸ਼ ਕੀਤਾ ਗਿਆ ਹੈ। ਇਨ੍ਹਾਂ ਦੀ ਕੀਮਤ ਕ੍ਰਮਵਾਰ 19.04 ਲੱਖ ਰੁਪਏ ਅਤੇ 19.54 ਲੱਖ ਰੁਪਏ (ਐਕਸ-ਸ਼ੋਰੂਮ, ਭਾਰਤ) ਰੱਖੀ ਗਈ ਹੈ। ਟਾਟਾ ਨੈਕਸਨ ਈਵੀ ਮੈਕਸ ਡਾਰਕ ਦੀ ਗੱਲ ਕਰੀਏ ਤਾਂ ਇਸ ਨੂੰ ਸਿਗਨੇਚਰ ਮਿਡਨਾਈਟ ਬਲੈਕ ਕਲਰ ‘ਚ ਲਿਆਂਦਾ ਗਿਆ ਹੈ। ਇਸ ਵਿੱਚ ਚਾਰਕੋਲ ਗ੍ਰੇ ਅਲਾਏ ਵ੍ਹੀਲ, ਸਾਟਿਨ ਬਲੈਕ ਹਿਊਮਨਿਟੀ ਲਾਈਨ, ਪ੍ਰੋਜੈਕਟਰ ਹੈੱਡਲਾਈਟ, ਟ੍ਰਾਈ-ਐਰੋ ਸਿਗਨੇਚਰ LED ਟੇਲ ਲਾਈਟ, ਫੈਂਡਰ ‘ਤੇ #DARK ਮਾਸਕੌਟ ਮਿਲਦਾ ਹੈ।
ਇਸ ਦੇ ਨਾਲ ਹੀ ਇਸ ‘ਚ ਸ਼ਾਰਕ ਫਿਨ ਐਂਟੀਨਾ, ਰੂਫ ਰੇਲਜ਼ ਦਿੱਤੀ ਗਈ ਹੈ। ਇੰਟੀਰੀਅਰ ਨੂੰ ਡਾਰਕ ਥੀਮ ਪੈਕ, ਗਲੋਸੀ ਪਿਆਨੋ ਬਲੈਕ ਡੈਸ਼ਬੋਰਡ, ਡਾਰਕ ਥੀਮ ਡੋਰ ਟ੍ਰਿਮ, ਡਾਰਕ ਥੀਮ ਲੈਦਰ ਸੀਟ ਅਪਹੋਲਸਟ੍ਰੀ, ਈਵੀ ਬਲੂ ਹਾਈਲਾਈਟ ਸਟੀਚ, ਲੈਦਰ ਸਟੀਅਰਿੰਗ ਵ੍ਹੀਲ ਮਿਲਦਾ ਹੈ। Tata Nexon EV Max Dark ਵਿੱਚ HD ਡਿਸਪਲੇਅ ਦੇ ਨਾਲ 10.25-ਇੰਚ ਟੱਚਸਕ੍ਰੀਨ ਇੰਫੋਟੇਨਮੈਂਟ, ਐਂਡਰਾਇਡ ਆਟੋ ਅਤੇ ਐਪਲ ਕਾਰਪਲੇ ਸਪੋਰਟ, 6 ਖੇਤਰੀ ਭਾਸ਼ਾਵਾਂ ਵਿੱਚ ਵੌਇਸ ਅਸਿਸਟੈਂਟ, ਐਚਡੀ ਰਿਅਰ ਵਿਊ ਕੈਮਰਾ, ਏਅਰ ਪਿਊਰੀਫਾਇਰ, ਵਾਇਰਲੈੱਸ ਸਮਾਰਟਫੋਨ ਚਾਰਜਰ ਦੀਆਂ ਵਿਸ਼ੇਸ਼ਤਾਵਾਂ ਹਨ। ਇਸ ਦੇ ਨਾਲ ਹੀ ਆਟੋਹੋਲਡ ਦੇ ਨਾਲ ਇਲੈਕਟ੍ਰਾਨਿਕ ਪਾਰਕਿੰਗ ਬ੍ਰੇਕ, ਸਾਹਮਣੇ ਹਵਾਦਾਰ ਸੀਟਾਂ, ਆਟੋ ਡਿਮਿੰਗ IRVM, ਇਲੈਕਟ੍ਰਿਕ ਸਨਰੂਫ, ਆਟੋ ਹੈੱਡਲਾਈਟ, ਰੇਨ ਸੈਂਸਿੰਗ ਵਾਈਪਰ, ਕੂਲਡ ਗਲੋਵਬਾਕਸ, ਰੀਅਰ ਏਸੀ ਵੈਂਟਸ, ਪੁਸ਼ ਬਟਨ ਸਟਾਰਟ/ਸਟਾਪ, 4 ਸਪੀਕਰ ਦਿੱਤੇ ਗਏ ਹਨ।
