ਉੱਤਰ ਪ੍ਰਦੇਸ਼ ਦੇ ਬਾਰਾਬੰਕੀ ਜ਼ਿਲ੍ਹੇ ਵਿੱਚ ਇੱਕ ਵੱਡਾ ਸੜਕ ਹਾਦਸਾ ਵਾਪਰਿਆ ਹੈ। ਇਸ ਹਾਦਸੇ ‘ਚ ਦੋ ਬੱਚਿਆਂ ਸਮੇਤ 6 ਲੋਕਾਂ ਦੀ ਦਰਦਨਾਕ ਮੌਤ ਹੋ ਗਈ ਹੈ। ਇਹ ਹਾਦਸਾ ਹਾਈਵੇਅ ‘ਤੇ ਪਹਿਲਾਂ ਤੋਂ ਖੜ੍ਹੇ ਕੰਟੇਨਰ ਵਿਚ ਕਾਰ ਵੱਜਣ ਨਾਲ ਵਾਪਰਿਆ। ਕਾਰ ਕੰਟੇਨਰ ਦੇ ਪਿਛਲੇ ਹਿੱਸੇ ਨਾਲ ਟਕਰਾ ਗਈ। ਟੱਕਰ ਇੰਨੀ ਤੇਜ਼ ਸੀ ਕਿ ਕਾਰ ਦੇ ਪਰਖੱਚੇ ਉੱਡ ਗਏ।
ਇਹ ਹਾਦਸਾ ਬੁੱਧਵਾਰ ਤੜਕੇ 3 ਵਜੇ ਦੇ ਕਰੀਬ ਅਯੁੱਧਿਆ-ਲਖਨਊ ਹਾਈਵੇਅ ‘ਤੇ ਰਾਮਸਨੇਹੀਘਾਟ ਕੋਤਵਾਲੀ ਖੇਤਰ ਦੇ ਨਰਾਇਣਪੁਰ ਨੇੜੇ ਵਾਪਰਿਆ। ਮਰਨ ਵਾਲਿਆਂ ਵਿੱਚ ਪੱਟਰਗਾ ਥਾਣਾ ਖੇਤਰ ਦੇ ਰਹਿਣ ਵਾਲੇ ਇੱਕ ਪਤੀ-ਪਤਨੀ ਅਤੇ ਦੋ ਬੱਚੇ ਅਤੇ ਰੂਧੌਲੀ ਥਾਣਾ ਖੇਤਰ ਦੇ ਰਹਿਣ ਵਾਲੇ ਦੋ ਸਕੇ ਭਰਾ ਸ਼ਾਮਲ ਹਨ। ਪੁਲਸ ਘਟਨਾ ਵਾਲੀ ਜਗ੍ਹਾ ਤੇ ਮੌਕੇ ‘ਤੇ ਪਹੁੰਚੀ ਅਤੇ ਲਾਸ਼ਾਂ ਨੂੰ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।
ਹਾਦਸੇ ਵਿੱਚ ਅਜੈ ਕੁਮਾਰ ਯਾਦਵ (25) ਪੁੱਤਰ ਬੰਸ਼ੀਲਾਲ, ਅਜੈ ਕੁਮਾਰ ਵਰਮਾ (34) ਪੁੱਤਰ ਬਿਪਤ ਵਰਮਾ ਅਤੇ ਉਸ ਦਾ ਭਰਾ ਰਾਮ ਜਨਮਾ (28), ਪਤਨੀ ਸਪਨਾ (28), ਪੁੱਤਰ ਆਰੀਅਨ (8) ਅਤੇ ਯਸ਼ (10) ਸ਼ਾਮਿਲ ਹਨ
