ਪੱਛਮੀ ਬੰਗਾਲ ਦੇ ਮੋਦਿਨੀਪੁਰ ’ਚ ਰੇਲਵੇ ਲਾਈਨ ’ਤੇ ਸੈਲਫੀ ਲੈਂਦਿਆ ਕੁੱਝ ਵਿਅਕਤੀ ਹਾਦਸੇ ਦਾ ਸ਼ਿਕਾਰ ਹੋ ਗਏ । ਮੋਦਿਨੀਪੁਰ ਦੇ ਰੇਲਵੇ ਲਾਈਨ ‘ਤੇ 3 ਵਿਅਕਤੀ ਸੈਲਫੀ ਲੈ ਰਹੇ ਸਨ ਜਿਥੇ ਕਿ ਅਚਾਨਕ ਟਰੇਨ ਆ ਗਈ। ਤਿੰਨੋ ਨੌਜਵਾਨ ਟਰੇਨ ਦੀ ਲਪੇਟ ’ਚ ਆ ਗਏ ਜਿਨ੍ਹਾਂ ਵਿੱਚੋ 2 ਲੋਕਾਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ ਅਤੇ ਇਕ ਵਿਅਕਤੀ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਿਆ।
ਹਾਦਸੇ ਦੀ ਸੂਚਨਾ ਦੇ ਬਾਅਦ ਪੁਲਸ ਮੌਕੇ ’ਤੇ ਪੁੱਜੀ। ਹਾਦਸੇ ਸੰਬੰਧੀ ਜਾਂਚ ਕਰ ਰਹੇ ਪੁਲਸ ਅਧਿਕਾਰੀਆਂ ਨੇ ਦੱਸਿਆ ਕਿ ਮੋਦਿਨੀਪੁਰ ’ਚ ਰੇਲਵੇ ਲਾਈਨ ’ਤੇ ਸੈਲਫੀ ਲੈਣ ਦੌਰਾਨ ਇਹ ਹਾਦਸਾ ਹੋਇਆ ਹੈ। ਇਸ ’ਚ 36 ਸਾਲਾਂ ਮਿਥੁਨ ਖਾਨ ਅਤੇ 32 ਸਾਲਾਂ ਅਬਦੁਲ ਗੇਨ ਦੀ ਮੌਤ ਹੋ ਗਈ। ਪੁਲਸ ਅਧਿਕਾਰੀਆਂ ਨੇ ਦੱਸਿਆ ਕਿ ਰੇਲਵੇ ਕ੍ਰਾਸਿੰਗ ’ਤੇ ਫੋਟੋ ਲੈਣ ਦੀ ਮਨਾਹੀ ਹੈ। ਇਸ ਦੇ ਬਾਵਜੂਦ ਵੀ ਲੋਕ ਇਸ ਦੇ ਨੇੜੇ ਆ ਜਾਂਦੇ ਹਨ ਅਤੇ ਹਾਦਸੇ ਦਾ ਸ਼ਿਕਾਰ ਹੋ ਜਾਂਦੇ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਦੋਵਾਂ ਲਾਸ਼ਾਂ ਦਾ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ।