ਹਰਿਆਣਾ ਵਿੱਚ ਕਰੀਬ 28 ਹਜ਼ਾਰ ਮੋਬਾਈਲ ਨੰਬਰ ਸ਼ੱਕੀ ਪਾਏ ਗਏ ਹਨ। ਉਨ੍ਹਾਂ ਨੂੰ ਜਲਦੀ ਹੀ ਬਲਾਕ ਕਰ ਦਿੱਤਾ ਜਾਵੇਗਾ। ਸਭ ਤੋਂ ਵੱਧ 9 ਜ਼ਿਲ੍ਹਿਆਂ ਵਿੱਚ ਪਾਏ ਗਏ ਹਨ। ਜਿਸ ‘ਚ ਫਰੀਦਾਬਾਦ ਅਤੇ ਗੁਰੂਗ੍ਰਾਮ ਸਿਖਰ ‘ਤੇ ਹਨ। ਇੰਡੀਅਨ ਸਾਈਬਰ ਕ੍ਰਾਈਮ ਕੋਆਰਡੀਨੇਟਰ ਸੈਂਟਰ (ICCCC) ਨੇ ਇਹ ਨੰਬਰ ਸਾਈਬਰ ਸੇਫ ਪੋਰਟਲ ‘ਤੇ ਅਪਲੋਡ ਕੀਤੇ ਹਨ। ਪੁਲਿਸ ਅਧਿਕਾਰੀਆਂ ਨੂੰ ਲਿਖੇ ਪੱਤਰ ਵਿੱਚ ਦੂਰਸੰਚਾਰ ਵਿਭਾਗ (ਡੀਟੀਓ) ਰਾਹੀਂ ਮੋਬਾਈਲ ਨੰਬਰਾਂ ਨੂੰ ਬਲਾਕ ਕਰਨ ਦੇ ਹੁਕਮ ਦਿੱਤੇ ਗਏ ਹਨ। ਦੱਸਿਆ ਜਾਂਦਾ ਹੈ ਕਿ ਨੈਸ਼ਨਲ ਸਾਈਬਰ ਕ੍ਰਾਈਮ ਰਿਪੋਰਟਿੰਗ ਪੋਰਟਲ ‘ਤੇ ਇਨ੍ਹਾਂ ਨੰਬਰਾਂ ਦੀ ਸਾਈਬਰ ਅਪਰਾਧ ਕਰਨ ਲਈ ਦੁਰਵਰਤੋਂ ਹੋਣ ਦੀ ਸੂਚਨਾ ਦਿੱਤੀ ਗਈ ਹੈ।
ਇਨ੍ਹਾਂ ਸ਼ੱਕੀ 27,824 ਮੋਬਾਈਲ ਨੰਬਰਾਂ ਵਿੱਚੋਂ ਗੁਰੂਗ੍ਰਾਮ ਦੇ (7,142) ਸਭ ਤੋਂ ਵੱਧ ਹਨ, ਇਸ ਤੋਂ ਬਾਅਦ ਫਰੀਦਾਬਾਦ (3,896), ਪੰਚਕੂਲਾ (1,420), ਸੋਨੀਪਤ (1,408), ਹਿਸਾਰ (1,228), ਅੰਬਾਲਾ (1,101), ਰੋਹਤਕ (1,045), ਪਾਣੀਪਤ (1430) ਅਤੇ (1,024) ਝੱਜਰ ਸ਼ਾਮਿਲ ਹਨ। ਪੁਲਿਸ ਹੈੱਡਕੁਆਰਟਰ ਵੱਲੋਂ ਇਨ੍ਹਾਂ ਸਾਰਿਆਂ ਜ਼ਿਲਿਆਂ ਦੇ ਐਸਐਸਪੀ, ਡੀਆਈਜੀ, ਏਡੀਜੀਪੀ-ਆਈਜੀ ਦੇ ਨਾਲ-ਨਾਲ ਗੁਰੂਗ੍ਰਾਮ, ਪੰਚਕੂਲਾ ਅਤੇ ਫਰੀਦਾਬਾਦ ਦੇ ਪੁਲਿਸ ਕਮਿਸ਼ਨਰਾਂ ਨੂੰ ਪੱਤਰ ਲਿਖਿਆ ਗਿਆ ਹੈ। ਜਿਸ ਵਿੱਚ ਇਨ੍ਹਾਂ ਨੰਬਰਾਂ ਨੂੰ ਬਲਾਕ ਕਰਨ ਲਈ ਕਿਹਾ ਗਿਆ ਹੈ।