ਉੱਤਰੀ ਭਾਰਤ ਦੇ ਪਹਾਡ਼ਾਂ ’ਚ ਬਰਫ਼ਬਾਰੀ ਸ਼ੁਰੂ ਹੋਣ ਨਾਲ ਠੰਡ ਇਕ ਵਾਰ ਮੁਡ਼ ਵਧਣ ਲੱਗੀ ਹੈ। ਉੱਤਰਾਖੰਡ, ਹਿਮਾਚਲ ਪ੍ਰਦੇਸ਼ ਤੇ ਜੰਮੂ-ਕਸ਼ਮੀਰ ਹੀ ਨਹੀਂ ਐਤਵਾਰ ਨੂੰ ਦਿੱਲੀ ਤੇ ਆਸ-ਪਾਸ ਦੇ ਮੈਦਾਨੀ ਇਲਾਕਿਆਂ ’ਚ ਵੀ ਬੱਦਲ ਛਾਏ ਰਹੇ। ਉਧਰ ਸ਼ਾਮੀਂ ਬਾਰਿਸ਼ ਵੀ ਹੋ ਗਈ ਜਿਸ ਨਾਲ ਮੌਸਮ ਇਕ ਵਾਰ ਮੁਡ਼ ਠੰਡਾ ਹੋ ਗਿਆ। ਮੌਸਮ ਵਿਭਾਗ ਅਨੁਸਾਰ ਸੂਬੇ ’ਚ ਅਗਲੇ ਚਾਰ ਦਿਨ ਪਹਾਡ਼ੀ ਜ਼ਿਲ੍ਹਿਆਂ ’ਚ ਬਾਰਿਸ਼ ਤੇ ਬਰਫ਼ਬਾਰੀ ਦੇ ਆਸਾਰ ਬਣੇ ਰਹਿਣਗੇ। ਇਸ ਨਾਲ ਮੈਦਾਨਾਂ ’ਚ ਵੀ ਠੰਡ ਵੱਧ ਸਕਦੀ ਹੈ।
। ਗਡ਼ਬਡ਼ ਵਾਲੀਆਂ ਪੱਛਮੀ ਪੌਣਾਂ ਦੇ ਹਿਮਾਲੀਆ ਖੇਤਰ ’ਚ ਸਰਗਰਮ ਹੋਣ ਕਾਰਨ ਉੱਤਰਾਖੰਡ ’ਚ ਮੌਸਮ ਦਾ ਮਿਜ਼ਾਜ ਬਦਲ ਗਿਆ ਹੈ। ਇਸੇ ਦੌਰਾਨ ਹਿਮਾਚਲ ਦੇ ਬਾਰਾਲਾਚਾ ਤੇ ਰੋਹਤਾਂਗ ਸਮੇਤ ਚੋਟੀਆਂ ’ਤੇ ਅੱਧਾ ਫੁੱਟ ਦੇ ਕਰੀਬ ਬਰਫ਼ਬਾਰੀ ਹੋਈ। ਕੁਫ਼ਰੀ ਤੇ ਨਾਰਕੰਡਾ ’ਚ ਵੀ ਬਰਫ਼ ਪਈ।
