ਬੈਂਕਾਕ : – ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਪੀਵੀ ਸਿੰਧੂ ਅਤੇ ਥਾਮਸ ਕੱਪ ਜੇਤੂ ਟੀਮ ਦੇ ਮੈਂਬਰ ਕਿਦਾਂਬੀ ਸ਼੍ਰੀਕਾਂਤ ਥਾਈਲੈਂਡ ਓਪਨ ਦੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਪਹੁੰਚ ਗਏ ਹਨ। ਇਸ ਦੇ ਨਾਲ ਹੀ ਸਾਬਕਾ ਚੈਂਪੀਅਨ ਸਾਇਨਾ ਨੇਹਵਾਲ ਪਹਿਲੇ ਦੌਰ ‘ਚ ਹਾਰ ਕੇ ਬਾਹਰ ਹੋ ਗਈ। ਸਿੰਧੂ ਅਤੇ ਕਿਦਾਂਬੀ ਤੋਂ ਇਲਾਵਾ ਮਾਲਵਿਕਾ ਬੰਸੋਲ ਵੀ ਦੂਜੇ ਦੌਰ ‘ਚ ਪਹੁੰਚ ਗਈ ਹੈ।
ਸਿੰਧੂ ਨੇ ਅਮਰੀਕਾ ਦੀ ਲੋਰੇਮ ਲੈਮ ਨੂੰ 21-19, 18-21, 21-18 ਨਾਲ ਹਰਾਇਆ। ਸਿੰਧੂ ਅਤੇ ਲੋਰੇਮ ਜਨਵਰੀ ਤੋਂ ਲੈ ਕੇ ਹੁਣ ਤੱਕ ਤਿੰਨ ਵਾਰ ਇੱਕ ਦੂਜੇ ਦਾ ਸਾਹਮਣਾ ਕਰ ਚੁੱਕੇ ਹਨ। ਸਿੰਧੂ ਨੇ ਤਿੰਨੋਂ ਜਿੱਤੇ ਹਨ। ਹੁਣ ਪ੍ਰੀ-ਕੁਆਰਟਰ ਫਾਈਨਲ ‘ਚ ਉਨ੍ਹਾਂ ਦਾ ਸਾਹਮਣਾ ਡੀ. ਕੋਰੀਆ ਦਾ ਸਿਮ ਯੂ ਜਿਨ ਦਾ ਹੋਵੇਗਾ।
ਭਾਰਤੀ ਟੀਮ ਦਾ ਹਿੱਸਾ ਰਹੇ ਕਿਦਾਂਬੀ ਸ਼੍ਰੀਕਾਂਤ ਨੇ ਬੁੱਧਵਾਰ ਨੂੰ ਥਾਈਲੈਂਡ ਓਪਨ ਦਾ ਆਪਣਾ ਪਹਿਲਾ ਮੈਚ ਫਰਾਂਸ ਦੇ ਬ੍ਰਾਈਸ ਲੇਵਰਡੇਜ਼ ਨੂੰ ਹਰਾ ਕੇ ਮੁਕਾਬਲੇ ਤੋਂ ਬਾਹਰ ਕਰ ਦਿੱਤਾ। ਇੰਪੈਕਟ ਏਰੀਨਾ ‘ਚ ਹੋਏ ਮੈਚ ‘ਚ ਸ਼੍ਰੀਕਾਂਤ ਨੇ ਪਹਿਲੀ ਗੇਮ 18-21 ਨਾਲ ਹਾਰਨ ਤੋਂ ਬਾਅਦ 21-10, 21-16 ਨਾਲ ਵਾਪਸੀ ਕਰਦੇ ਹੋਏ ਥਾਈਲੈਂਡ ਓਪਨ ਦੇ ਸ਼ੁਰੂਆਤੀ ਦੌਰ ‘ਚ ਜਿੱਤ ਦਰਜ ਕੀਤੀ।
ਸਾਇਨਾ ਨੂੰ ਮਹਿਲਾ ਸਿੰਗਲਜ਼ ਦੇ ਪਹਿਲੇ ਦੌਰ ਵਿੱਚ ਕੋਰੀਆ ਦੀ ਕਿਮ ਗਾ-ਏਯੂਮ ਤੋਂ 21-11, 15-21, 17-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਦੇ ਨਾਲ ਹੀ ਮਾਲਵਿਕਾ ਬੰਸੋਦ ਆਪਣੇ ਪਹਿਲੇ ਦੌਰ ਦਾ ਮੈਚ ਜਿੱਤਣ ‘ਚ ਸਫਲ ਰਹੀ। ਮਾਲਵਿਕਾ ਨੇ ਮਾਰੀਆ ਅਲਟੀਨਾ ਨੂੰ ਤਿੰਨ ਗੇਮਾਂ ਤੱਕ ਚੱਲੇ ਮੁਕਾਬਲੇ ਵਿੱਚ 17-21, 21-15, 21-11 ਨਾਲ ਹਰਾਇਆ।
ਮਹਿਲਾ ਸਿੰਗਲਜ਼ ਵਿੱਚ ਅਸ਼ਮਿਤਾ ਚਲੀਹਾ ਅਤੇ ਆਕਰਸ਼ੀ ਕਸ਼ਯਪ ਦੀ ਜੋੜੀ ਨੂੰ ਪਹਿਲੇ ਦੌਰ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਅਸ਼ਮਿਤਾ ਨੂੰ ਵਿਸ਼ਵ ਦੀ ਸੱਤਵੇਂ ਨੰਬਰ ਦੀ ਬੈਡਮਿੰਟਨ ਖਿਡਾਰੀ ਥਾਈਲੈਂਡ ਦੀ ਰਤਚਾਨੋਕ ਇੰਤਾਨੋਨ ਤੋਂ 10-21, 15-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਜਦਕਿ ਆਕਰਸ਼ੀ ਕਸ਼ਯਪ ਨੂੰ ਵੀ ਕੈਨੇਡਾ ਦੀ ਮਿਸ਼ੇਲ ਲੀ ਤੋਂ 13-21, 18-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਅਤੇ ਉਹ ਪਹਿਲੇ ਦੌਰ ‘ਚ ਹੀ ਬਾਹਰ ਹੋ ਗਈ।