ਉੱਤਰਾਖੰਡ ਦੀਆਂ 70 ਸੀਟਾਂ ‘ਤੇ ਵੋਟਿੰਗ ਹੋ ਰਹੀ ਹੈ। ਭੀਮਤਾਲ ਵਿਧਾਨ ਸਭਾ ਸੀਟ ‘ਤੇ ਇਕ ਪੋਲਿੰਗ ਕਰਮਚਾਰੀ ਨੂੰ ਦਿਲ ਦਾ ਦੌਰਾ ਪੈ ਗਿਆ । ਦੌਰਾ ਪੈਣ ‘ਤੇ ਬੁਲਾਈ ਗਈ 108 ਸਰਵਿਸ ਐਂਬੂਲੈਂਸ ਸੜਕਾਂ ਅਤੇ ਹੋਰ ਬੁਨਿਆਦੀ ਸਹੂਲਤਾਂ ਦੀ ਘਾਟ ਕਾਰਨ ਮੌਕੇ ‘ਤੇ ਨਹੀਂ ਪਹੁੰਚ ਸਕੀ। ਦਿਲ ਦਾ ਦੌਰਾ ਓਖਲਕੰਡਾ ਦੇ ਬੂਥ ਨੰਬਰ 47 ਵਿੱਚ ਪ੍ਰੀਜ਼ਾਈਡਿੰਗ ਅਫ਼ਸਰ ਨਵੀਨ ਚੰਦਰ ਜੋਸ਼ੀ ਨੂੰ ਪਿਆ ਸੀ ਨਵੀਨ ਜੋਸ਼ੀ ਨੂੰ ਕੁਝ ਲੋਕਾਂ ਵੱਲੋ ਡੋਲੀ ਰਾਹੀਂ 4 ਕਿਲੋਮੀਟਰ ਪੈਦਲ ਚੱਲ ਕੇ ਐਂਬੂਲੈਂਸ ਤਕ ਲਿਆਂਦਾ ਗਿਆ।
ਦਸ ਦਈਏ ਕਿ ਉੱਤਰਾਖੰਡ ‘ਚ ਸਵੇਰੇ 9 ਵਜੇ ਤੱਕ 5.15 ਫੀਸਦੀ ਅਤੇ ਸਵੇਰੇ 11 ਵਜੇ ਤੱਕ 18.97 ਫੀਸਦੀ ਵੋਟਿੰਗ ਹੋਈ। ਦੁਪਹਿਰ 1 ਵਜੇ ਤੱਕ ਉੱਤਰਕਾਸ਼ੀ (40.12%) ਪੋਲਿੰਗ ਵਿੱਚ ਸਭ ਤੋਂ ਅੱਗੇ ਸੀ, ਜਦੋਂ ਕਿ ਸਭ ਤੋਂ ਘੱਟ 29.68% ਪੋਲਿੰਗ ਪਿਥੌਰਾਗੜ੍ਹ ਵਿੱਚ ਦਰਜ ਕੀਤੀ ਗਈ।