ਉੱਤਰ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ 7 ਅਤੇ 8 ਫਰਵਰੀ ਨੂੰ 2 ਦਿਨਾਂ ਦੇ ਦੌਰੇ ‘ਤੇ ਲਖਨਊ ਆ ਰਹੀ ਹੈ। ਮਮਤਾ ਦੀਦੀ ਅੱਜ ਸ਼ਾਮ ਲਖਨਊ ਪਹੁੰਚੇਗੀ ਅਤੇ ਭਲਕੇ ਅਖਿਲੇਸ਼ ਯਾਦਵ ਨਾਲ ਸਾਂਝੀ ਪ੍ਰੈਸ ਕਾਨਫਰੰਸ ਅਤੇ ਵਰਚੁਅਲ ਰੈਲੀ ਵੀ ਕਰੇਗੀ।
ਦਸ ਦਈਏ ਕਿ ਪੱਛਮੀ ਬੰਗਾਲ ਦੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ ਅਖਿਲੇਸ਼ ਯਾਦਵ ਨੇ ਮਮਤਾ ਬੈਨਰਜੀ ਦੀ ਪਾਰਟੀ ਟੀਐਮਸੀ ਨੂੰ ਆਪਣਾ ਸਮਰਥਨ ਦਿੱਤਾ ਸੀ। ਹਾਲਾਂਕਿ ਅਖਿਲੇਸ਼ ਚੋਣ ਪ੍ਰਚਾਰ ਲਈ ਬੰਗਾਲ ਨਹੀਂ ਗਏ ਸਨ। ਮਮਤਾ ਦਾ ਯੂਪੀ ਵਿੱਚ ਕੋਈ ਜਨ ਆਧਾਰ ਨਹੀਂ ਹੈ, ਪਰ ਜਿਸ ਤਰੀਕੇ ਨਾਲ ਭਾਜਪਾ ਦੇ ਸਾਰੇ ਵੱਡੇ ਚਿਹਰੇ ਯੂਪੀ ਵਿੱਚ ਰੈਲੀਆਂ, ਚੌਪਾਲਾਂ ਅਤੇ ਘਰ-ਘਰ ਪ੍ਰਚਾਰ ਕਰਕੇ ਮਾਹੌਲ ਬਣਾ ਰਹੇ ਹਨ। ਅਖਿਲੇਸ਼ ਯਾਦਵ ਵੀ ਵਿਰੋਧੀ ਧਿਰ ਦੇ ਵੱਡੇ ਚਿਹਰਿਆਂ ਨੂੰ ਮਿਲ ਕੇ ਜਵਾਬ ਦੇਣਾ ਚਾਹੁੰਦੇ ਹਨ।
ਦਸ ਦਈਏ ਕਿ ਪੱਛਮੀ ਬੰਗਾਲ ‘ਚ ਮਮਤਾ ਨੇ ‘ਖੇਲਾ ਹੋਵੇਗਾ’ ਦਾ ਨਾਅਰਾ ਦੇ ਕੇ ਸਾਰਾ ਚੋਣ ਮਾਹੌਲ ਹੀ ਬਦਲ ਦਿੱਤਾ ਸੀ। ਯੂਪੀ ‘ਚ 27 ਅਕਤੂਬਰ ਨੂੰ ਅਖਿਲੇਸ਼ ਨੇ ਓਮਪ੍ਰਕਾਸ਼ ਰਾਜਭਰ ਦੇ ਨਾਲ ਸਟੇਜ ‘ਤੇ ਖੜ੍ਹੇ ਹੋ ਕੇ ‘ਯੂਪੀ ਮੇ ਖਦੇੜ੍ਹਾ ਹੋਵੇਗਾ’ ਦਾ ਨਾਅਰਾ ਦੇ ਕੇ ਮਾਹੌਲ ਨੂੰ ਬਦਲਣ ਦੀ ਕੋਸ਼ਿਸ਼ ਕੀਤੀ।