ਪਾਕਿਸਤਾਨ ਦੇ ਸਿੰਧ ਸੂਬੇ ‘ਚ ਬੁੱਧਵਾਰ ਨੂੰ ਇਕ ਘਰ ‘ਚ ਰਾਕੇਟ ਲਾਂਚਰ ਦਾ ਗੋਲਾ ਫਟਣ ਨਾਲ ਇਕ ਪਰਿਵਾਰ ਦੇ ਚਾਰ ਬੱਚਿਆਂ ਸਣੇ ਘੱਟੋ-ਘੱਟ ਅੱਠ ਲੋਕਾਂ ਦੀ ਮੌਤ ਹੋ ਗਈ।
ਕਸ਼ਮੋਰ-ਕੰਧਕੋਟ ਦੇ ਸੀਨੀਅਰ ਪੁਲਿਸ ਕਪਤਾਨ ਰੋਹਿਲ ਖੋਸਾ ਨੇ ਦੱਸਿਆ ਕਿ ਬੱਚੇ ਖੇਤ ਵਿੱਚ ਖੇਡ ਰਹੇ ਸਨ ਜਦੋਂ ਉਨ੍ਹਾਂ ਨੂੰ ਇੱਕ ਰਾਕੇਟ ਦਾ ਗੋਲਾ ਮਿਲਿਆ, ਜਿਸ ਨੂੰ ਉਹ ਖਿਡੌਣੇ ਵਜੋਂ ਘਰ ਲੈ ਗਏ। ਜਦੋਂ ਇਹ ਫਟ ਗਿਆ ਤਾਂ ਇਸ ਧਮਾਕੇ ਵਿੱਚ ਚਾਰ ਬੱਚਿਆਂ, ਦੋ ਔਰਤਾਂ ਅਤੇ ਪਰਿਵਾਰ ਦੇ ਇੱਕ ਆਦਮੀ ਸਣੇ ਅੱਠ ਲੋਕਾਂ ਦੀ ਮੌਤ ਹੋ ਗਈ ਹੈ।
ਐਸਐਸਪੀ ਨੇ ਦੱਸਿਆ ਕਿ ਸੂਚਨਾ ਮਿਲਣ ’ਤੇ ਪੁਲਿਸ ਮੌਕੇ ’ਤੇ ਪਹੁੰਚ ਗਈ।
ਕਿਹਾ ਜਾ ਰਿਹਾ ਹੈ ਸਿੰਧ ਦੇ ਮੁੱਖ ਮੰਤਰੀ ਜਸਟਿਸ ਮਕਬੂਲ ਬਾਕਰ ਨੇ ਸੂਬਾਈ ਇੰਸਪੈਕਟਰ ਜਨਰਲ ਤੋਂ ਮਾਮਲੇ ਦੀ ਰਿਪੋਰਟ ਮੰਗੀ ਹੈ। ਉਨ੍ਹਾਂ ਕਿਹਾ ਕਿ ਰਿਪੋਰਟ ਵਿੱਚ ਦੱਸਿਆ ਜਾਵੇ ਕਿ ਇੱਕ ਰਾਕੇਟ ਲਾਂਚਰ ਸੂਬੇ ਦੇ ਕਸ਼ਮੀਰ ਜ਼ਿਲ੍ਹੇ ਦੀ ਕੰਧਕੋਟ ਤਹਿਸੀਲ ਦੇ ਪਿੰਡ ਜੰਗੀ ਸਬਜਵਾਈ ਗੋਠ ਵਿੱਚ ਕਿਵੇਂ ਪਹੁੰਚਿਆ।
