ਹਾਲ ਹੀ ‘ਚ ਮਕਰ ਸੰਕ੍ਰਾਂਤੀ ਦੇ ਮੌਕੇ ‘ਤੇ ਇਕ ਪਰਿਵਾਰ ਨੇ ਆਪਣੀ ਬੇਟੀ ਅਤੇ ਜਵਾਈ ਦਾ ਇਸ ਤਰ੍ਹਾਂ ਸਵਾਗਤ ਕੀਤਾ ਕਿ ਲੋਕ ਹੈਰਾਨ ਰਹਿ ਗਏ। ਜਵਾਈ ਲਈ 379 ਪਕਵਾਨ ਤਿਆਰ ਕਰ ਕੇ ਪਰੋਸੇ ਗਏ। ਦਰਅਸਲ, ਇਹ ਘਟਨਾ ਆਂਧਰਾ ਪ੍ਰਦੇਸ਼ ਦੇ ਪੱਛਮੀ ਗੋਦਾਵਰੀ ਜ਼ਿਲ੍ਹੇ ਦੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਇੱਥੇ ਰਹਿਣ ਵਾਲੇ ਇੱਕ ਜੋੜੇ ਨੇ ਆਪਣੀ ਕੁੜੀ-ਜਵਾਈ ਦੇ ਸਵਾਗਤ ਲਈ ਰਿਕਾਰਡ ਤੋੜ ਪ੍ਰਬੰਧ ਕੀਤੇ। ਇਸ ਜੋੜੇ ਨੇ ਮਕਰ ਸੰਕ੍ਰਾਂਤੀ ਦੇ ਮੌਕੇ ‘ਤੇ 379 ਪਕਵਾਨ ਵਰਤਾਏ। 15 ਜਨਵਰੀ ਨੂੰ ਮਕਰ ਸੰਕ੍ਰਾਂਤੀ ਦੇ ਮੌਕੇ ‘ਤੇ ਮੁਰਲੀਧਰ ਆਂਧਰਾ ਪ੍ਰਦੇਸ਼ ‘ਚ ਆਪਣੇ ਸਹੁਰੇ ਘਰ ਪਹੁੰਚੇ ਸਨ। ਸਹੁਰੇ ਘਰ ਅਜਿਹਾ ਸੁਆਗਤ ਵੇਖ ਉਹ ਬਹੁਤ ਖੁਸ਼ ਹੋਏ।
ਰਿਪੋਰਟਾਂ ਵਿੱਚ ਇਹ ਵੀ ਦੱਸਿਆ ਗਿਆ ਕਿ ਅਪ੍ਰੈਲ 2022 ਵਿੱਚ ਮੁਰਲੀਧਰ ਨੇ ਏਲੁਰੂ ਦੀ ਕੋਰੁਬੱਲੀ ਕੁਸੁਮਾ ਨਾਲ ਵਿਆਹ ਕਰਵਾਇਆ ਸੀ। ਇਸ ਪਰਿਵਾਰ ਨਾਲ ਸਬੰਧਤ ਇਕ ਵਿਅਕਤੀ ਦਾ ਕਹਿਣਾ ਹੈ ਕਿ ਕੋਵਿਡ ਦੀਆਂ ਪਾਬੰਦੀਆਂ ਕਾਰਨ ਕਈ ਥਾਵਾਂ ‘ਤੇ ਇਹ ਤਿਉਹਾਰ ਚੰਗੀ ਤਰ੍ਹਾਂ ਨਹੀਂ ਮਨਾਇਆ ਗਿਆ। ਇਨ੍ਹਾਂ ਸਾਲਾਂ ਵਿੱਚ ਕਈ ਲੋਕ ਸੰਕ੍ਰਾਂਤੀ ਦਾ ਤਿਉਹਾਰ ਵੀ ਆਪਣੀ ਧੀ ਅਤੇ ਜਵਾਈ ਨਾਲ ਨਹੀਂ ਮਨਾ ਸਕੇ। ਪਰ ਇਸ ਸਾਲ ਕਈ ਲੋਕਾਂ ਨੇ ਅਜਿਹੇ ਰਿਕਾਰਡ ਬਣਾਏ ਹਨ।