ਦਿੱਲੀ-ਹਾਵੜਾ ਰੂਟ ‘ਤੇ ਟਰੇਨਾਂ ਦਾ ਸੰਚਾਲਨ ਵੀਰਵਾਰ ਤੋਂ ਅਗਲੇ ਅੱਠ ਦਿਨਾਂ ਤੱਕ ਬੰਦ ਰਹੇਗਾ। ਪ੍ਰਯਾਗਰਾਜ ਡਿਵੀਜ਼ਨ ਦੇ ਸੋਮਨਾ ਸਟੇਸ਼ਨ ‘ਤੇ ਇੰਟਰਲਾਕਿੰਗ ਨਾ ਹੋਣ ਕਾਰਨ ਆਵਾਜਾਈ ਪ੍ਰਭਾਵਿਤ ਹੋਵੇਗੀ। ਇਸ ਦੌਰਾਨ ਗਾਜ਼ੀਆਬਾਦ ਤੋਂ ਲੰਘਣ ਵਾਲੀਆਂ ਕਈ ਟਰੇਨਾਂ ਨੂੰ ਗਾਜ਼ੀਆਬਾਦ ਅਤੇ ਖੁਰਜਾ ਵਿਚਕਾਰ ਰੋਕਿਆ ਜਾਵੇਗਾ। ਅਜਿਹੇ ‘ਚ ਯਾਤਰੀਆਂ ਨੂੰ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਉੱਤਰੀ ਰੇਲਵੇ ਦੇ ਸੀਪੀਆਰਓ ਦੀਪਕ ਕੁਮਾਰ ਦਾ ਕਹਿਣਾ ਹੈ ਕਿ 14 ਅਪ੍ਰੈਲ ਨੂੰ ਨਵੀਂ ਦਿੱਲੀ-ਦਰਭੰਗਾ ਸਪੈਸ਼ਲ ਐਕਸਪ੍ਰੈੱਸ, ਨਵੀਂ ਦਿੱਲੀ-ਭੁਵਨੇਸ਼ਵਰ ਐਕਸਪ੍ਰੈੱਸ, ਨਵੀਂ ਦਿੱਲੀ-ਗਯਾ ਐਕਸਪ੍ਰੈੱਸ, ਨਵੀਂ ਦਿੱਲੀ-ਦਰਭੰਗਾ ਐਕਸਪ੍ਰੈੱਸ ਅਤੇ ਆਨੰਦ ਵਿਹਾਰ-ਭਾਗਲਪੁਰ ਨੂੰ 20 ਮਿੰਟ ਲਈ ਮਰੀਪਤ ਅਤੇ ਖੁਰਜਾ ਤਕ ਰੋਕਿਆ ਜਾਵੇਗਾ। ਇਨ੍ਹਾਂ ਤੋਂ ਇਲਾਵਾ ਲਖਨਊ-ਨਵੀਂ ਦਿੱਲੀ ਐਕਸਪ੍ਰੈਸ ਟੁੰਡਲਾ ਵਿਖੇ 45 ਮਿੰਟ ਅਤੇ ਪੁਰੀ-ਆਨੰਦ ਵਿਹਾਰ ਐਕਸਪ੍ਰੈਸ ਨੂੰ 17 ਅਤੇ 18 ਅਪ੍ਰੈਲ ਨੂੰ 15 ਤੋਂ 60 ਮਿੰਟ ਤੱਕ ਰੋਕਿਆ ਜਾਵੇਗਾ।